Увс аймгийн Сагил суманд хээрийн түймэр гарчээ.

Шинэчлэлийн Засгийн газраас хэрэгжүүлсэн “Нүүрс” хөтөлбөрийг зохион байгуулж ажиллахдаа албан тушаалаа урвуулан ашиглаж, улсад хохирол учруулсан гэх Л.Гансүх нарт холбогдох хэргийг Баянзүрх, Сүхбаатар, Чингэлтэй дүүргийн шүүхэд дөрвөн өдөр хэлэлцсэн билээ.

Монгол Улсын гавьяат тамирчин Дэлхийн аварга, дэлхийн аваргын мөнгөн медальт С.Цэрэнчимэд өнөөдөр KIA маркын автомашины эзэн боллоо.

Сонгинохайрхан дүүргийн 32-р хороонд байрлах Авто худалдааны цогцолборын бүтээн байгуулалтын эхний ээлжийн ажил дуусчээ.

Хубилай хааны мэндэлсний 800 жилийн ойд зориулан хэвлүүлж буй есөн боть бүтээлийн нээлт өнөөдөр 14 цагаас ”Интер ном” номын дэлгүүрт болох аж.

Сэжигээр өвдөж, сүжгээр эдгэнэ гэсэн үг байдаг. Гэтэл өнөөгийн манай улсын эмнэлгүүд ёстой сэжиг хүргэж, өвчин тусгахаар өрөвдөлтэй байдалтайгаар үйл ажиллагаагаа явуулсаар өнөөдрийг хүрлээ.

Дамбадаржаагийн Цагдаагийн посттой уулзвараас Шадивлангийн шинэ уулзвар хүртэлх замыг түр хугацаанд хаалаа.

Нийслэлийн Баянзүрх дүүрэг үүсэн байгуулагдсаны 50 жилийн ойн хүрээнд “Дарь-Эх” цогцолборыг нээжээ.

Монгол Улсын Их Хурлын дарга Зандаахүүгийн Энхболд 2015 оны 09 дүгээр сарын 18-ны өдөр Улсын Их Хурлын 2015 оны намрын ээлжит чуулганаар хэлэлцэх асуудлын дараалал тогтоох тухай 189 дүгээр захирамж гаргав.

Улсад олон тэрбум төгрөгийн хохирол учруулсан гэх Л.Гансүх нарт холбогдох шүүх хурал дөрөв өдөр хуралдах ирэх даваа гараг хүртэл түр завсарлаад байгаа билээ.

Монголын хүүхдийн спортын V их наадам бүтэн найман өдрийн турш болж өчигдөр өндөрлөлөө.

“I love Mongolia” өнгөрсөн удаад Дорноговь аймгаас мэдээ мэдээллийг сурвалжлан хүргэж байсан. Тухайн үед аймгийн бүтээн байгуулалт, сургууль, цэцэрлэг, эмнэлгийн үйл ажиллагаа зэрэг олон арга хэмжээг олон нийтэд мэдээлсэн бол энэ удаад засаг дарга П.Ганхуяг юуг онцолсоныг дурдах нь зүйтэй биз ээ.
Дорноговь аймгийн Засаг дарга П.Ганхуягийн хэлж буйгаар “Манай аймгийн хэмжээнд эмнэлэгийн үйл ажиллагаа, боловсрол, дэд бүтэц дээрээ түлхүү анхаарч байгаа. Харин хөрөнгө оруулалтын хувьд Дорноговь аймагт 40 гаруй тэрбум төгрөгийн хөрөнгө оруулалт хийгдсэн. Ялангуяа нийгмийн салбарт төлөвлөгдсөн сургууль, цэцэрлэгүүд бүгд ашиглалтад орсон. Дээрээс нь Дорноговь аймгийн хүн амын төвлөрөл багатай сумдад шинээр цэцэрлэг, дотуур байртай болсон. Орон нутагт сүүлийн хоёр жилд санхүүгийн эрх мэдэл шилжсэнээр багагүй бүтээн байгуулалтын ажил хийлээ.

