Залуусын анхны D20 брэнд арван насны төрсөн өдрийн ойн хүрээндээ www.bonus.skytel.mn сайтаар дамжуулан зөвхөн d20-ийн хэрэглэгч залуус дунд Америкийн үндэсний сагсан бөмбөгийн “Play off”-ийн “Нью-Ёорк Нийкс” болон “Чикаго Буллс” багуудын сонирхолтой тоглолтыг биеэр очиж үзэх азтан тодруулахаар амалсан. Тиймээс азтай хэрэглэгчээ гуравдугаар сарын дөрөвний өглөө “Боловсрол” телевизийн шууд нэвтрүүлгээр шалгаруулсан юм. “Скайтел” компаний D20-ийн үнэнч хэрэглэгч болох Б.Манзшир хэмээх азтай аавын хүү нэгжээ цэнэглээд бонусаа шалгаад супер азтан болсон. Тэрбээр Нью-Йорк хотын Эрх Чөлөөний хөшөө, Empire State Building зэрэг үзэсгэлэнт газруудаар аялж, дөрөвдүгээр сарын таванд Нью-Йорк хотын сагсан бөмбөгийн цэнгэлдэх хүрээлэн “Madison Square Garden”-д Derrick Rose, Carmelo Anthony, Jeremy Lin гэх мэт одуудын тоглолтыг үзэх азтан болсон сэтгэгдлээсээ хуваалцлаа. - Сайн байна уу? Азтан болсонд тань танд баяр хүргье. Өөрийгөө танилцуулна уу?
- Баярлалаа. Намайг Баярболд овогтой Манзшир гэдэг. ШУТИС-ийн Геологи тосны сургуулийн Геологич мэргэжлийн хоёрдугаар курсэд суралцдаг. Азтан болсондоо маш их баярлаж байна.
- Анх D20-ийн 10 насны төрсөн өдөр болж байгаа, АНУ-руу азтан шалгаруулах гэж байгаа тухай сонссон уу?
- Сонсолгүй яахав. Бараг суваг болгоноор цацагдаж байсныг үзэж байсан. Тухайн үедээ нэг их юм бодоогүй. Урд нь энэ тэнд янз бүрийн л азтан шалгаруулж байна гэж сонсогдож байсан. Харин миний хувьд нэг их ач холбогдол өгдөггүй, тоодоггүй байлаа. Нэг их үнэн гэж боддоггүй байсан болохоор АНУ явчих юмсан гэж бодоогүй.
- Өөрөө хэр их азтай хүн бэ? Азтан болсноо яаж мэдсэн бэ?
- Би сагсан бөмбөгийн спортод их дуртай “Боловсрол” телевизээр нэлээд нэвтрүүлэг үздэг л дээ. Гэхдээ яг азтан болж над руу залгах үед би нэвтрүүлэг үзээгүй байсан. Бас найзуудын маань нэг нь л надаар тоглож байгаа байх гэж бодоод итгээгүй явж байсан. Харин “Скайтел” компаниас гээд залгахаар нь гайхаад бага зэрэг итгэж эхэлсэн. Их балмагдсан шүү.
- D20-ийн үйлчлүүлэгч болоод хэр удаж байгаа вэ? Азтан болсон сэтгэгдлээсээ хуваалцвал?
- Бараг нэг жил шахам хугацаанд D20-ийн үйлчилгээг авч байна. Үйлчилгээ нь их таалагддаг. Залуус бидэнд таарсан үйлчилгээ явуулдаг. Саяхан “different days” үйлчилгээ шинээр гарахад их гоё санагдаж байсан. Азтан болоод өөрийгөө яг л од шиг санаж байна. Одоо ингээд л ярилцлага өгч байна шүү дээ. Ээж аав маань ч маш их баярлаж байгаа. Миний хүү их азтай хүн юмаа гээд өөрсдөө явах гэж байгаа юм шиг л баярлаад байгаа.
- АНУ-д очоод маш олон оддын тоглолтыг үзээд сагсан бөмбөгийг мэдрээд мөн дээрээс нь хэн нэгэн алдартай сагсан бөмбөгчинтэй хамт зоог барина шүү дээ. Тэр үед та тэр тоглогчтой юу ярих бол?
- Би ер нь геологийн ангид суралцдаг болоод ч тэр үү Монгол эх орондоо их хайртай. Утаатай ч Улаанбаатар хотдоо хайртай учраас эх орныхоо тухай сурталчилж ярьж өгнө. Боломж гарвал өөрийхөө ямар азтай, яаж азтан болсноо ч ярихыг хүсч байна. Юмыг яаж мэдэхэв ярихыг бодно оо.
- Нийт сонин уншигчдад хандаж үг хэлэх үү?
- Мянга сонсохоор нэг удаа үз гэдэг шиг www.bonus.skytel.mn сайтаар би азтан болсон. Үнэхээр үнэн байдаг юм байна гэж хэлмээр байна. “Скайтел”-ийн хамт олонд ч гэсэн үнэхээр их баярлаж байна.
