“Хил хязгааргүй сурвалжлагчид” олон улсын байгууллагаас жил бүр зохион явуулдаг “Интернэтийн дайсан” орнуудын  энэ оны жагсаалт гарчээ.

Жагсаалтад хамгийн ихээр интернэтэд заналхийлдэг улсаар Беларус, Бахрейн улсууд тодорсон байна.

Тус байгууллагынхан Беларус, Бахрейн улсуудыг “Олон улсын цахим хуудас, нийгмийн сүлжээг хаадаг, интернэтээр дамжуулан үзэл бодлоо илэрхийлэх эрх чөлөөг боогдуулдаг” хэмээн шүүмжилжээ.

Блогчид болон олон нийтийн сүлжээгээр дамжуулан санаа бодлоо илэрхийлсэн хүмүүсийг хамгийн ихээр удаа дараа баривчилсан үзүүлэлт ч мөн Беларус, Бахрейн улсад элбэг байдаг аж.

Жагсаалтад Саудын Араб, БНАСАУ, Сири, Узбекстан, Мьянмар, Вьетнам, Иран, БНХАУ болон Куба оржээ.

Д.Идэр