Цаашдаа иргэдэд зайлшгүй хэрэгтэй салбарт хөрөнгө оруулалтуудыг бүрэн татаж өгөх болно. Энэ асуудалд иргэдийн сэтгэл их өндөр байгаа. Ялангуяа мал аж ахуйн салбарт өнгөрсөн оны сүүлчээр нэг сая 686 мянган тоо толгой мал тоолуулсан. Энэ тоо таван жилийн өмнө 900 мянга байсан юм. Энэ нь Дорноговийн малчид ихээхэн идэвхтэй ажиллаж байгаа, түүнчлэн малчдыг дэмжсэн төрийн бодлого хэрэгжиж эхэлж байгаагийн илрэл юм.

Бас нэг том бүтээн байгуулалт гэвэл бид нийслэл хоттойгоо засмал замаар холбогдож чадлаа. Мөн Замын-Үүдээс Эрээн хүртэлх 230 километр замыг ашиглалтад оруулсан. Энэ ажилд салбарын яамдууд болон орон нутгийн байгууллагаас их дэмжлэг үзүүлсэн. Аялал жуулчлалыг Хамрын хийд рүү чиглүүлэх ажил эрчимтэй өрнөж байна. Ингэхдээ Хамрын хийдийг 2030 он хүртэл цогц бодлогоор хөгжүүлэх, аялал жуулчлалын тав тухтай орчин бүрдүүлэх тал дээр хөтөлбөр боловсруулж байна. Аялал жуулчлалаас олох орлогын хувьд жил бүр хамрын хийдийг үзэхээр 70-80 мянган хүн ирдэг байсан бол энэ жил 110 мянга гаруй хүн ирлээ. Мөн аймгийн нэг өв болох үлэг гүрвэлийн томоохон хүрээлэн, музей бүхий цогцолбор байгуулахаар зорьж байна. Харин шилжилт хөдөлгөөний хувьд сумаас аймаг хүртэлх хөдөлгөөн нэлээд байх шиг байна. Харин аймгаас хотыг зорих хөдөлгөөн бараг зогссон гэж хэлж болно” гэлээ.

ЭРХТНИЙ ТЭНГЭРТ ОДТОЙ, ШАРАГЧИН ГАХАЙ ӨДӨР

Аргын тооллын: 2015.9.20, Ням гараг
Наран ургах шингэх: 06.47-19.00
Үс засуулбал: Хэл ам,хэрүүл тэмцэл ирнэ
Барилдлага: Түлэх
Шүтэн барилдлага: Тийн мэдэхүй
Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр гэмтнийг шийтгэх, хараал жатхыг буцаах, нялхасын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.

2015 оны 09 дүгээр сарын 20-ны 09 цагаас 21 цаг хүртэлх цаг

агаарын урьдчилсан мэдээ:



Нутгийн баруун хагаст үүлшинэ. Баруун болон төвийн нутгийн зарим газраар бороо орно. Бусад нутгаар багавтар үүлтэй. Бороо орохгүй. Салхи нутгийн зүүн хэсгээр зүүн өмнөөс, бусад нутгаар баруунаас баруун хойш эргэж секундэд 5-10 метр, зарим газраар секундэд 12-14 метр хүрч ширүүснэ. Алтай, Хангай, Хөвсгөл, Хэнтэйн уулархаг нутгаар 11-16 градус, Алтайн өвөр говь болон говийн бүс нутгийн өмнөд хэсгээр 22-27 градус, бусад нутгаар 15-20 градус дулаан байна.



УЛААНБААТАР ХОТ: Үүлшинэ. Бороо орохгүй. Салхи баруун хойноос секундэд 7-12 метр. 15-17 градус дулаан байна.

Хүүхдүүд спортын наадмын хаалтаа хийнэ

Толгойн өвдөлт түүнийг эмчлэх нь

Нийслэлчүүд Чингисийн талбайд ”Номын баяр” тэмдэглэж байна

Улсын Их Хурлын 2015 оны намрын ээлжит чуулганаар хэлэлцэх асуудлын дараалал тогтоох тухай захирамж гаргалаа

Монгол Улсын Их Хурлын дарга Зандаахүүгийн Энхболд 2015 оны 09 дүгээр сарын 18-ны өдөр Улсын Их Хурлын 2015 оны намрын ээлжит чуулганаар хэлэлцэх асуудлын дараалал тогтоох тухай 189 дүгээр захирамж гаргав.

