ГОУХАН-ээс Шүүхийн ерөнхий зөвлөлд Иргэн 2014 системийг хэвийн, тасралтгүй ажиллуулах зорилгоор өндөр хүчин чадал бүхий Dell PowerEdgeR920 маркийн 45 сая төгрөгийн үнэ бүхий серверийг хүлээлгэн өглөө.

Монгол Улсын Их Хурлын дарга Зандаахүүгийн Энхболдод Улсын Их Хурлын гишүүн, Монгол Улсын шадар сайд Ц.Оюунбаатар Эмнэлгийн тусламж, үйлчилгээний тухай хуулийн төслийг өнөөдөр /2016.01.15/ өргөн барилаа.

Аймгийн удирдлагуудтай хийсэн цахим хурлаар Завхан, Увс, Дундговь, Сүхбаатар аймгуудын өвөлжилтийн талаарх мэдээллийг сонсож, хүндрэлийг давахад шийдвэрлэх шаардлагатай байгаа асуудлуудыг ярилцлаа. Дээрх аймгуудын ихэнх сумдад цасны зузаан тал газраа 2-12 см, уулархаг нутгаараа 20-40 см-т хүрч сүүлийн хэд хоногт хүйтний эрч эрс чангарч байгаа тул өвөлжилт хүндэрч эхэлсэн байна. Орон нутгийн удирдлагууд аймгийн Засаг даргын мэдлийн өвс, тэжээлийг сум, багуудад хүргүүлж дууссан, ирэх долоо хоногт Улсын нөөцийн өвс, тэжээлийг хүргүүлэх ажлыг зохион байгуулахаар төлөвлөн ажиллаж байгаа ажээ. Зарим сумдад хүрэх зам харгуй хаагдсанаас том оврын машинаар зам гаргаж байна. Сүхбаатар аймгийн 5 суманд цэцэг өвчин гарсан бөгөөд вакцины хүрэлцээ муу байгааг анхаарч өгөхийг хүссэн бол нийт аймгууд өвөлжилтийн хүндрэлийг давахад тусгагдсан санхүүжилт орж ирэхгүй байна гэлээ. Мөн малчид бэлэн мөнгөгүй байгаа учраас тэжээлийн үнийг хямдруулж, зээлээр авах хүсэлтэй байгааг аймгийн удирдлагууд уламжиллаа.

Монгол Улсын Шадар сайд, Улсын онцгой комиссын дарга Ц.Оюунбаатар нийт аймгуудад 6580 тн өвс, 2678 тн тэжээлийг хямдралтай болон үнэ төлбөргүй хуваарилан хүргүүлсэн, ирэх 7 хоногт 2430 тн өвс тэжээлийг өвөлжилт хүндэрсэн аймаг, сумдад дахин хүргэнэ. Түргэн тусламжийн 47 автомашиныг зарим аймгийн сумдад хуваарилахаас 30 гаруйг нь Засгийн газрын хуралдаанаар ойрын үед хэлэлцүүлж, шийдвэрлүүлнэ. Өвөлжилтийн хүндрэлийг давж гарахад 1 тэрбум 400 сая төгрөг төсөвлөсөн бөгөөд Төрийн сангийн гүйлгээ ойрын хугацаанд хийгдэж эхлэх тул хөрөнгийн асуудал удахгүй шийдэгдэнэ гэлээ.

Өнөөдрийн байдлаар 16 аймгийн 50 гаруй сум цагаан зудтай, 20 аймгийн 120 сумдад зудархуу, бүх нутгаар цасан хучлага 10-40 см байна. Ойрын үед хүйтний эрч чангарах төлөвтэй байгаа учраас орон нутгийн удирдлагууд анхаарч ажиллах, хил залгаа аймаг, сумд мэдээллээ харилцан шуурхай солилцож, зам арчилгаа, отроор өвөлжиж байгаа мал, малчин, Улаанбаатар хотруу тээвэр хийж байгаа машин техникийн бүрэн бүтэн байдалд анхаарч, хүндрэл үүссэн тохиолдолд хүн хүч, техникийн тусламжийг бэлэн байлгахыг Монгол Улсын сайд, ЗГХЭГ-ын дарга С.Баярцогт үүрэг болголоо. Аймгуудаас тавьсан саналуудыг нэгтгээд нэн чухал шаардлагатайг эхний ээлжинд шийднэ. Мөн өвөлжилтөөс гадна мал төллөлт, хаврын тариалалт зэрэгт анхаарах, тэргүүний аймаг, сум шалгаруулах материалаа ойрын хугацаанд ирүүлэх, нийслэлийн жишгээр Төрийн нэгдсэн үйлчилгээг нэг цэгээс хүргэх ажлын бэлтгэл хангах хэрэгтэйг анхаарууллаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
- See more at: http://zasag.mn/news/view/11886#sthash.Y5RgYZjt.dpuf

