Нийслэлийн Чингэлтэй дүүргийн шүүхэд өнөөдөр 09.30 цагт ТВ-8 телевизийн сэтгүүлч Ж.Минжинтэй холбоотой  шүүх хурал болохоор болжээ.

Сэтгүүлч Ж.Минжин өнгөрсөн оны есдүгээр сард “Бурханы сүм дэлхийн сайн мэдээний авралын зар нийгэмлэг” нэртэй сүмийн үйл ажиллагаатай холбоотой асуудал дэвшүүлсэн мэдээллийг бэлтгэн гаргажээ.
 
Харин тус сүмийн удирдлагууд энэхүү мэдээллээр нь түүнийг буруутгаж, өнгөрсөн оны арванхоёрдугаар сарын 27-нд Чингэлтэй дүүргийн шүүхэд нэхэмжлэл гаргажээ. Тэд сүмийн нэр төрд халдсан гэдэг үндэслэлээр ТВ-8 телевизээс 30.1 сая төгрөг гаргуулах хүсэлтэй хэмээн  шүүхэд хандсан аж.

Уг хэргийн анхан шатны шүүх хурал өнгөрсөн долоо хоногийн лхагва гаригт болох байсан ч хойшлогдож, ийнхүү хоёр дахь удаагаа зарлагдлаа.

Д.Идэр