Уг захирамжид:

Монгол Улсын Их Хурлын тухай хуулийн 15 дугаар зүйлийн 15.2 дахь хэсэг, “Улсын Их Хурлын 2015 оны намрын ээлжит чуулганаар хэлэлцэх асуудлын тухай” Улсын Их Хурлын 2015 оны 67 дугаар тогтоолыг үндэслэн ЗАХИРАМЖЛАХ нь:

1. Улсын Их Хурлын 2015 оны намрын ээлжит чуулганаар хэлэлцэх асуудлын дарааллыг доор дурдсанаар тогтоосугай:

1/ Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуульд нэмэлт, өөрчлөлт оруулах тухай хуулийн төсөл;
2/ Монгол Улсын 2016 оны төсвийн тухай хуулийн төсөл;
3/ Хүний хөгжил сангийн 2016 оны төсвийн тухай хуулийн төсөл;
4/ Нийгмийн даатгалын сангийн 2016 оны төсвийн тухай хуулийн төсөл;
5/ “Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төсөл;
6/ Монгол Улсын Их Хурлын тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслүүд;
7/ Хөгжлийн бодлого, төлөвлөлтийн тухай болон холбогдох бусад хуулийн төсөл;
8/ Шүүхийн шийдвэр гүйцэтгэх тухай хуулийн шинэчилсэн найруулгын төсөл болон холбогдох бусад хуулийн төсөл;
9/ Прокурорын байгууллагын тухай хуулийн шинэчилсэн найруулгын төсөл;
10/ Цагдаагийн албаны тухай хуулийн шинэчилсэн найруулгын төсөл;
11/ Эрүүгийн хуулийн шинэчилсэн найруулгын төсөл;
12/ Зөрчлийн тухай хуулийн шинэчилсэн найруулгын төсөл;
13/ Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчилсэн найруулгын төсөл;
14/ Төрийн албаны тухай хуульд нэмэлт, өөрчлөлт оруулах тухай хуулийн төсөл;
15/ Хамтын тэтгэврийн тухай хуулийн төсөл;
16/ Худалдааны тухай болон холбогдох бусад хуулийн төсөл;
17/ Хөрөнгийн албан татварын тухай болон холбогдох бусад хуулийн төсөл;
18/ Төсвийн албаны эрх зүйн байдлын тухай хуулийн төсөл;
19/ Хөдөлмөрийн тухай хуулийн шинэчилсэн найруулгын төсөл;
20/ Гэр бүлийн тухай хуулийн шинэчилсэн найруулгын төсөл;
21/ Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төсөл;
22/ Хүүхэд хамгааллын тухай болон холбогдох бусад хуулийн төсөл;
23/ Хүүхдийн эрхийн тухай хуулийн шинэчилсэн найруулгын төсөл болон холбогдох бусад хуулийн төсөл;
24/ “Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төсөл;
25/ Органик хүнсний тухай хуулийн төсөл;
26/ Хог хаягдлын тухай хуулийн төсөл;
27/ Хяналтын тухай болон холбогдох бусад хуулийн төсөл.

2.Энэ захирамжид зааснаас бусад хэлэлцүүлгийн шатанд байгаа болон Засгийн газраас санал авахаар Улсын Их Хурлын гишүүдээс хүргүүлсэн хууль, тогтоолын төсөл, хууль санаачлагчаас Улсын Их Хуралд өргөн мэдүүлсэн бусад хууль, Улсын Их Хурлын бусад шийдвэрийн төслүүдийг намрын ээлжит чуулганаар хэлэлцүүлэх асуудлыг тухай бүрт нь Зөвлөлөөр хэлэлцүүлэн шийдвэрлэж байхаар тогтоосугай.