УИХ-ын дэд дарга,

Эрхэм гишүүд ээ,

Монгол Улсын Засгийн газраас 2015 онд эрчим хүчний салбарт авч хэрэгжүүлсэн арга хэмжээ, түүний үр дүнгийн талаар танилцуулж байна.

2015 онд Монгол Улсын Засгийн газар эдийн засгийн хөгжлийн суурь болсон дэд бүтэц, ялангуяа эрчим хүчний салбарын шинэчлэл, хөгжилд онцгой ач холбогдол өгч ажиллалаа.

Найдвартай, чанартай бөгөөд боломжийн үнэтэй эрчим хүчээр айл өрх, хувийн хэвшлийг хангах зорилгоор Засгийн газраас дараах 6 чиглэлээр цогц арга хэмжээг авч хэрэгжүүлж байна. Үүнд:


Нэг. Эрчим хүчний салбарын хууль эрх зүйн орчныг боловсронгуй болгох

Эрчим хүчний салбарын хууль эрх зүйн орчныг боловсронгуй болгох зорилгоор 3 хууль, түүний дотор Эрчим хүчний хэмнэлтийн тухай хуулийг боловсруулсныг УИХ-аас 2015 онд баталсан. Эрчим хүчний хэмнэлтийн тухай хуулийг хэрэгжүүлэх, эрчим хүчний хэмнэлтийн тогтолцоог бий болгохын тулд эхний ээлжинд эрчим хүчний хэрэглээний стандартыг сайжруулах, салбар бүрт тохирсон эрчим хүчний стандартыг боловсруулах, нэвтрүүлэх ажлыг эхлүүллээ.

2015 онд УИХ “Төрөөс эрчим хүчний талаар баримтлах бодлого”-ыг баталсан. Бодлогыг урт болон дунд хугацааны зорилтот хөтөлбөрүүдээр дамжин хэрэгжүүлж байгаа бөгөөд дунд хугацааны “Эрчим хүчний үндэсний хөтөлбөр”-ийн төслийг боловсруулаад байна.

УИХ-ын Эдийн засгийн байнгын хорооноос “Түлш, эрчим хүчний салбарын талаар авах зарим арга хэмжээний тухай” 2015 оны 02 дугаар тогтоолыг хэрэгжүүлэн 2015 оныг үр ашгийг дээшлүүлэх, өртөг зардлыг бууруулах жил болгон ажилласны үр дүнд Төвийн эрчим хүчний систем, Дорнод бүсийн эрчим хүчний систем алдагдалгүй ажиллаж, хуримтлагдсан өр, авлагыг буурууллаа. 2015 оны урьдчилсан гүйцэтгэлээр эрчим хүчний салбар 5.6 тэрбум төгрөгийн ашигтай ажилласан байна.

Агаарын бохирдлыг бууруулах, гэр хорооллын айл, өрхийн цахилгаан халаагуур хэрэглээг дэмжих зорилгоор төвийн бүсийн гэр хорооллын айл өрхийн шөнийн цагт хэрэглэсэн цахилгаан эрчим хүчний үнийг 50 хувиар бууруулах шийдвэрийг Засгийн газраас гаргасан. Одоогийн байдлаар шөнийн цагийн цахилгаан эрчим хүчний үнийн хөнгөлөлтөд 120,000 орчим айл өрх хамрагдаж, 2015 оны 12 дугаар сард шөнийн цагт хэрэглэсэн 17.8 сая кВт.ц /Арван долоон сая найман зуун мянган киловатт цаг/ цахилгаан эрчим хүчинд 1.4 тэрбум орчим төгрөгийн хөнгөлөлт үзүүлсэн байна.

