Сонгуулийн Ерөнхий хороо хуралдаж байна

Монгол Улсын Ерөнхийлөгчийн тав дахь удаагийн сонгуулийн санал хураалт өчигдөр болж өндөрлөлөө. Гэсэн ч нэр эдвшигчид 50+1 санал аваагүй тул дахин санал хураалт явуулахаар болоод буй. Одоогийн байдлаар 1984 хэсгийн хорооны мэдээг нэгтгэхээс 1981 хэсгийн хорооны урьдчилсан байдлаар нэгтгээд байгаа. Уг мэдээллээр Х.Баттулга 517151, М.Энхболд 411154, С.Ганбаатар 409767 иргэний санал авч, АН-аас нэр дэвшигч Х.Баттулга илүүрхээд байгаа юм. Тэгвэл санал хураалт дууссан дараа намууд ямар байр суурь илэрхийлснийг багц 24 буландаа онцолж байна. Тухайлбал олонхийн саналыг аваад буй АН-ын нэр дэвшигч өөрийгөө дэмжсэн хүмүүст талархал илэрхийлсэн бол МАХН-ынхан СЕХ-г зориудаар сонгогчдын саналыг будилуулж байна хэмээн мэдээлсэн. Харин эрх баригч хүчин одоогоор ямар нэгэн мэдээлэл хийгээгүй байгаа юм. Ингээд намуудын байр суурийг хүргэж байна.

Монгол Улсын тав дах Ерөнхийлөгч дахин санал хураалтаар тодрохоор болов. Хуулиндаа 50+1 хувийн санал авсан нэр дэвшигч Ерөнхийлөгчөөр сонгогддог тул ийнхүү дахихаар болсон нь олон хүнийг таамгийг баталлаа. Дахин санал хураалтад хамгийн их санал авсан хоёр нэр дэвшигч өрсөлдөх учиртай. Хамгийн сүүлийн үеийн мэдээллээр Ардчилсан намаас нэр дэвшигч Х.Баттулга /517478/, Ардын намаас нэр дэвшигч М.Энхболд /411748/ нар тунаж, дараагийн шатны сонгуульд өрсөлдөх эрхээ аваад байна.

Сонгуулийн Ерөнхий хорооноос эцсийн байдлаар дүн мэдээллийг хүргээгүй байна.

Нийслэлийн Онцгой байдлын газраас голын усны ослоос урьдчилан сэргийлэх, иргэдийн аюулгүй байдлыг хангах зорилгоор Туул гол дагуу завьт эргүүл ажиллуулж байна

Нийслэлийн аврах анги 105-ийн завьт эргүүлийн бүрэлдэхүүн энэ сарын 24-ний өдөр Баянзүрхийн 20 дугаар хороонд Туул гол дагуу аялагчдад аюулгүй байдлаа хангах талаар сэрэмжлүүлж байхад гурван настай хүүхэд усанд хөл алдаж урсаж байсныг шуурхай ажиллаж уснаас аварч эцэг эхэд нь хүлээлгэн өгсөн байна.

Тухайн үед эцэг эх нь голын эрэг дээр байсан ч хүүхдээ хараа хяналтгүй орхисны улмаас ийнхүү голын усанд осолдох гэж байжээ.

Нийт эцэг эхчүүдэд бага насны хүүхдийн аюулгүй байдлыг ханга, хараа хяналттай байхыг нийслэлийн Онцгой байдлын газраас онцгойлон анхааруулж байна.

