Хэт даврагч террорист бүлэглэл “Исламын улс”-ын цэргүүд Иракын хойд хэсгийн Мосул хотын музейн үзмэрүүдийг сүйтгэж эхэлжээ. Тэд энэхүү бичлэгээ пүрэв гарагт олон нийтийн сүлжээнд тавьсан байна.

    Хэт даврагч террорист бүлэглэл “Исламын улс”-ын цэргүүд Иракын хойд хэсгийн Мосул хотын музейн үзмэрүүдийг сүйтгэж эхэлжээ. Тэд энэхүү бичлэгээ пүрэв гарагт олон нийтийн сүлжээнд тавьсан байна.

Таван минутын турш үргэлжлэх энэхүү дүрс бичлэг Мосул хотын музейн томоохон баримал, урлагийн бүтээлүүдийг лантуугаар цохиж, хэдэн хэсэг болгон тарааж сүйтгэж байгааг харуулжээ. “Исламын улс” бүлэглэлийн гишүүд тус хотын археологийн талбай дахь Ассирийн маш том далавчит бухыг сүйтгэхдээ өрөмдөгч төхөөрөмжийг ашиглаж буй нь харагдана.

Террорист бүлэглэлийн нэгэн гишүүн бичлэгт “Ассиричүүд, аккадчууд болон бусад хүмүүс борооны, газар тариалангийн, дайны зэрэг бурхадтай байсан. Тэд өргөл барьц өргөх замаар тэдгээр бурхдад ойртохыг хичээдэг байсан. Тиймээс бид адислагдсан гараараа тэдгээр баримлыг устгаж, булшиллаа” хэмээн хэлжээ.
Музейн үзмэрүүд дунд эртний урлагийн жинхэнэ бүтээлүүд болон сэргээн засварласан бүтээл ч байсан байна.