Хоёр. Эрчим хүчний салбарт хийгдсэн бүтээн байгуулалтын ажлын талаар

Эрчим хүчний шинэ эх үүсвэрийг бий болгох “Багануурын 700/Мегаватт/--ын цахилгаан станц”, “Дулааны цахилгаан станц-5”, “Баруун бүсийн 60 /Мегаватт/--ын дулааны цахилгаан станц”, “Дорнод бүсийн 100 /Мегаватт/-ын дулааны цахилгаан станц”, “Бөөрөлжүүтийн цахилгаан станц”, “Тавантолгойн 450 /Мегаватт/-ын дулааны цахилгаан станц”- төслүүдийг хэрэгжүүлэх бэлтгэл ажил хийгдэж байна.

Түүнчлэн Засгийн газар “Эгийн голын усан цахилгаан станц”, “Эрдэнэтийн дулааны цахилгаан станцын хүчин чадлыг 35 /Мегаватт/-аар нэмэгдүүлэх”, “Улаанбаатар-Мандалговийн 330 киловольтын 2 хэлхээт цахилгаан дамжуулах агаарын шугам, дэд станцыг барих” төслийн хөрөнгө оруулалтыг БНХАУ-ын Засгийн газрын хөнгөлөлттэй зээлийн эх үүсвэрээр, Архангай, Баянхонгор, Говь-Алтай, Говьсүмбэр, Дундговь, Завхан, Өвөрхангай, Хэнтий, Төв аймгийн төвүүдэд дулааны эх үүсвэр, дулааны шугам барих төслийг БНСУ-ын хөнгөлөлттэй зээлээр хэрэгжүүлэхээр шийдвэрлээд байна.

Эрчим хүчний салбарын санхүүгийн байдал, төлбөрийн чадвар, ашиг, алдагдлын шалтгаан, нөхцөл, эрчим хүч үйлдвэрлэх, дамжуулах, түгээх, борлуулах байгууллагуудын өртөг, үнэ тарифын бүтцийг судалж өртөг зардлыг бууруулах, үр ашгийг нэмэгдүүлэх талаар санал, дүгнэлт гаргах үүрэг бүхий Ажлын хэсгийг байгуулан ажилласнаар салбарын хэмжээнд үйл ажиллагааны нийт зардлыг 8.5 тэрбум төгрөгөөр хэмнэсэн байна.

ОХУ болон БНХАУ-аас өндөр үнэтэй худалдан авдаг эрчим хүчний импортын хэмжээг бууруулж, дотоодын үйлдвэрлэгч нараа дэмжиж ажилласны үр дүнд эрчим хүчний импортыг 120.0 гаруй сая киловатт цагаар буюу 18.0 тэрбум төгрөгөөр бууруулсан.

Амгалан дулааны станц 2015 онд үйлдвэрлэлийн үйл ажиллагаагаа эхэлсэн. Уг дулааны станц ашиглалтад орсноор Улаанбаатар хотын зүүн хэсгийн 20 мянган хэрэглэгчийн дулаан хангамж сайжирч, шинээр 40 мянган хэрэглэгчдийг дулаанаар хангах боломтой боллоо.

Эрчим хүчний салбарын хэмжээнд улсын төсвийн хөрөнгө оруулалт, Хөгжлийн банкны санхүүжилтээр 2015 онд нийт 66 төсөл, арга хэмжээний барилга угсралтын ажлыг хийж, улсын комиссоор хүлээн авсан.

Гурав. Эрчим хүчний салбарын үйлдвэрлэл, үйл ажиллагаа

2015 онд Монгол Улсын эрчим хүчний нэгдсэн систем нийт 7,288.488 /Долоон тэрбум хоёр зуун наян найман сая дөрвөн зуун наян найман мянган киловатт цаг/ цахилгаан эрчим хүч боловсруулахаар төлөвлөснөөс хүлээгдэж буй гүйцэтгэлээр 7045.167 /Долоон тэрбум дөчин таван сая нэг зуун жаран долоон мянган киловатт цаг/-ийг боловсруулах тооцоотой байна.