УБТЗ ИРЭХ ЖИЛ 1 САЯ ЗОРЧИГЧ ТЭЭВЭРЛЭХ БОЛОМЖ НЭЭГДЛЭЭ
Энэ сарын 20-24-нд ОХУ-ын Буриад Улсын нийслэл Улаан-Үд хотноо Орос, Монгол, Хятад гурван улсын аялал жуулчлалын сайд нарын болон бүс нутгийн аялал жуулчлалын байгууллагын хоёрдугаар зөвлөлдөх уулзалт боллоо. Уг зөвлөлдөх уулзалтад Байгаль орчин, аялал жуулчлалын яамны төрийн нарийн бичгийн дарга Ц.Цэнгэл тэргүүтэй манай улсын төлөөлөгчид оролцсон бөгөөд “УБТЗ” ХНН-ийг төлөөлж УБТЗ-ын Удирдлагын асуудал хариуцсан замын орлогч даргын үүрэг гүйцэтгэгч Г.Ганболд, Зорчигч тээврийн албаны дарга Д.Нарантуяа, Аялал жуулчлалын товчооны дарга Б.Хажидмаа нарын төлөөлөгчид оролцлоо.
Зөвлөлдөх уулзалтаар бүс нутгийн аялал жуулчлалыг хөгжүүлэх зорилтын хүрээнд “Цайны зам” хөтөлбөр боловсруулж хэрэгжүүлэх талаар санал бодлоо солилцлоо. Уулзалтад оролцогч талууд “Цайны зам” хөтөлбөрийн хүрээнд 2018 онд Байгаль нуур орчмын аялал жуулчлалын бүсэд хятадын талаас нэг сая жуулчныг аялуулах томоохон зорилтыг дэвшүүлж протоколд гарын үсэг зурав. Энэхүү зорилтын хүрээнд талууд тус тусын оролцоо, идэвх санаачилгын талаар санал бодлоо дэвшүүлэн тавилаа. УБТЗ-ын хувьд монголоор дамжин аялах 1 сая жуулчныг тээвэрлэх, Улаанбаатар-Эрхүүгийн хооронд олон улсын хурдан галт тэрэг аялуулах боломжтой бөгөөд уг галт тэрэг аялснаар Сүхбаатар, Наушк хилийн өртөөд дээрх зогсолт эрс багасах юм. Уг галт тэргийг өдөр бүр 6-8 вагонтой аялуулах боломжтойг аялал жуулчлалын салбарынханд мэдээлэв. Гурван талын уулзалтаар дэвшүүлсэн “Цайны зам” хөтөлбөр хэрэгжиж эхэлбэл ирэх жилээс УБТЗ-ын зорчигч тээврийн алдагдал багасч, аялал жуулчлалаас орж ирэх орлого нэмэгдэх сайхан төлөв харагдаж байна.

АНХААР: Аагим халуун өдрүүд үргэжлжилнэ

2017-06-27 08:59:15


-Ойрын өдрүүдэд нутгийн зүүн хагаст аагим халуун үргэлжилнэ-


Улаанбаатар хотод үүлшинэ. Бороо орохгүй. Салхи баруун хойноос секундэд 6-11 метр, түр зуур секундэд 16-18 метр хүрч ширүүснэ. 32-34 градус дулаан байна.

Баруун болон төвийн аймгуудын нутгаар үүлэрхэг. Баруун аймгуудын ихэнх нутаг болон төвийн аймгуудын нутгийн зарим газраар түр зуурын бороо орно. Дуу цахилгаантай. Бусад нутгаар солигдмол үүлтэй. Бороо орохгүй.

Салхи нутгийн баруун хэсгээр баруун хойноос, бусад нутгаар баруун өмнөөс секундэд 6-11 метр, зарим газраар секундэд 18-20 метр хүрч ширүүснэ. Алтай, Хангай, Хөвсгөлийн уулархаг нутгаар 22-27 градус, говь талын нутаг болон Орхон-Сэлэнгийн сав газраар 34-39 градус, бусад нутгаар 29-34 градус дулаан байна.

Аргын тооллын 6 сарын 27, Ангараг гараг. Билгийн тооллын 4, Үнэг одтой, хөхөгчин тахиа өдөр. Өдрийн наран 4 цаг 57 минутад мандан, 20 цаг 50 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лусыг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, сэтгэлд сэвтэй газар очиход муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Дашнямтай өдөр. Үс шинээр үргээлгэх буюу засуулбал бие эрхтний, хүч сайжирна.

2017 оны 06 дугаар сарын 26-ны 20 цагаас 06 дугаар сарын 27-ны 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлэрхэг. Шөнөдөө зарим газраар, өдөртөө ихэнх нутгаар түр зуурын бороо орно. Дуу цахилгаантай. Салхи баруун хойноос секундэд 6-11 метр, зарим газраар түр зуур секундэд 16-18 метр хүрч ширүүснэ. Алтай, Хангайн уулархаг нутгаар шөнөдөө 6-11 хэм, өдөртөө 20-25 хэм, Алтайн өвөр говиор шөнөдөө 18-23 хэм, өдөртөө 29-34 хэм, бусад нутгаар шөнөдөө 11-16 хэм, өдөртөө 23-28 хэм дулаан байна.

