1.МУ-ын Ерөнхий сайд асан, УИХ-ын гишүүн С.Баяр. Түүний анхны эхнэрийг О.Гэрэлтуяа, дараах эхнэрийг Х.Хулан гэдэг. Удаах эхнэрээ УИХ-аас сонгож байсан С.Баярын хоёр дахь амьдрал бүтэлгүйтсэнээс хойш гоонь эрийн амьдралыг сонгож өнөөдрийг хүрсэн. Хожим Азийн топ модель Г.Оюунгэрэлтэй нэр холбогдож хэвлэлийн нүүрийг чимж явсан С.Баяр гишүүний хувийн амьдрал тогтворгүй гэдгийг Монголд байсан гадны хүмүүс хүртэл эвгүй үгээр илэрхийлээд амжсан юм.


2. ЗТБХБ-ын яамны сайд асан, УИХ-ын гишүүн Х.Баттулга. Түүний анхны эхнэр нь Ц.Энхтуяа гэдэг эмэгтэй бий. Эрхэм гишүүний улс төрд орсон он жилүүдтэй зэрэгцээд хувийн амьдралд нь хүртэл том өөрчлөлт орсон. Энэ бол түүний хоёр дахь эхнэрийн сонголт байсан юм. Арван жилийн сурагч байхаасаа чин үнэнч хайраар дурлаж, эргүүлдсээр байгаад авч суусан гэргий нь дагавар хүүхэдтэй байсан нь ч тэдний амьдралд асуудал үүсгээгүйгээр барахгүй хатагтай Ц.Энхтуяа Х.Баттулгад хоёр охин, нэг хүү төрүүлж өгсөн гэдэг. Харин тэрээр хоёр дахь гэргийгээрээ “местныи” Орос бүсгүйг сонгосон юм. Орос бүсгүй 2004 оны сонгуулийн өдрүүдэд түүнд ихэр хөвгүүн төрүүлж өгөн, эрхэм гишүүнийг баяр хөөрт умбуулсан билээ. Тэрээр хоёр дахь амьдралаа олны нүднээс туйлын нууцалдаг гэх нь бий. Ямар сайндаа л “Женко” тэднийгээ Холливудын алдарт жүжигчин Жэки Чаныг Монголд айлчлах үеэр анх удаа олны өмнө ил гаргах вэ дээ. Гэсэн ч тэрээр анхны гэргийдээ одоог хүртэл тун ч хүндэтгэлтэй ханддаг нь албан ёсны арга хэмжээ, айлчлалын үеэр заримдаа дагуулж явдгаас нь илт харагдана. 






3. УИХ-ын гишүүн Д.Батбаяр. Хувийн амьдрал нь олны нүдэнд хамгийн ил байдаг эрхэм. Тэрээр анхны эхнэр  П.Буянбилэгтэйгээ 1997 онд ханилан сууж байсан. Сумогийн ертөнцөд мэхний их дэлгүүр хэмээгдэж явсан тэрээр зодог тайлсныхаа дараа парламентед "уран мэхээ уралдуулан" хууль батлан сууж байгаа. Тэрээр хоёр хүүхдийнхээ ээж болох П.Буянбилэгээс дуулиан шуугиантай салж зохиолын дуучин Т.Баясгалантай хоёр дахь амьдралаа холбосон юм. Өдгөө Т.Баясгалан, Д.Батбаяр нарын гэр бүл хоёр дахь хүүхдээ өлгийдөн авчихаад байна.




5. УИХ-ын гишүүн Н.Батбаяр: Түүний анхны болоод албан ёсны гэргий нь Баясгалан хэмээх бүсгүй бий. Эрхэм гишүүн энэ эхнэртэйгээ одоог хүртэл хамт амьдарч байгаагаас гадна  Билгээ хэмээх бүсгүйтэй бас нэр холбогддог. Түүний нууц амьдралын эзэн Япон хэлний орчуулагч мэргэжилтэй бөгөөд тэдний дундаас төрсөн охин одоо наймдугаар суралцдаг байна.


6. УИХ-ын гишүүн О.Чулуунбат: Нэгэн үе “Монгол банк”-ны ерөнхийлөгчөөр ажиллаж байсан энэ эрхмийн хувийн амьдрал тийм ч нууц биш. Түүний анхны гэргийн нэрийг Баасансүрэн гэдэг. Энэ бүсгүй ноён О.Чулуунбатад хүү, охин төрүүлж өгсөн. Хүү охин хоёр нь өдгөө хоёулаа өрх тусгаарласан. Харин хоёр дахь эхнэрээрээ Г.Цэндмаа хэмээх бүсгүйг сонгосон. Тэрээр ноён банкирт 49-нийх нь жил дээр хэнз охин төрүүлж өгөн нялхруулж байсан цаг саяхан. Ноён О.Чулуунбат “Хэнз охин үр минь дахин 20 жил амьдрах үүрэг даалгавар өглөө, хайрандаа нялхарч байна” хэмээн хэвлэлээр ярьж байсан удаатай. Ховор нандин хөөрөг, эртний үнэт эдлэл цуглуулах хоббитой тэрбээр гэргий Г.Цэндмаадаа Дондогдулам хатны хөөрөг авч өгч бэл нүнжиг, сэтгэл юугаа илэрхийлж байсан ч удаатай. Өдгөө тавин таван настай эрхэм гэргий Г.Цэндмаагаасаа өрх тусгаарлаж, өөрийнхөө охиноос балчир шахуу Жимсээ хэмээх бүсгүйтэй хамт амьдраад чамгүй хугацаа өнгөрч байна. Залуу бүсгүйг нэгэн үе “Hi-Fi Records”-ын худалдагчаар ажиллаж, цэнхэр дэлгэцээр цомог сэлт танилцуулдаг байснаар нь уншигчид андахгүй сайн танина.