Эрчим хүчний нэгдсэн системийн хэмжээнд нийт 1,436.7 /нэг тэрбум дөрвөн зуун гучин зургаан сая долоон зуун мянган киловатт цаг/ цахилгаан эрчим хүч импортоор худалдан авсны 78 хувийг БНХАУ-аас, 22 хувийг ОХУ-аас тус тус импортлосон байна.

2015 оны Төвийн эрчим хүчний системд дулааны эрчим хүч үйлдвэрлэлийн гүйцэтгэл 101.4 хувь байна.

Эрчим хүчний салбарын хэмжээнд өвлийн бэлтгэл хангах ажлын хүрээнд нийт 1,722 нэр төрлийн ажлыг тогтоосон хугацаанд бүрэн гүйцэтгэж, үйлдвэрлэлийн найдвартай ажиллагааг хангаж чадлаа.

Тусгай зөвшөөрөл эзэмшигч компаниудын техник эдийн засгийн үзүүлэлтүүдийг сайжруулах зорилтыг баталснаар 2015 оны 3 дугаар улирлын байдлаар үйлдвэрлэлтийн дотоод хэрэгцээ 0.6 нэгжээр, дамжуулалтын алдагдал 0.1 нэгжээр, цахилгаан түгээлтийн алдагдал 0.5 нэгжээр тус тус буурсан эерэг үр дүн гарсан.

Дөрөв. Эрчим хүчний салбарын үнэ тарифын зохицуулалтын талаар

Эрчим хүчний салбарын санхүүгийн алдагдлыг бууруулах, эрчим хүчний үнэ, тарифыг бодит өртөгт хүргэх, үнэ тарифыг чөлөөлөх эхлэлийг тавих, зах зээлийн жишигт нийцүүлэх тодорхой зорилтуудыг дэвшүүлэн ажилласан. Эрчим хүчний үнэ тарифт зохих зохицуулалтуудыг хийснээр сүүлийн 10 жилд анх удаа Эрчим хүчний салбар санхүүгийн алдагдалгүй ажиллалаа.

2015 онд үнэ тарифын уян хатан, олон төрөлт тогтолцоог нэвтрүүлэх зорилгоор авч хэрэгжүүлсэн томоохон арга хэмжээг дурьдвал:

o Эрчим хүчний системийн оргил ачааллыг бууруулах, хэрэглэгчдийн зохистой хэрэглээг дэмжих зорилгоор аж ахуйн нэгж, байгууллагуудад цахилгааны чадлын тарифыг нэвтрүүлж, системийн оргил ачааллын хугацаанд буюу 17.00-22.00 цагийн хооронд хэрэглэсэн хэрэглэгчийн бодит чадлыг 9000 /төгрөг. Киловатт. сар/ төг/кВт/сар-аар тооцохоор тогтоож байна. Чадлын тарифыг тооцож эхэлснээр эрчим хүчний салбарын борлуулалтын орлого 20.2 тэрбум төгрөгөөр нэмэгдсэн.

o Сэргээгдэх эрчим хүчний тухай хуульд орсон нэмэлт, өөрчлөлтийн хүрээнд сэргээгдэх эрчим хүчний үнийн зөрүүд шаардлагатай хөрөнгийн эх үүсвэрийг хэрэглэгчийн эрчим хүчний үнэд шингээсэн зохицуулалтыг хэрэгжүүлсэн буюу хэрэглэгчийн худалдан авах дэмжих тарифыг шинээр тогтоож мөрдүүллээ. Ингэснээр сэргээгдэх эрчим хүчний үнийн зөрүүгээс Төвийн бүсийн нэгдсэн сүлжээнд дутагдаж байсан 16.0 тэрбум төгрөгийн хөрөнгийн эх үүсвэр (жилийн дүнгээр)-ийг шийдвэрлэсэн ба Тайшир, Дөргөний усан цахилгаан станцуудын санхүүгийн алдагдлыг 1.3 тэрбум төгрөгөөр бууруулах нөхцөлийг бүрдүүлж чадлаа

Үнэ, тарифын зохицуулалтуудын үр дүнд 2015 оны урьдчилсан гүйцэтгэлээр төвийн бүсийн 5 дулааны цахилгаан станц 2.8 тэрбум төгрөгийн ашигтай ажилласан ба мөн дүнгээр нүүрсний уурхайн өр төлбөрийг барагдуулсан.

