Японы Хөдөө аж ахуйн яамны дэд сайд Юко Накагава зүй бус үйлдэл гаргасныхаа төлөө уучлал хүслээ. Тэрээр ажлын аялалынхаа үеэр гэр бүлтэй хамтрагч эрэгтэйг үнссэнийг нь Японы сэтгүүл сурвалжилж ихээхэн шүүмжлэлд өртсөн юм.

Долоо хоног тутмын сэтгүүл дэд сайдыг хууль тогтоогч Хирафуми Кадог Роппонги гудамжинд үнсэж буй зургийг нь дарж энэ тухай материалаа өнгөрсөн хоёрдугаар сарын 23-нд нийтэлсэн аж. Гэвч Сангийн сайд асан Шойчи Накагавагийн сүүлчийн бэлэвсэн эхнэр 56 настай Юко Накагава эмнэлэгт байсан учраас өөрийнхөө тухай шуугиант мэдээллийг энэ сарын тавны өдөр олж үзжээ.
Өнөөдөр эмнэлгээс гарч олонд мэдэгдэл хийсэн тэрээр болсон явдалд уучлал хүсээд болгоомжгүй хэрэг ажлынх нь хүлээн авах үдэшлэгийн дараа болсон хэмээн тайлбарласан байна. Харин тэрээр энэхүү хэрэгтэй холбогдуулан албан тушаалаа өгөхгүй гэжээ.

Хирафуми Кадо нь гурван хүүхэд, эхнэрийн хамт амьдардаг бөгөөд мөн өнөөдөр олон нийтээс уучлал хүссэн байна.