З.Улсын Их Хурлын 2015 оны намрын ээлжит чуулганаар хэлэлцэх асуудлын бэлтгэл хангахыг Байнгын хороодын дарга нар болон Тамгын газар /Б.Болдбаатар/-т тус тус даалгасугай хэмээсэн байна гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

МОНГОЛ УЛСЫН ЕРӨНХИЙЛӨГЧИЙН ЗАРЛИГИЙН ДАГУУ НОМЫН БАЯРЫН ӨДРИЙГ УЛС ОРОН ДАЯАР ЁСЛОН ТЭМДЭГЛЭЛЭЭ
Administrator 2015-09-18 21:23:00

Монгол Улсын Ерөнхийлөгч Цахиагийн Элбэгдорж уламжлалт зан заншлаа хөгжүүлж, ард иргэд хүүхэд залуусын ном эрдэмд эгээрэн нөхөрлөх хандлагыг улам бүр дэмжих зорилгоор 2012 онд 158 дугаар зарлиг гаргаж, жил бүрийн 9 дүгээр сарын гурав дахь долоо хоногийн бямба гарагийг “Номын баярын өдөр” болгосон билээ.

Номд дуртай монгол түмний өргөнөөр тэмдэглэж, хүсэн хүлээдэг болсон энэхүү баярын өдрийг өнөөдөр Их эзэн Чингис хааны нэрэмжит талбай, Улаанбаатар хотын дүүргүүд, бүх аймаг, суманд ёслон тэмдэглэж байна.

Чингисийн талбай дахь Номын баярын нээлтэд Монгол Улсын Ерөнхийлөгчийн Тамгын газрын дарга П.Цагаан, Боловсрол, соёл, шинжлэх ухааны сайд Л.Гантөмөр, Ерөнхийлөгчийн зөвлөх Р.Болд, Монгол Улсын сайд, Засгийн газрын хэрэг эрхлэх газрын дарга С.Баярцогт, Монгол Улсад суугаа зарим улсын Элчин сайдууд, ардын уран зохиолчид оролцлоо. Номын баярыг нээж Ерөнхийлөгчийн Тамгын газрын дарга П.Цагаан хэлсэн үгэндээ “Эцэг өвгөдийн маань шавхагдашгүй оюун билгээс ундарч, мянганаар өртөөлөн ирсэн дундаршгүй өв соёлын тэргүүнд ном эрдэм байдаг. Тиймдээ ч хуучны үгэнд “номт гурван улс” хэмээгдэгчийн нэгд Монгол Улсыг багтааж ирсэн түүхтэй. Монголчууд өөрсдөө хөдсөн дээл өмсөж, үр ачаа нэхийд өлгийддөг хэр нь ээ ном судраа торго дурданд баринтаглан хоймортоо залдаг уламжлалтай билээ.

Монгол Улсын Ерөнхийлөгч Цахиагийн Элбэгдорж уламжлалт зан заншлаа хөгжүүлж, ард иргэд хүүхэд залуусын ном эрдэмд эгээрэн нөхөрлөх хандлагыг улам бүр дэмжих зорилгоор 2012 онд 158 дугаар зарлиг гаргаж, жил бүрийн 9 дүгээр сарын гурав дахь долоо хоногийн Бямба гарагийг “Номын баярын өдөр” болгосон билээ. Энэхүү баярын өдрийг улс орон даяар ёслон тэмдэглэх болсноор өнөө жил 4 дэх жилтэйгээ золгож байна.

Тус өдрийг Их эзэн Чингис хааны нэрэмжит талбай, Улаанбаатар хотын дүүргүүд, бүх аймаг, суманд өргөнөөр тэмдэглэх уламжлал тогтжээ. Энэ хугацаанд зохион байгуулагдсан “Зохиолч-уншигчдын уулзалт”, “Сэтгэл гэгээрээсэй” номын чуулган, “Шинэ номын баяр”, Монголын Үндэсний Номын сангийн “Номын баяр”, “Үнэт ховор номын музей” болон “Номын аялал”, “Зөөврийн номын сан”, “Монголчуудын номын өв соёл” үзэсгэлэн, “Номын хандив”, “Үдшийн уншлага”, “Үндэсний бичиг соёл” улсын уралдаан гээд сайн уламжлал, сонин сайхан санаачилгуудыг тоочиход сэтгэл нэн таатай байна. Цаашид ч энэ уламжлал үргэлжлэхийн сацуу улам өргөжин тэлнэ гэдэгт бид итгэлтэй байна. Учир нь бид номд дуртай ард түмэн.

