Дэлхий дээр хүний анхаарал татам сайхан бүсгүйчүүд тоолшгүй олон билээ. Тэднийг ерөнхийд нь супер өхөөрдөм, гайхамшигтай гоо үзэсгэлэнтэй гэж хоёр ангилж болох юм.
Хятадад төдийгүй дэлхийд гоо үзэсгэлэнгээрээ од болсон охиныг Гу Ли На За гэдэг. Тэрээр Хятадын алдарт загвар өмсөгч төдийгүй кино од юм. Түүний Уйгур нэр нь Гулназар.

  Дэлхий дээр хүний анхаарал татам сайхан бүсгүйчүүд тоолшгүй олон билээ. Тэднийг ерөнхийд нь супер өхөөрдөм, гайхамшигтай гоо үзэсгэлэнтэй гэж хоёр ангилж болох юм.

Хятадад төдийгүй дэлхийд гоо үзэсгэлэнгээрээ од болсон охиныг Гу Ли На За гэдэг. Тэрээр Хятадын алдарт загвар өмсөгч төдийгүй кино од юм. Түүний Уйгур нэр нь Гулназар. Энэ нь уйгур хэлээр цэцэг шиг гоо үзэсгэлэнтэй гэсэн утгатай аж.

Гулназар 1992 оны тавдугаар сарын 2-ны өдөр Шинжаны Урумкид цэвэр уйгур гэр бүлд төржээ. Охин найман нас хүртлээ Хятадын Мандарин хэлээр ярьж, бичиж чаддаггүй байв.

Гулназар 16 наснаасаа ахлах сургуульд сурахынхаа хажуугаар загвар өмсөгчөөр ажиллаж эхэлжээ. Түүний гоо үзэсгэлэн Хятадын загварын ертөнцад гялалзаж байв. Түүнийг тун гоёмсог цэвэрхэн арьстай тул “Уйгурын цолмон” гэж фенүүд нь нэрлэдэг. 2005 онд Шижаны урлагийн ахлах сургуулиа төгссөний дараа загварын амьдралаас гарахаар шийдсэн байна. Учир нь түүний ээж Гулназарыг загвар өмсөгчийн амьдралаар биш энгийн амьдралаар амьдраасай гэж хүсдэг аж.




Жил гаруйн дараа Гулназар ихэнх төгсөгчид нь алдартай од болдог Бээжингийн кино академид орохоор шийдэж өргөдлөө өгчээ. Хятадын сонинд гарсан “Үзэсгэлэнт уйгур охин” гарчигтай нийтлэл түүнийг тус академид ороход ихээхэн нөлөө үзүүлсэн гэж үздэг. Бурхан түүнд гоо үзэсгэлэнгээс гадна гайхалтай авьяасыг хайрласан гэлтэй. Гулназар Бээжингийн кино академид орсныхоо дараа тун удалгүй хятадын телевизийн кинонд тогложээ. Дараа нь Хятадын УСК “Scar of Heaven”-д хоёр дах гол дүрээ бүтээсэн нь түүнийг жүжигчний мэргэжлээр алдарших замд хөтөлсөн байна. 2011 онд кино академиа төгсчээ. Тэрээр 2011 оноос Шанхайн кино продакшнтай гэрээ байгуулж ажиллаж эхэлсэн байна. 2012 оноос “Ю шиа хиу” нэрт Хятадын телевизийн цувралд тоглосон нь хүмүүсийг дэлгэцийн өмнөөс босгохоо больсон гэдэг.


Өдгөө хорьхон настай Гулназар охиныг загвараас гадна киноны ертөнцөд “Уйгур Цолмон” болж өөрийгөө болон үндэстэн нэгтнийхээ нэрийг дурсгана гэдэгт олон хүмүүс итгэдэг.

Д.Идэр