7. АН-ын дарга Н.Алтанхуягийн эхнэр Х.Сэлэнгэ: Х.Сэлэнгэ нь Н.Алтанхуяг даргын хоёр дахь эхнэр. Гэсэн хэдий ч тэрээр хуучин эхнэр Ганчимэгтэй эвтэй найртай байж, хүүхдүүдийнхээ төлөө санаа тавьдаг хамгийн үлгэр жишээ ээж гэдэг юм билээ. Хэдийгээр нөхрөөсөө олон насаар дүү ч эрх танхи загнаж дээгүүр дэвээгүй. Нөхрийнхөө ар талыг сайн манаж, өнөөдрийн амжилтад хүргэсэн гэж үнэлэгддэг энэ эмэгтэй ханийгаа “хайртушка” хэмээн дууддаг гэнэ лээ. Х.Сэлэнгэ нь  Н.Алтанхуяг даргад гурван охин төрүүлж өгчээ.

8. Батлан хамгаалахын сайд асан, УИХ-ын гишүүн Лу.Болд  ч мөн эхнэрээ сольсон. Гэхдээ хөрөнгө чинээтэй хүмүүс бусдын амыг сайн тагладаг шүү дээ. Тэр жишгээр маш нууцлагдмал байдаг юм билээ.
9. УИХ-ын гишүүн Ч.Улааны экс эхнэрийг Буд. Буд одоо хүүхдүүдийн хамт гадаадад амьдарч байгаа бөгөөд, Ч.Улаан залуухан эхнэртэйгээ зайсан хавьд амьдарч байна.



10. МУ-ын Ерөнхий сайд, Сү.Батболдын "Веst" сонголт: Тэрээр эхнэрээ амьдралынхаа хамгийн “BEST” сонголт гэж ярьж байсан. Үүнээс харвал ерөнхий сайд маань хоёр дахь амьдралдаа тун сэтгэл хангалуун байдаг бололтой. Түүний анхны эхнэрийг Баттуяа гэдэг. Тэрээр одоо АНУ-д ажиллаж амьдардаг. Харин Х.Отгонтуяагийн хувьд сонгодог урлагт тун элэгтэй нэгэн бөгөөд эрхэм ерөнхий сайдын найдвартай ар тал нь болдог байна. Энэ хоёр таван хүүхэдтэй.


11. УИХ-ын гишүүн Л.Гүндалай: Л.Гүндалай гишүүний эхнэрийг Л.Аззаяа гэдэг. Л.Аззаяа гэх бүсгүйг эхнэрээ болгож байсан Л.Гүндалай гишүүний дуулиан өнөөдөр ч бүдгэрээгүй байна. Сувилагчийн сургууль, МУИС-ын ОУХДС-ийг олон улсын эдийн засагч мэргэжлээр төгссөн энэ бүсгүй Монголын загварын ертөнцөд нэг хэсэг цахиур хагалж явсан. Тэрээр 19 настай жаахан охин байхдаа Монголынхоо нэрийг гаргаж явсан нэгэн. Харин улс төрчийн эхнэр болсноосоо хойш загварын тайз, шоу ертөнцөөс хөндийрч арын албыг нь найдвартай манаж яваа.


12. УИХ-ын гишүүн Д.Зоригт: Тэрээр Монголын толгой баячуудын тоонд зүй ёсоор бичигддэг. Тэрбээр 14 компаний хувьцаа эзэмшдэг хэмээн хөрөнгө оруулгын мэдүүлэгтээ дурдсан байдаг. Өвөрхангай аймгаас томилогдсон энэ эрхмийн мэдэлд “Монгол шуудан” банк, “Одод”, “Хасу”, “Орхонбулаг”, “Орхон хөгжил”, “МИГ” даатгал, “Скайнэтворк”, “Сансрын геологи хайгуул”, “Нэмнэ”, “Реалтор”, “Мэдуб”, “Новиза”, “Зэтсэрвис”, “Хайлааст”, “Багануур”, “Гермес” зэрэг компаниудын хувьцаа төвлөрдөг. Тэрээр Монголын сайхан бүсгүй Н.Мөнхцэцэгтэй эртнээс амраг сэтгэлийн харилцаатай болсон гэж хэвлэлүүд бичдэг. Харин Д.Зоригт гишүүний албан ёсны эхнэр Оюунсүрэн хэмээх бүсгүй байдаг. Насан залуудаа ханилж, хамтын хүчээр босгож, бүтээсэн амьдралаа Н.Мөнхцэцэг гэх бүсгүйгээс болж нураахыг хүсээгүй нь Оюунсүрэн хатагтайн хатан ухаан биз ээ.