Афганистаны хилэгнэсэн олон түмэн Коран судрыг шатаасан эмэгтэйг харгисаар зодож хөнөөжээ. Тэд эмэгтэйг нийлж зодож хөнөөсний дараа цоцгсыг нь галд шатааж голд хаясан байна. Энэхүү аймшигт хэрэг явдал пүрэв гарагт Кабул хотын төв хэсэгт орших Шах-е Дох Шамшира нэрт исламын сүмийн ойролцоо болжээ.
 
Цагдаагийн газрын мэдээлж буйгаар олон арван хүмүүс 27 настай эмэгтэйг мод, төмрөөр зодож алж буй бичлэгээ интернэтэд байршуулсан байна.  Мөн бүлэг халдлагыг зохион байгуулсан хэргээр дөрвөн эрэгтэйг баривчлаад байгаа тухай тус улсын Дотоод хэргийн яамнаас мэдээллээ.

Эмэгтэй исламын ариун судар Кораныг шатаасан нь тогтоогдсон боловч эцэг эх нь түүнийг 11 настайгаасаа хойш сэтгэцийн өвчтэй болсон хэмээн мэдээлж байсан аж.