Нигерийн тосгодыг исламын хэт даврагч Боко Харам бүлэглэл эзэлснээс хойш 11 буюу түүнээс доош насны 500-аад хүүхэд алга болжээ. Тэдгээрийг Боко Харамын дайчид хулгайлж аваад өөрийн цэрэг болгон бэлтгэж байгаа хэмээн тус улсын Дамасак хотын оршин суугч мэдээлжээ. Зүүн хойд хэсгийн хотод худалдаачин хийдэг эрийн мэдээлснээр тус бүлэглэлийн дайчид хүүхдүүдийг гэрээс нь бус дүрвэж явах замд нь хулгайлдаг гэлээ.
Нигерь, Чад улсын цэргүүд хамтарсан ажиллагаагаараа Дамасак хотыг Боко Харамаас эргүүлэн авсны дараа иргэн ийнхүү мэдээлэл өгөх боломжтой болж байгаа юм.
Хойд хэсгийн Борно муж улсын Сенатч Майна Маажи Лаваны мэдээлснээр Дамасак хотод хүүхэд олноор алга болох нь энгийн үзэгдэл мэт болсон байна.  Тэрээр исламын алан хядагчдыг хулгайлсан бага насны хүүхдүүдээ шашны өөрийн урсгалын сургуульд суулгадаг гэж үзэж байгаа аж. Харин 16-25 насны залуу хавгүүдийг цэрэг болгон татаж, аймшигт халдлагуудыг үйлдүүлдэг байна.
Боко Харам бүлэглэл 2014 оны дөрөвдүгээр сард Нигерийн Чибок тосгоноос 200 охиныг хулгайлсны дараа дэлхийн нийтийн анхааралд орсон юм.

Д.Идэр