ТӨВИЙН АЙМГУУДЫН НУТГААР: Үүлшинэ. Шөнөдөө Хангай, Хөвсгөлийн уулсаар, өдөртөө зарим газраар түр зуурын бороо орно. Дуу цахилгаантай. Салхи баруун өмнөөс хойш эргэж секундэд 6-11 метр, өдөртөө зарим газраар түр зуур секундэд 18-20 метр хүрч ширүүснэ. Хангай, Хөвсгөлийн уулархаг нутгаар шөнөдөө 9-14 хэм, өдөртөө 23-28 хэм, бусад нутгаар шөнөдөө 17-22 хэм, өдөртөө 29-34 хэм дулаан байна.

ЗҮҮН АЙМГУУДЫН НУТГААР: Солигдмол үүлтэй. Бороо орохгүй. Салхи баруун өмнөөс секундэд 6-11 метр, өдөртөө зарим газраар түр зуур секундэд 18-20 метр хүрч ширүүснэ. Шөнөдөө 14-19 хэм, өдөртөө 33-38 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Бороо орохгүй. Салхи баруун өмнөөс секундэд 3-8 метр. Шөнөдөө 13-15 хэм, өдөртөө 33-35 хэм дулаан байна.

ГОВИЙН АЙМГУУДЫН НУТГААР: Солигдмол үүлтэй. Бороо орохгүй. Салхи баруун өмнөөс секундэд 6-11 метр, өдөртөө зарим газраар түр зуур секундэд 18-20 метр хүрч ширүүснэ. Шөнөдөө 20-25 хэм, өдөртөө 34-39 хэм дулаан байна.

УЛААНБААТАР ХОТ: Үүлшинэ. Бороо орохгүй. Салхи баруун өмнөөс хойш эргэж секундэд 6-11 метр, өдөртөө түр зуур секундэд 16-18 метр хүрч ширүүснэ. Шөнөдөө 18-20 хэм, өдөртөө 31-33 хэм дулаан байна.

Монгол Улсын Ерөнхийлөгчийн сонгуулийн санал тоолох ажиллагаа үргэлжилж байна. Тэгвэл МАХН-аас дөнгөж сая мэдээлэл хийлээ. Тэд СЕХ-г санал хураалтын дүнг будилуулж байна гэдгийг хэллээ. Тодруулбал урьдчилсан дүнгийн мэдээллээр Х.Баттулга бусад нэр дэвшигчээсээ 100 гаруй мянган хүний саналаар илүүрхэж байгаа бол С.Ганбаатар нэр дэвшигч М.Энхболдоос 10 гаруй мянган хүний саналаар илүү байсан. Гэвч хэдхэн цагийн дотор хоёр нэр дэвшигчийн санал тэнцэж байгааг тэд эсэргүүцэж байгаа юм. МАХН-ынхны мэдээлж буйгаар Сонгуулийн Ерөнхий хороо алслагдсан баг, сумаас мэдээлэл ирэхгүй байна гэх нэрийн дор луйвар хийж байгаа аж. Тиймээс ийнхүү эсэргүүцэж мэдээлэл хийлээ.

Үүний дараа МАХН-ын гишүүд, дэмжигчид Сонгуулийн Ерөнхий хороон дээр үймээн үүсгэж эхэллээ. Тэд СЕХ-г шударга ажиллахыг шаардаж байгаа юм.

Монгол ялна гэдэг уриагаа дахиад хэлье”

Улсын хэмжээнд 1.3 сая сонгогч саналаа өгчээ

Монгол Улсын Ерөнхийлөгчийн долоо дахь удаагийн сонгуулийн санал хураалт өндөрлөж, СЕХ-оос мэдээлэл хийлээ.

Монгол Улсын Ерөнхийлөгчийн сонгуулийн урьдчилсан дүнг Сонгуулийн ерөнхий хороо шууд дамжуулан үзүүллээ. Санал хураалтын дүнгээр МАН-аас нэр дэвшигч М.Энхболд 391477 сонгогчын, АН-аас нэр дэвшигч Х.Баттулга 497213 сонгогчын, МАХН-аас нэр дэвшигч С.Ганбаатар 396256сонгогчын саналыг авсан байна.

Монгол Улсын Ерөнхийлөгчийн 2017 оны сонгуулийн санал хураалтыг СЕХ автомат тооллогоор явуулж, гурван нэр дэвшигчийн зургийг дэлгэцэнд гаргаж, Сонгуулийн хэсгийн хороо тус бүрээр танилцууллаа.