Тав. Эрчим хүчний салбарын хувьчлалын талаар

2015-2016 онд хувьчлах, өөрчлөн байгуулах төрийн өмчит болон төрийн өмчийн оролцоотой хуулийн этгээдийн жагсаалтын дагуу Засгийн газар дулааны хоёр, гурав, дөрөвдүгээр цахилгаан станц болон Дархан, Эрдэнэтийн дулааны цахилгаан станцын нийт хувьцаанд төрийн эзэмшил70 хувь байх хэмжээнд нэмэлт хувьцаа гарган Монголын хөрөнгийн биржээр арилжих, түүнээс орох орлогыг компанийн техник, технологийг шинэчлэхэд ашиглах, Багануур, Шивээ-Овоогийн уурхайн төрийн эзэмшлийн хувьцаа 51 хувь байх хэмжээнд нэмэлт хувьцаа гарган Монголын хөрөнгийн биржээр арилжих замаар компанийн нүүрс олборлох хүчин чадлыг нэмэгдүүлэх, техник, технологийг шинэчлэх төслийг хэрэгжүүлэхээр шийдвэрлэсэн.

Зургаа. Эрчим хүчний салбарын гадаад хамтын ажиллагааны талаар

Монгол Улсын Ерөнхийлөгч Ц.Элбэгдоржийн БНХАУ-д хийсэн Төрийн айлчлалын үеэр “Шивээ-Овоо”-ийн 4800 МВт /Мегаватт/-ын цахилгаан станц, цахилгаан дамжуулах агаарын шугамын төслийг хүчин чадлыг нь нэмэгдүүлэн 9240 /Мегаватт/ болгох техник эдийн засгийн үндэслэлийг хийж гүйцэтгэх санамж бичиг болон БНХАУ-аас авах 1.0 тэрбум ам.долларын хөнгөлттэй зээлийн гэрээнд гарын үсэг зурсан. Энэхүү хөнгөлттэй зээлийн хөрөнгийн 85 хувийг эрчим хүчний салбартЭгийн голын 315 /Мегаватт/-ын усан цахилгаан станцын төсөл, Улаанбаатар-Мандалговийн цахилгаан дамжуулах агаарын шугам төсөл, Эрдэнэтийн дулааны цахилгаан станцын 35 /Мегаватт/-ын өргөтгөл, шинэчлэлийн төслүүдэд зарцуулахаар Засгийн газар шийдвэрлээд байна.

Дэлхийн Уур амьсгалын хөрөнгө оруулалтын сангийн “Бага орлоготой орнуудын сэргээгдэх эрчим хүчийг дэлгэрүүлэх хөтөлбөр”-т Монгол Улс хамрагдаж, олон улсын байгууллагаас манай улсад хэрэгжүүлэх төсөлд 30 сая ам.долларын буцалтгүй тусламж авахаар болсон.

Эрхэм гишүүд ээ,

2015 онд эрчим хүчний салбарын хувьд хууль, эрх зүйн орчноо боловсронгуй болгосон, үнэ тарифын бодлогод шинэчлэл хийсэн, зах зээлийн зарчмаар ажиллах, эрчим хүч импортлогч орноос экспортлогч орон болох зорилтыг хэрэгжүүлэх эхлэлийг тавьсан жил боллоо.

2016 онд “Хүртээмжтэй эрчим хүч” гэсэн зорилгыг тавьж, бүтээн байгуулалтын МЕГА төслүүдийн барилга угсралтын ажлыг эхлүүлэхээр төлөвлөж байна. Эрчим хүчний салбар системийн бие даасан байдлыг хангах, томоохон хүчин чадлын эх үүсвэрүүдийг барих ажлыг эхлүүлэх, эрчим хүчний импортын хараат байдлаас гарах, эрчим хүчний нэгдсэн системийг бий болгох ажлыг эхлүүлэх том зорилтыг тавин шинэ оны ажлаа эхлээд байна.

Эрчим хүчний салбарын өндөр насжилттай тоноглолуудыг орчин үеийн дэвшилтэт шинэ техник, технологиор солих ажлыг үе шаттайгаар хийж, хүний хүчин зүйлсээс хамаарах хамаарлыг бууруулах чиглэлийг барин ажиллах болно.

