Баруун Африкт олон мянган хүний аминд хүрсэн Эболагийн халдварыг эмчлэх эм бүтээхээр Японы “Toyama Chemical” компани ажиллаж байна. Өнгөрсөн долоо хоногт бүтээсэн эмийнхээ туршилтыг эхлүүлсэн баг өнөөдөр анх удаа хэвлэлд мэдээлэл хийсэн байна.

“Fujifilm”-ийн харьяанд дахь эмийн үйлдвэрийн салбар “Toyama Chemical”-ийн эхний шатны туршилт маш амжилттай болсон бөгөөд илүү өргөн хүрээнд туршилтыг үргэжлүүлэхээр шийдсэн байна. Тэдний бүтээсэн Avigan эмийг Японд эболагийн халдварыг эмчлэхэд ашиглахыг зөвшөөрсөн боловч гайхамшигтай үр дүнг үзүүлэхгүй байгаа гэнэ. 

Эм халдварын эрт шатанд сайтар үйлчилж байгаа боловч хүндэрсэн хойно хэрэглэхэд үр дүн гарахгүй байгаа аж.

“Туршилт миний хүлээж байснаас хамаагүй амжилттай болсон. Эболаг эмчлэх эмийг аль болох хурдан үйлдвэрлэх нь олон мянган хүний амийг аврах зам болно. Энэхүү эм уг өвчнөөр шаналж буй хүмүүсийн ганц найдвар болоод байна” хэмээн “Fujifilm”-ийн захирад Юзо Тода ярьжээ.

Европын комиссын санхүүжилттэй өөр нэгэн туршилтын хөтөлбөрийг өнгөрсөн жил Францад эхлүүлсэн амжилт олохгүй байна. 2013 оны сүүлээр дэгдэж 9177 хүний аминд хүрсэн Эболагийн халдварыг эмчлэх нэг ч эм зах зээлд гараагүй байна. Өдгөө 23 мянган хүн уг халдвараар шаналж байгаа аж.

Японы баг Avigan-ий туршилт амжилттай болвол ДЭМБ эмийг зах зээлд гаргахыг хүлээн зөвшөөрнө хэмээн итгэж байгаа гэлээ.