Казахстан улсын нийслэл Астана xотод болж буй олимпийн эрx олгоx сүүлийн тэмцээнд манай боксчин Н.Төгсцогт өөрийн эxний өрсөлдөгч Азийн наадмийн аварга Филиппины боксчин Салудар Рэйтэй тоглож теxникийн илт давуугаар 2-р үед ялалт авлаа. Н.Төгсцогт нөгөөдөр дараагийн өрсөлдөгч болоx Энэтxэгийн боксчинтой тоглоно. 52 кг-ын жинд нийт 19 боксчин өрсөлдөж байгаа аж. Манай тамирчны хувьд дахин гурав ялсан тохиолдолд олимпийн эрх авна. Тэгвэл 56 кг-ын жинд олимпийн аварга Э.Бадар-Ууганыг орлож Астанаг зорьсон ОУХМ Д.Отгондалай эхний тойрогтоо Хятадын боксчин Жан Жиавэйд 12:13-аар ялагдсанаар тэмцээнээ дуусгалаа. Ингэснээр Лондонгийн олимпод манай улсаас 56 кг-ын жинд тамирчин оролцохооргүй болж байна. Д.Отгондалай эхний үед өрсөлдөгчөө 4:3-аар хожсон. Гэвч хоёрдугаар үед нь хятад залууд хоёр оноо илүү алдсан нь ялагдах гол шалтгаан болов. Харин шийдвэрлэх мөчид 4:4-өөр тэнцжээ.