Номын баяр жилээс жилд өргөжин тэлэхийн зэрэгцээ Ерөнхийлөгчийн зарлигт заасан ном эрдмийг сурталчлах, номын өв санг арвижуулах, хүүхэд залуучуудын сурах эрмэлзэлд дэмжлэг үзүүлэн ажиллахад төрийн бодлого чиглэж, байгууллага, хувь хүмүүс ч улам нэмэгдсээр байгааг та бид харж байна. Монгол Улсын Ерөнхийлөгчийн 2013-2017 онд хэрэгжүүлэх Бодлого, үйл ажиллагааны хөтөлбөрт ч үндэстнийхээ ёс заншил, соёл уламжлал, бахархал түүхийг сэргээж, иргэд хойч үедээ өвлүүлж үлдээхэд чиглэсэн бодлогоо эрчимжүүлэх заалт бий. Үнэхээр номын соёл бол монголчуудын соёл уламжлал, бахархал түүхийн томоохон хэсэг нь билээ. Ташрамд энэхүү арга хэмжээг үндэсний хэмжээнд зохион байгуулж ирсэн Боловсрол, Соёл, Шинжлэх Ухааны Яам, зөв мэдлэгт хөтлөгч “Номын соёлт ертөнц” төрийн бус байгууллагад талархаж, цаашдын ажилд их амжилт хүсэн ерөөе.

Номын цагаан буян ашид дэлгэрэх болтугай” гэлээ.

Өдөрлөгийн хүрээнд “Зохиолч-уншигчдын уулзалт”, “Бид өөрөө ном” зохиолын баатруудын тоглолт, “Ном дотор зам бий” хүүхдийн бүтээл туурвилын уралдаан, “Номын хандив” аян, “Бид номд дуртай” аянд нэгдэгчдийн цугларалт, номын 20-50%-ийн хямдралтай худалдаа, зохиолчдын гарын үсэгтэй номын худалдаа, номын төрөлжсөн үзэсгэлэн, “Ном” хөтөлбөр, Номын сангийн тухай хуулийн танилцуулга болон номон шагналтай тэмцээн уралдаанууд боллоо.

Хуульзүйн байнгын хорооны хуралдаж, Өршөөлийн хуульд нэмэлт өөрчлөлт оруулах төслийг хэлэлцэх байлаа. Гэвч гишүүдийн ирц бүрдээгүй учир байнгын хороо хуралдсангүй. Өнөөдөр ээлжит бус чуулган хаалтаа хийсэн. Өршөөлийн хуульд нэмэлт өөрчлөлт оруулж батлаагүй тул уг хуулийн үйлчлэх хүрээ хэрхэх талаар УИХ-ын гишүүн Ц.Нямдоржоос тодрууллаа.





-Ял эдэлж байгаа хүмүүсийг хуульд нэмэлт өөрчлөлт оруулсны дараа суллана гэж байсан. Гэтэл байнгын хорооны хуралдаанаар нэмэлт өөрчлөлт оруулах хуулийн төслийг хэлэлцсэнгүй. Тиймээс Өршөөлийн хууль үргэлжлэн хэрэгжих үү?



-Өршөөлийн хуульд хүлээж авсан хоригийг тусгаж, өөрчилж байж хууль хэрэгжинэ. Одоо ямар ч хүн суллагдахгүй. Хоригийг хүлээгээд авсан. Энэ дагуу Өршөөлийн хуулийн 9.1.3 дугаар зүйл, 5 дугаар зүйл хоёрт өөрчлөлт орох ёстой. Үүнийг нь тусгаж өгөөгүйгээс бүх ажил замхраад дууслаа.



-Өнөөдрөөс эхлээд Өршөөлийн хууль хэрэгжиж, хүмүүсийг суллана гэж байсан. Энэ дагуу хичнээн хүмүүс суллагдах вэ?



-Торгуультай хүмүүст л хамаарах зүйл. Шоронд ял эдэлж байгаа хүмүүсийг суллах аргагүй боллоо.