Сүүлийн 3 жил хийсэн эрчим хүчний үнэ, тарифын бодлогын өөрчлөлт, зах зээлийн зарчмаар ажиллахаар тавьсан эхлэлийг үргэлжлүүлэн цаашид эрчим хүчний үнийг өөрийн өртөгт хүргэх, өрсөлдөөнийг бий болгохоор төлөвлөж байна.
- See more at: http://zasag.mn/news/view/11887#sthash.2457Ax2U.dpuf

Авлигатай тэмцэх газраас Улс төр, шүүх, хууль хяналтын байгууллагын хүрээн дэх авлигын талаархи төсөөллийн2014 оны судалгааны үр дүнгийн тайланг боловсруулан хэвлүүлж, олон нийтэд мэдээлж ажиллалаа. Цагдаагийн байгууллагын авлига, хүнд суртал болон ашиг сонирхлын зөрчил үүсгэж болзошгүй ажлын байр, албан тушаал, удирдах алба хаагчдын авлигын хандлагыг тодорхойлохоор судалгааг нийслэлийн 4 дүүрэг, 3 аймгийн цагдаагийн газрын үйл ажиллагааг хамруулан 305 цагдаагийн албан хаагч, 331 иргэнээс асуулга авч зохион байгуулсан бөгөөд дүнг нийслэл, дүүргүүдийн албан хаагчдад мөн судалгааны дүнгээр авлигад өртөх эрсдэл өндөр гарсан дүүргийн замын цагдаагийн хэрэг бүртгэгч, байцаагч нарт танилцуулав.

“Монгол Улсын авлигатай тэмцэх хууль тогтоомжийн хэрэгжилт, авлигын ерөнхий нөхцөл байдал”-ын талаарх, мэдээллийг боловсруулан хэвлүүлж, УИХ-д хүргүүлэв. Энэ удаагийн мэдээллийг улс, аймаг, нийслэл болон салбарын түвшинд бэлтгэн хэвлүүлснээрээ онцлог юм. Танилцуулга мэдээллийг УИХ-ын гишүүд, Олон нийтийн зөвлөлийн гишүүд, бүх яам, аймаг, нийслэлийн Засаг дарга нарт хүргүүлжээ.

Муу нүүрт хэмээх гал бичин жилийн сар шинийн баяраар буюу билгийн тооллын хаврын тэргүүн сарын шинийн 1, 2, 3-нд бүх нийтээр амарна.

Шигшээд оролцох эхний багууд тодорлоо

Монголын хелбөмбөгийн холбооны идэрчүүдийн футзалын УАЩТ-ий Талын бүсийн тоглолт 15,17 насны ангилалд болж өндөрлөлөө. Тэмцээнээс эхний хоёр байр эзэлсэм багууд Улаанбаатар хотод ирэх сард болох шигшээ тэмцээнд оролцох эрх авах юм. Энэ тэмцээнд Хэнтий, Говьсүмбэр, Сүхбаатар, Дорнод, Дундговь, Төв аймгийн баг оролцсоноос 15 хүртэлх насанд Г овьсүмбэр аймаг тэргүүлж, Төв аймгийн баг удааллаа. Харин тэмцээний ахлахбуюу 17хүртэлхнасанд мөн Говьсүмбэр аймгийн багтамирчидтүрүүлж, Дорнод аймгийн багдэд байранд шалгарч шигшээ тэмцээнд оролцох эрхээ авлаа. Алтайн бүсийн тэмцээн Говь-Алтай аймгийн төв Алтай хотод болох бөгөөд мен нас насны ангилалд тус бүр хоёр баг шигшээ тэмцээний эрх авах юм байна.

...Улс төрийн намуудын сонгуульд ачааны хүндийг бүсгүйчүүд үүрдэг. Бүх ажлын төгсгөлд бүсгүйчүүд л үлддэг. Тэгэхээр би эмэгтэйчүүдээ дэмжинэ. Учир нь би намын жирийн гишүүн эмэгтэйгээс өөрийгөө олж хардаг...

Өнгөрсөн онд нийгмийн халамжийн сангаас 199 мянган хүнд 153 тэрбум төгрөгийн тэтгэвэр, тэтгэмж олгожээ.

