Энэ сарын 9-ний өдөр буюу ирэх даваа гаригт 10.00 цагаас Хадгаламж зээлийн хоршооны хохирогчдын түр хорооныхон МАН-ын төв байр Тусгаар тогтнолын ордоны өмнө суулт хийхээр болжээ. Нийт 8301 хүн хадгаламж зээлийн хоршоонд 28 тэрбум төгрөгөө залилуулан алдсан аж. Харин тэд ШШГЕГ, шүүх цагдаагийн байгууллагынхан хадгаламж зээлийн хоршооны эздийн бүх хөрөнгийг битүүмжилж авчихаад зарахдаа замаас нь завшиж, маш бага үнээр зарснаас болж дээрх иргэдийн хохиролийг нөхөн төлж чадахгүйд хүрсэн гэжээ. Тиймээс суулт хийгчид доор гурван шаардлагыг гаргасан байна. 1. 8301 хүний 28 тэрбум төгрөгийн хохиролыг төр бүрэн барагдуулна уу.
2. ШШГЕГ-аас шилжигдсэн хөрөнгийг эргүүлэн татаж, дуудлага худалдааны хуулийг зөрчин зарагдсан наймааг хүчингүй болгоно уу
3. ШШГЕГ-аас шилжүүлсэн хөрөнгийг хууль бусаар наймаалцсан гэх цагдаа, шүүх, шүүхийн шийдвэр гүйцэтгэх газрын ажилтнуудад хариуцлага тооцно уу
4. Энэхүү луйварын ард байх магадлалтай Хотын дарга Г.Мөнхбаяр, ХЗДХЯ-ны сайд Ц.Нямдорж нарыг албан тушаалаас нь огцруулна уу гэсэн шаардлагыг гаргасан байна.
Б.Чимэг
