Монголын их, дээд
сургуулиудын консорциум нь 21 аймаг болон Багануур дүүрэгт элсэлтийн шалгалтыг
зохион байгуулдаг байгууллага. Энэ байгууллага нь 2012 онд их, дээд сургуульд
оюутан элсүүлэх журамдаа өөрчлөлт оруулжээ. Энэ жил ЭЕШ ирэх долдугаар сарын
1-5-ны өдрүүдэд 21 аймаг болон Багануур дүүрэгт явагдана. Оюутан элсүүлэх журманд
өөрчлөлт оруулдагийн жишгээр энэ жил ч мөн бага зэргийн шинэчлэлт хийх юм
байна. Өмнөх жилүүдэд босго оноо 400 байсан бол өнөө жил Санхүү эдийн засгийн
дээд сургууль бүх мэргэжлээр элсэх босго оноог 620, МУИС 560 оноо байхаар
заасан байна. Мөн СЭЗДС-ийн Сингапур, Солонгост сурдаг давхар мэргэжил
эзэмшүүлдэг мэргэжил дээрээ англи хэлний оноо 750-иас доошгүй байхаар журамлаж
өгчээ. Харин бусад сургуулийн босго оноонд өөрчлөлт ороогүй аж. Мөн зарим их,
дээд сургууль ньмэргэжлийн ангиуддаа таналт хийж байна. Тухайлбал ЭМШУИС нь эрүүл
мэндийн эдийн засгийн мэргэжлээр элсэлт авахгүй гэнэ. Мөн МУИС компьютер
график, дизайн, реклам сурталчилгаа менежерийн ангидаа ур чадварын шалгалт
авдаггүй байсан бол энэ жилээс авч эхлэхээр болсон аж. Ерөнхий боловсролын
сургуулийн төгсөх ангийн сурагчдын их, дээд сургуульд элсэх журмын тухай
мэдээллийг сургуулиудаар нь дамжуулж хангалттай өгч байгаа бөгөөд дэлгэрэнгүй
мэдээллийг www.eec.mn гэсэн вэб сайтаас
өөрсдөө авч болно. Бүртгэл ирэх дөрөвдүгээр сарын 16-нд дуусах бөгөөд хоцорсон
тохиолдолд хугацааг сунгахгүй ба нэмэлт бүртгэл хийхгүй юм байна. БСШУЯ-аас
хамгийн эрэлт ихтэй 20 мэргэжлийн жагсаалтыг гаргажээ.1. Автозамын барилга
2. Бага ангийн багш
3. Сургуулийн өмнөх боловсролын багш
4. Байгалийн ухааны чиглэлийн багш
5. Геологи
6. Гедрогеологи
7. Гедромеханик инженер
8. Усны нөөц экологи
9. Уул уурхайн ашиглалтын технологи
10. Уул уурхайн машин тоног, төхөөрөмж
11. Малын эмч
12. Мэдээллийн систем
13. Газрын тосны хадгалалт тээвэрлэлт
14. Сантехник, инженерийн байгууламж
15. Сэргээгдэх эрчим хүч
16. Нано инженерчлэл
17. Био технологи
18. Цөмийн эрчим хүч
19. Онош зүй
20. Эмнэл зүйн шинжлэх ухаан судлал
Т.Хулан