Монголын хамгийн өндөр буюу 20 сая төгрөгийн шагналын сантай “Мастер тогооч” өрсөлдөөнт ТВ шоу “V” телевизээр Даваа, Лхагва,Баасан гараг бүрийн 22 цагаас гарч байгаа билээ. Нийт 27 оролцогчоос авьяас чадвараараа шалгарсан шилдэг 8 оролцогч үлдээд байна. Шоуг Монголын урдаа барьдаг мэргэжилтэн тогооч Я.Энхээ, С.Батмөнх, Тэмүлүн, Г.Тэнгис, Эрдэнэхүү болон тогооч Н.Мөнхболд нар шүүн ажиллаж байгаа юм.
5-р шатны шалгаруултанд үлдсэн шилдэг 8 тогоочийн хоолыг урлаг болгож буй үзүүлбэрийг энэ сарын 17,18ны 11:00 цагаас Хүннү Их Дэлгүүрээс “V” телевиз үзэгчиддээ хүргэх гэж байна. Сонирхсон бүхэнд нээлттэй өдөрлөг тул тул үзэгч та бүхнийг Хүннү Их Дэлгүүрт урьж байна.

“МИ-8”-ын ослын улмсгас амиа алдсан залуугийн ар гэрт байр олгожээ

2015 оны арванхоёрдугаар сард Зэвсэгт хүчний 337 дугаар ангийн МИ-8 нисдэг тэрэг шөнийн сургалтын нислэг хийж байгаад осолдсон билээ. Налайх дүүрэгт болсон уг ослын улмаас нисдэг тэргэнд сууж явсан ахмад Н.Батбаяр амиа алдсан. Мөн 10 хун хүнд хөнгөн гэмтэл авч Цэргийн төв госпитальд хэвтэн эмчлүүлж улмаар эмнэлгээс гараад байгаа юм. Нэг албан хаагчийн тархины гэмтэл хараахан бүрэн эдгэрээгүй учраас үргэлжлүүлэн эмчлүүлж байгаа. Туршилтын нислэгийн харамсалтаи ослын үед амиа алдсан М.Батбаяр агсаны ар гэрийнхэнээс Батлан хамгаалах яам албан ёсоор уучлалт гуйж түүний ар гэрийнхэнд хоёр өрөө орон сууц олгохоор болжээ. Тэрээр, цэргийн салбарт 17 жил ажилласан ахмад юм байна.

Үндэсний статистикийн хорооноос 2015 оны нийгэм, эдийн засгийн жилийн эцсийн тайлангийн талаар мэдээлэв.

МАН-ын бүлгээс зохион байгуулдаг ”Морин цаг” мэдээллээр УИХ-ын дарга З.Энхболд, Ерөнхий сайд Ч.Сайханбилэг, Монголбанкны ерөнхийлөгч Н.Золжаргал нарт шаардлага хүргүүллээ. Мэдээллийг УИХ-ын гишүүн Ч.Хүрэлбаатар, Д.Хаянхярваа, Н.Номтойбаяр нар хийлээ. Шаардлагыг эндээс үзнэ үү.

МОНГОЛ УЛС ЭКСПОРТЛОГЧДЫН АНХААРЛЫГ ТАТАЖ ЭХЭЛЛЭЭ

Нийт жолооч нарт сэрэмжлүүлэг хүргэлээ

Авто тээврийн үндэсний тевөес нийт иргэдэд болон жолооч нарт хандан сэрэмжлүүлэг гаргажээ. Тодруулбал, Увс, Завханы нутаг, Дархадын хотгор, Яармаг, Сонгино, гол нуурын ай сав газраар -45 хүртэл, Улаанбаатар хот дотор -35 хэм хуртэл цаашлаад 40 хүртэлхүйтэрчболзошгүйбайгаааж. Тиймээс жолооч нар шатах тослох материалын неөцтэй, тээврийн хэрэгслийн техникийн бэлэн байддыг хангаж замд гарах, мал аж ахуй эрхэлдэг иргэд, малчид малын өвс тэжээд, түлээ, нүүрсээ сайн базаах, малаа дагаж явж осгож хөлдөхвөс урьдчилан сэргийлэх, малаа аль болохоор ойр бэлчээх, дулаан хувцаслахыг санууллаа. Мөн иргэд онцын шаарддагагүй бол аян замд гарахгүй байх зэргээр осголт хөдцөлтөөс урьдчилан сэргийлэх арга хэмжээ авахыг анхааруулав.

