Ардын багш Арго “Хорин нэгэн мянга” нэртэй шинэ номоо бичиж худалдаанд гаргах гэж байна. Түүний номын нээлт өнөөдөр 17:00 цагт “Интер” номын их дэлгүүрт болно. Нээлтийн үеэр эхний 21 худалдан авагчдад “21 мянга” нэртэй UB palace-д болох хошин шоу тоглолтынхоо тасалбарыг бэлэглэх гэнэ. "Хорин нэг" гэдэг нь түүний хувьд ихэд билэгшээлтэй тоо гэнэ. Тэрээр хүүхэд насаа өнгөрүүлсэн Баянзүрх дүүрэгт байдаг гэр нь 21 дүгээр байрны 21 тоот дугаарын хаалга байснаас гадна 21  гэдэг тоо түүний амьдралын чухал мөчүүдэд тохиосон гэв.

 Түүнчлэн төрөөс ард түмэнд 21 мянган төгрөг өгч байгаа нь билэгшээлтэй санагдсан тул “21” мянга нэртэй хошин өгүүллэгийн шинэ ном гаргасан аж. Түүний найруулсан уг тоглолт  Монголын хошин урлагт урьд өмнө нь байгаагүй цоо шинэ санаа, сэдэлийг гаргаж ирнэ гэнэ. Уг тоглолтын тасалбарын үнэ 21000 төгрөгөөр худалдагдах аж. Хошин шогийн тоглолтоо тавьсаны дараа Арго багш өөрийн театртай болохоор ажиллах юм байна.

Т.Хулан