Хошин урлагийнхан энэ сарын 1-нд анхдугаар наадмаа зохион байгуулсан билээ. Тус наадмын үеэр  хэд хэдэн жүжигчинд гавьяат цол өгсөн нь үзэгчдийг догдлуулсан үйл явдал болсон юм. Энэ өдөр "Шинэ үе" продакшний захирал, жүжигчин Б.Ариунболд, жүжигчин Г.Ундармаа, "Шилдэг өнгө" продакшний жүжигчин С.Өлзийхүү нар Монгол улсын гавъяат жүжигчин цол тэмдэгээр шагнуулсан юм. Түүнчлэн хошин урлагт оруулсан үнэтэй хувь нэмрийг нь өндрөөр үнэлж “Маск” продакшны захирал П.Эрдэнэзааныг хоёр өрөө байраар шагнасан. Түүний шагналыг Л.Баттулга, Ж.Мөнхсайхан, Р.Алтансүх, Б.Баатархүү, Л.Дэмидбаатар, С.Өлзийхүү нар гардуулсан бөгөөд энэхүү  сэтгэлийн бэлгийг жил бүр уламжлал болгон нэг уран бүтээлчид өгч байх юм байна.