Өнөөдөр Сүхбаатар дүүргийн шүүхэд 2008 оны долдугаар сарын нэгний үймээний үеэр дөрвөн хүний амь нас хохирсон хэргийг шүүх хурал болохоор товлогдсон ч хоёр шалтгаанаар хойшиллоо. Шүүдэгчээр оролцож байгаа дэд хурандаа Г.Ганбаатарын өмгөөлөгч Оросоо Солонгост байгаа тул хурлыг хойшлуулах хүсэлт гаргасныг шүүгчид хүлээж авчээ. Мөн Долдугаар сарын нэгний хохирогчдын ар гэрийн холбооноос шүүх хуралд тухайн өдөр газар дээр нь байсан хоёр хүнийг гэрчээр нэмж оролцуулах ёстой гэсэн шаардлага тавьсан тул шүүх хурлыг хойшлууллаа.

  Энэ шүүх хуралд ЦЕГ-ын даргын үүрэг гүйцэтгэгч асан, хошууч генерал Ч.Амарболд, нийслэлийн Цагдаагийн газрын дарга асан, хурандаа О.Зоригт, Хэв журмын хэлтсийн дарга асан, хурандаа Ш.Батсүх нар шүүгдэгчээр оролцож байгаа. Мөн тухайн үед төрийн тэргүүнээр ажиллаж байсан Н.Энхбаяр, ерөнхий сайд асан С.Баяр, Хууль зүй дотоод хэргийн яамны сайд асан Ц.Мөнх-Оргил, ҮАБЗ-ийн гишүүн асан Д.Лүндээжанцан нарыг гэрчээр дуудсан. Шүүгдэгчид Сүхбаатар дүүргийн шүүхийн байранд бүгд ирсэн байгаа бол гэрчээр дуудагдсан хүмүүсийн нэг нь ч ирээгүй байна. Харин МАХН-ын дарга Н.Энхбаяр 10 цагийн үед очно гэдгээ мэдэгдсэн ч ирээгүй байна.
  Мөн 70 гаруй хүн "Ц.Элбэгдоржийг огцруул", "Ж.Батзанданг шүүх хуралд оролцуул", "Шүүх хурлыг нээлттэй болгоё" гэх зэрэг уриа лоозон барин хоёр эгнээ болон жагсаж байгаа гэж 24tsag.mn-ий сурвалжлагч мэдээллээ.