Ээжийгээ алхаар цохиж алаад, цогцсыг нь шатаасан 14 настай хүү Данэйл Бертламд доод тал нь 16 жилийн ял оноолоо.

    Өнгөрсөн оны дөрөвдүгээр сарын 25-нд энэ хэрэг гарсан бөгөөд хүү тухайн үед цагдаа нарт гэрт нь үл таних этгээд дайран орж ээж Жакуйлайныг нь хөнөөсөн хэмээн мэдүүлж байжээ.

    Мөрдлөгийн явцад хүү “үлгэр”-ээ өөрчилж ээжтэйгээ маргалдсаны дараа, өөрийгөө хянах мэдрэлгүй болж түүнийг алсан гэж мэдэгдсэн байна.  

    Цагдаа нар Данэйлийн комьпютерийг шалгасны дараа түүний ээжийн үхэлтэй холбоотой нийтлэлийг устгасаныг олсон байна. Тэрхүү нийтлэл нь “Данэйл Бертламд ээжийгээ Коронэйшн гудамжны үймээний үеийн аллагын аргаар хөнөөжээ” гэсэн нийтлэл бичээд устгасан байжээ.

    Энэ хэргийн өмнөхөн Коронэйшн гудамжинд гарсан үймээний үеэр Жон Стэйп гэгч залуу нэгэн эмэгтэйг алхаар цохиж алсныг хүү мэдэж байсан байна.  

    Хэргийг шүүх хурал хоёрдугаар сарын турш явагдсан бөгөөд шийдвэрийг өчигдөр мэдээлжээ. Шүүгчдийн хэлснээр хүү ээжийгээ гогцоо алхаар долоон удаа цохиж хөнөөгөөд, цогцос болон унтлагын өрөөгөөр нь бензин асгаж гал тавьсан байна. Ээжийнх нь цогцсыг эмнэлгийн задлан шинжилгээний дараа таньсан юм.

    Ахлах мөрдөгч Кэйт Мэйял “Бид түүнийг ээжийгээ алахаар төлөвлөж байсан гэдгийг мөрдлөгийн явцад мэдсэн. Данэйл төлөвлөгөөгөө тэр шөнөдөө хэрэгжүүлсэн” гэв.

    Талийгч Жакуйлайныг гэрчүүд хүүгээ хайрладаг, сайн ээж байсныг нотолсоор байсан гэнэ. Хамгийн ээдрээтэй зүйл нь Данэйл Бертламд яагаад ээжийгээ хөнөөснөө огтхон ч хэлэхгүй байгаа аж.