Манай гаргийн хамгийн “ногоон” улс хэмээн нэрлэгдэж байсан Өмнөд Америкийн үндэстэн сүүлийн саруудад зөвхөн сэргээгдэх эрчим хүч ашигласан нь дэлхийн нийтийн сайшаалыг хүртэж байна. Коста-Рика улс оны эхний 75 хоногт эрчим хүч түгээхдээ зөвхөн сэргээгдэх эрчим хүч ашигласан нь аль ч орны хувьд энэ үйл ажиллагаагаар рекорд эвдсэн хэрэг болж байгаа юм.
Тус улсад жилийн эхний гурван сарын турш бороо ихээр орсон нь байгаль орчны салбарт эргэлт хийхэд эерэгээр нөлөөлжээ. Коста-Рикагийн эрчим хүчний 80 хувь нь гидр буюу усан цахилгаанаас бүрддэг тул жилийн эхниий улиралд дөрвөн том далангаар борооны усыг цуглуулж их хэмжээний цахилгаан үйлдвэрлэсэн байна.
Коста-Рика нь Латин Америкийн хамгийн хөгжингүй орон бөгөөд Итали болон Европын холбооны олон гишүүн улсыг хөгжлөөрөө тэргүүлж байгаа юм. Тус улсын байгаль орчны бодлогыг амархан хуулбарлах боломжгүй аж. Учир нь их хэжээний тунадас ордог халуун бүсийн уур амьсгал, уулархаг газар нутаг, сийрэг буюу 4.8 саян хүн ам зэрэг нь сэргээгдэх эрчим хүчээр дагнахад давуу тал болж байгаа гэлээ.
Коста-Рика цахилгааныхаа 10 гаруй хувийг дэлхийн дотоод дулаанаас буюу идэвхитэй галт уулсын уураас олдог аж. Үүнээс гадна салхи, биомасс, нарны эрчим хүчний үйлдвэр ажиллуулж байна.
Д.Идэр
