Өчигдөр нөөцийн мах бэлтгэдэг компаниуд Засгийн газарт нөөцийн махны үнийг нэмэх хүсэлт гаргажээ. Анх Улаанбаатар хотын иргэдийн махны хэрэгцээг хангах, үнийг нь бууруулах зорилгоор 2600-3700 төгрөгөөр зарж эхэлсэн. Гэсэн ч Засгийн газар мах бэлтгэгч компаниудтай хийсэн гэрээний дагуу нөөцийн махны үнийг Цагаан сарын баярын дараа нэмнэ гэж тохирсон аж. Тиймээс Махны холбооноос нэг кг хонины мах 5100, үхрийн мах 5500, ямааны мах 4100 төгрөгөөр худалдах саналаа хүргүүлээд байна. Мөн мах бэлтгэгч компаниудын хямдруулж зарсан зөрүү мөнгө, татаасыг Засгийн газар өнөөдрийг хүртэл  га олгоогүй байгаа тул алдагдалд оржээ. Нэгдүгээр сарын арван таванд 12 мянган тонн мах бэлтгэсэн ч иргэдийн хэрэгцээг хангаж чадахгүй, оочер дарааллал үүсгээд байгаа. Тиймээс 18 мянган тонныг нэмж бэлтгэж, энэ сарын 20-ноос худалдаанд гаргахаар төлөвлөсөн. Гэсэн ч энэ махыг нэмэгдсэн үнээр зарах магадлалтай болоод байна.