Австрали улс мягмар гарагт Ирак руу дахин цэрэг илгээхээ мэдэгдлээ. Шинэ Зеландын хамтын ажиллагааны хүрээнд Австрали Исламын улстай тэмцэхэд туслуулахаар 300 цэргээ Ирак руу илгээж байгаа юм байна.
 
Өнгөрсөн долоо хоногт Вэллингтон 140 цэргээ байлдааны бус зорилгоор буюу сургалт зохион байгуулахаар Ирак руу илгээх шийдвэр гаргасны дараа Австрали ийм шийдвэрт хүрчээ.

Ерөнхий сайд Тони Эбботт Ирак болон Америкийн засгийн газрын хүсэлтээр цэргээ илгээж байгаагаа онцолсон байна. “Бид энэ шийдвэрт хялбархан хүрчихээгүй гэдгийг би онцолмоор байна. Эцсийн эцэст Ирак үхлийн шүтээн (Исламын улс)-ийг  ялах ёстой. Тиймээс Иракыг өөрсдөө хий гээд орхиж болохгүй” хэмээн ерөнхий сайд хэлжээ. Мөн тэрээр “Бид байгалиасаа холын мөргөлдөөнд оролцох дургүй улс. Гэвч бидний мэдэж байгаагаар энэхүү мөргөлдөөн бидэнд ч хүрч байгаа” гэсэн байна.

Одоо Австралийн 170 цэрэг Иракт цэргийн сургуулилалт хийж байна. Канберра 2003 онд АНУ-ын тэргүүлсэн олон улсын хамтралд элсээд, 2009 онд гарах хүртлээ нийт 2000 цэргийг Ирак руу илгээж байсан юм.

Д.Идэр