Энэ удаагийн сонгуульд 1.978.298 сонгогч саналаа өгөхөөр бүртгэгдэж, улсын хэмжээнд 1984 санал авах байр буюу сонгуулийн хэсгийн хороо ажилласан бол сонгуулийн урьдчилсан дүн 1624 хэсгийн хорооны дүнгээр гараад байна. Сонгуульд 1.218.665 сонгогч саналаа өгсөн байна. Энэ нь нийт сонгогчдын 60.4 хувь юм.

Урьдчилсан дүнгээр хамгийн олон саналыг Х.Баттулга авлаа. Гэсэн хэдий ч түүний авсан санал нийт сонгогчдын 50+1 хувийн хэмжээний санал биш юм. Тиймээс Монгол Улсын Сонгуулийн тухай хуулийн 105 дугаар зүйлийн дагуу хоёр дахь шатны санал хураалт явагдаж магадгүй болжээ.

Тус хуулийн 105.1-д Ерөнхийлөгчийн сонгуульд нэр дэвшигчдийн хэн нь ч анхан шатны сонгуулийн нэгдсэн дүнгээр олонхийн санал аваагүй бол хамгийн олон санал авсан хоёр хүнийг хоёр дахь санал хураалтад оруулна.

105.2.Сонгуулийн төв байгууллага хоёр дахь санал хураалтыг анхны санал авсан өдрөөс хойш 14 хоногийн дотор зарлан, зохион байгуулна хэмээн заасан байгаа. Саналын хуудсыг тоолох ажиллагаа үргэлжилж байна. Санал тоологдсон хэсгийн хороодоос тэмдэглээгүй хуудсын тоо 17528 гарчээ.

Монгол Улсын Ерөнхийлөгчийн сонгууль өнөөдөр 07:00-20:00 цагийн хооронд явагдлаа.

Монгол Улсын тав дахь Ерөнхийлөгчийг сонгох ээлжит сонгуулийн санал хураалтад урьдчилсан дүнгээр 1.218.665 сонгогч оролцсон байна.

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Fgogo.mn%2Fvideos%2F1416541795091775%2F&show_text=0&width=560” width=”560” height=”315” style=”border:none;overflow:hidden” scrolling=”no” frameborder=”0” allowTransparency=”true” allowFullScreen=”true”></iframe>

Монгол Улсын тав дахь Ерөнхийлөгчийг сонгох ээлжит сонгуулийн санал хураалтад урьдчилсан дүнгээр 1218665 сонгогч оролцож, Ардчилсан намаас нэр дэвшигч Халтмаагийн Баттулгад 473954 сонгогч, МАХН-аас нэр дэвшигч Сайнхүүгийн Ганбаатарт 382282, МАН-аас нэр дэвшигч Миеэгомбын Энхболдод 370089 сонгогч тус тус саналаа өгчээ. Санал хураалтын дүн бүрэн нэгтгэгдээгүй байна. Санал тэмдэглээгүй хуудсын тоо 17528 гарчээ. Нийт 1984 хэсгийн хорооноос 1624 хэсгийн хорооны дүн одоогоор гараад байна. Саналын хуудсыг тоолох ажиллагаа үргэлжилж байна.

Ерөнхийлөгчийн ээлжит сонгуулийн санал хураалтын дүнг шууд дэлгэцээр харуулна гэдгийг СЕХ-ноос мэдээлсэн байгаа. Өнгөрсөн жил УИХ-ын сонгуулийн дүнг ийм байдлаар гаргаж байсан юм. Тодруулбал, өнгөрсөн санал хураалтын урьдчилсан дүнг дэлгэцэээр 3-4 цагийн дотор гаргасан юм.

Энэ жишгээр энэ жил санал авах 1983 хэсгээс ирж байгаа мэдээг шууд танилцуулах юм. Үүний дараа ирцийн мэдээг хүснэгтээр харуулах юм байна.

Монгол Улсын Ерөнхийлөгчийн сонгуулийн санал хураалт өнөөдөр өглөөний 07.00-22.00 цаг хүртэл явагдаж дууслаа.

Сонгуулийн санал хураалтын дүнг шууд дамжуулан дэлгэцээр харуулж байна.

Одоогийн байдлаар Ардчилсан намаас нэр дэвшигч Х.Баттулга 482347, МАХН-аас нэр дэвшигч С.Ганбаатар 386337, МАН-аас нэр дэвшигч М.Энхболд 376209 санал авснаар Х.Баттулга тэргүүлж байна.