Хүнсний хомсдолд орсон Венесуэл улс иргэдийнхээ худалдан авч буй хүнсний нормыг хянахын тулд дэлгүүрүүддээ хурууны хээ уншигч байрлуулахаар болжээ. Ерөнхийлөгч Николас Мадуро өчигдөр энэ тухай мэдээлэхдээ орон даяар хүнсний сүлжээ дэлгүүрүүдэд нийт 20 мянган уншигч аппарат байршуулна гэсэн байна. Николас Мадурогийн хэлснээр энэ нь үндэсний хоолны худалдааны системд нэвтрүүлж буй анхны алхам аж.
Хүнсний сүлжээ дэлгүүрүүдэд хурууны хээ байршуулснаар иргэдийг нормоос илүү хүнс худалдан авах, цаашилбал худалдагчдад хахууль өгөх явдлыг зогсоох юм.
Засгийн газар Венесуэлд хүнс худалдаалдаг долоон томоохон сүлжээ компанитай уулзалт хийсний дараа энэхүү шийдвэрийг гаргасан байна.
Өмнөд Америкийн хамгийн өндөр инфляцитай социалист тус улсад хүнсний хомсдол үүсэх нь энгийн үзэгдэл болсон билээ.
Д.Идэр
Худалдан авагч бүр хурууны хээгээ ингэж уншуулна.
Харин нормтой хүнсээ худалдан авах гэсэн иргэдийн дараалал ийм урт байна.
Худалдан авагч бүр хурууны хээгээ ингэж уншуулна.
Харин нормтой хүнсээ худалдан авах гэсэн иргэдийн дараалал ийм урт байна.
Сэтгэгдэл (3)