ОХУ-д нефтийн үнэ дахин буулаа

Манай улс өнгөрсөн онд 56 сая толгой мал тоолуулжээ. Энэ нь өмнөх оныхоос 3975 толгой малаар өссөн үзүүлэлт аж.

Үндсэн хуулийн цэцтэй холбоотой хуулийн төслүүдийг хэлэлцэж эхлэв

Улсын Их Хурлын чуулганы өнөөдрийн /2016-01-15/ үдээс өмнөх нэгдсэн хуралдаанаар Тогтоолд өөрчлөлт оруулах тухай Улсын Их Хурлын тогтоолын төслийг хэлэлцэх эсэхийг үргэлжлүүлэн хэлэлцэв.

Хэлэлцэж буй асуудалтай холбогдуулан гишүүдийн тавьсан асуултын агуулга нь хүүхдийн мөнгө хөтөлбөрийг хэрэгжүүлэхтэй холбоотой төсвийн тодотголыг хэдийд оруулж ирэх, эх үүсвэрийг хаанаас олох, Хүний хөгжил сангийн орлого, зарлага нь ямар байгаа, тус сангаас хүүхдийн мөнгө олгоход бэлэн эсэх, хэдийд олгох, амьжиргааны түвшин тодорхойлох судалгаа хийсний үр дүн, ач холбогдол юунд байв, төсөв хэлэлцэх үеэр хүүхдийн мөнгийн асуудлыг яагаад тооцож суулгаагүй, тэнэмэл гэх хүүхдийн бүртгэл судалгаанд хэдэн хүүхэд хамрагдсан байгаа, тэдэнд хүүхдийн мөнгө хэрхэн, яаж өгөх, амьжиргааны түвшний ангиллыг хэрхэн яаж тогтоосон, ангиллын гол үзүүлэлтүүд нь юу байв, хүүхдийн мөнгөний асуудлаар нэг мөр ойлголттой болох зэрэг асуудалтай холбоотой байв.

Хүн амын хөгжил, нийгмийн хамгааллын сайд С.Эрдэнэ гишүүдийн асуултад хариулахдаа, хүүхдийн мөнгийг тогтвортой, ямар нэг чирэгдэлгүй олгож ирсэн бөгөөд цаашид хүүхдийн мөнгө хуулиар тогтоосон хугацаанд хэвийн олгогдоно гэдгийг онцлон тэмдэглэв.

Дараа нь гишүүд хэлэлцэж буй асуудалтай холбогдуулан саналаа илэрхийллээ.Тэд гэр бүл түүний дотор эх, хүүхдийн хөгжил, халамжийг дэмжсэн төрийн бодлогыг үргэлжлүүлэх, мөнгийг бүх бүлгүүдэд ялгаваргүйгээр олгох, хүүхдийг асарч, халамжилж, хүмүүжүүлж буй эх, өрхөд чиглэсэн бодлогыг дэмжих зэрэг асуудалд гишүүдийн анхаарлыг хандуулав.

Чуулганы хуралдаанд оролцсон гишүүдийн 57 нь буюу 90.5 хувь нь дэмжсэнээр уг тогтоолын төслийг хэлэлцэх нь зүйтэй гэж үзэв.

Эдийн засгийн хүндрэлтэй үед айл өрхөд очиж байгаа нийгмийн хамгааллын дэмжлэгийг бууруулахгүй байх, зорилтот бүлэгт очих дэмжлэгийг оновчтой зохион байгуулах шаардлагыг харгалзан “Хүний хөгжил сангаас Монгол Улсын иргэнд 2016 онд хүртээх хишиг, хувийн хэмжээг тогтоох тухай” Улсын Их Хурлын 2015 оны 11 дүгээр сарын 13-ны өдрийн 103 дугаар тогтоолд ийнхүү өөрчлөлт оруулах гэж байгаа билээ.

Архангай аймгийн Батцэнгэл сумын Дайр бор багийн нутгаас хэн нь тодорхойгүй нэгэн иргэний цогцос олджээ.