Замын цагдаагийн ажилтныг зодож, биед нь гэмтэл учруулсан Улсын харцага Г.Намсрайжавт Эрүүгийн хуулийн 230.2-т зааснаар төрийн албан хаагч болон олон нийтийн байцаагчийн бие махбодид хөнгөн, хүндэвтэр гэмтэл учруулсан хэмээн Эрүүгийн хэрэг үүсгээд байгаа.
    Замын цагдаагийн ажилтныг зодож, биед нь гэмтэл учруулсан Улсын харцага Г.Намсрайжавт Эрүүгийн хуулийн 230.2-т зааснаар төрийн албан хаагч болон олон нийтийн байцаагчийн бие махбодид хөнгөн, хүндэвтэр гэмтэл учруулсан хэмээн Эрүүгийн хэрэг үүсгээд байгаа. Тэрээр өнгөрсөн лхагва гаригт Баянзүрх дүүргийн нутаг дэвсгэр Нарантуул захын баруун урд уулзварын орчим албан үүргээ гүйцэтгэж, шаардлага тавьсан замын цагдаагийн ажилтныг зодож гэмтээсэн хэрэг гарсан юм. Зодуулсан замын цагдаа Л-ийн нүдний ухархайны яс хугарсан, хамар гэмтсэн, уруул сэтэрсэн гэсэн онош гарсан байна. Харин улсын харцага Г.Намсрайжав тус цагдаагаас уучлал гуйжээ. Гэвч прокурорын газраас нэгэнт эрүүгийн хэрэг үүсгэсэн учир хэргийг шүүхээр шийдэх аж. Эрүүгийн хуулийн 230.2-т төрийн албан хаагч болон олон нийтийн байцаагчийн бие махбодид хөнгөн, хүндэвтэр гэмтэл учирсан бол гурван зуун тавин нэгээс таван зуун цаг хүртэл хугацаагаар албадан ажил хийлгэх, гурваас дээш зургаан сар хүртэл хугацаагаар баривчлах, эсхүл таван жил хүртэл хугацаагаар хорих ял шийтгэнэ хэмээн заажээ.