Донецк дахь Оросыг дэмжин босогчид Укрианд гал зогсоох энхийн хэлэцээрийн дагуу бүх хүнд зэвсгээ эргүүлэн татсан хэмээн мэдээллээ. Энэхүү мэдэгдлийг Донецкийн Бүгд Найрамдах Ард улсын тэргүүн ням гарагт хийжээ. Харин нөгөө талаас Киевийн дэмжлэгтэй Донецк мужийн эрх баригчид Украины хүчин бүх хүнд зэвсгүүдээ татсан хэмээн мэдэгдсэн байна.

Хэдий хоёр тал хүнд зэвсгүүдээ эргүүлэн татсан ч Оросыг дэмжигч босогчид өнгөрсөн амралтын өдрүүдэд 46 удаа дайралт хийсэн хэмээн Украины тал мэдээлжээ. 

Өнгөрсөн сарын эхээр батлагдсан Украинд гал зогсоох хэлэлцээр бүрэн дүүрэн хэрэгжихгүй байгаа бөгөөд хүнд зэсвгүүдээ эргүүлэн татсан ч хэрэгжиж байна гэж дүгнэх боломжгүй байгаа юм. Учир нь талууд гарсан жижиг хэмжээний халдлагуудад ч бие биенээ буруутгасаар байгаа билээ.

2014 оны дөрөвдүгээр сард эхэлсэн зүүн Украины мөргөлдөөнөөр 6000 гаруй хүн амиа алдаад байна.