Ирэх даваа гарагт Их эзэн Чингис хааны мэндэлсэн өдөр буюу ”Монгол бахархлын өдөр” тохионо.

Монголбанкны өнөөдрийн зарласан ханшаар нэг ам.доллар 2363 төгрөг 10 мөнгөтэй тэнцэж байгаа бол “Найман шарга” валют арилжааны төвд ам.долларыг 2385 төгрөгөөр худалдан авч 2395 төгрөгөөр арилжиж байна.

УИХ-ын чуулганы нэгдсэн хуралдаанаар “Авлигатай тэмцэх, хариуцлага, шударга ёсыг бэхжүүлэх үндэсний хөтөлбөр батлах тухай” УИХ-ын тогтоолын төслийн анхны хэлэлцүүлгийг хийж байна. Хэлэлцэж байгаа асуудалтай холбогдуулан гишүүд асуулт тавьж хариулт авч байгаа юм. Өнгөрсөн хугацаанд авлигад өртөх эрсдэл бүхий ямар салбар байгааг гишүүн Ж.Ганбаатар асуусан юм. АТГ-ын дарга н.Энхжаргал “Авлигын эрсдэлд өртөх магадлалтай салбарыг иргэний байгууллагын судалгаагаар тодорхойлж гаргадаг. 2015 оны байдлаар авлигад өртөх эрсдэл бүхий салбарын жагсаалтад яамдаас Барилга хот байгуулалтын яам тэргүүлж, удаад нь Эрүүл мэндийн яам, Зам тээврийн яам, Байгаль орчин_ ногоон хөгжил, аялал жуулчлалын яам, Хүнс, хөдөө аж ахуй хөнгөн үйлдвэрийн яамд тус тус багтсан байна. Харин агентлагуудаас Мэргэжлийн хяналтын Ерөнхий газрыг нэгдүгээрт бичигдэж, АМГ, ГЕГ мөн багтжээ. Харин аймгуудаас Баян-Өлгий, Завхан, Дундговь, Өмнөговь багтсан байна” хэмээсэн юм.



Олон улсын байгууллагын судалгаагаар авлигад өртөх эрсдэл бүхий салбарт улстөрчид, хууль хяналт, мэргэжлийн хяналт, яамд багтдаг байна.

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Fanbuleg%2Fvideos%2F1223237724381770%2F&show_text=0&width=560” width=”560” height=”315” style=”border:none;overflow:hidden” scrolling=”no” frameborder=”0” allowTransparency=”true” allowFullScreen=”true”></iframe>

Орхон аймгийн Баян-Өндөр сумын нутаг дэвсгэрт энэ сарын 19-ны өдөр хүн амины онц ноцтой гэмт хэрэг гарчээ. Анх цагдаагийн байгууллагад Эрдэнэт хотын гэр хорооллын жалганд нохой овоорч, хүний гар хөл зуугаад явж байгаа тухай иргэд мэдээлжээ. Золбин нохойнууд эмэгтэйн гар, хөл, толгойг жалганд зууж авчирсан байсан аж. Улмаар цогцсыг таниулах ажиллагаа явуулж, 27 настай Ц гэгч эмэгтэйгийн цогцос болохыг тогтоожээ. Энэхүү хэрэгт гурван эрэгтэйг холбогдуулан шалгаж байгаа ба хэргийн газарт Орхон аймгийн цагдаагийн газрын Эрүүгийн гэмт хэрэг шалгах тасаг, Мөрдөн байцаах газарт онц ноцтой хэргийн талаар шуурхай мэдээлэл авч, хүч нэмэн ажилласан байна.

Хан-Уул дүүрэг дэх Яармагийн гүүрэн дороос энэ сарын 25-нд буюу өнгөрсөн мягмар гарагт толгойдоо сумны шархтай эрэгтэй олджээ.

Тодруулбал, Толгойдоо сумны шарх авсан эрэгтэйг харсан иргэд цагдаагийн байгууллагад мэдэгдэж улмаар түүнд эмнэлгийн тусламж үзүүлж амийг нь аварчээ.

Одоогоор түүний биеийн байдал гайгүй байгаа аж. Хэргийн газрын үзлэгээр тайрсан “ТОЗ-8” буу, хонгио олдсон байна.

Нийслэлийн Засаг дарга бөгөөд Улаанбаатар хотын Захирагч С.Батболд Филаделфиа оркестрийн Гадаад харилцаа хариуцсан Элчин сайд Владимир Петровичийг хүлээн авч уулзлаа.

Монгол улсын ерөнхийлөгч Ц.Элбэгдорж өнөөдөр Азийн оюутны аварга, Азийн элсний наадмын мөнгөн медальт Монгол улсын сагсанбөмбөгийн шигшээ баг тамирчдыг төрийн ордонд хүлээн авч уулзаж хүндэтгэл үзүүлэх ажээ.

Энэхүү уулзалтын үеэр Ази тивийн түвшинд бахдам амжилт үзүүлээд байгаа баг тамирчид маань Монгол улсын 4 дэх ерөнхийлөгч Ц.Элбэгдоржид #4 номерийн дугаартай цагаан өнгийн өмсгөлөө дурсгал болон өгөхөөс гадна аваргын тоглолтын гарын үсэгтэй бөмбөг, торыг дурсгал болон өгөх юм.

Сангийн сайд Б.Чойжилсүрэн өчигдөр УИХ-ын дарга М.Энхболдод “Эдийн засгийн хүндрэлийг даван туулах, тогтворжуулах хөтөлбөр батлах тухай” УИХ-ын тогтоолын төслийг өргөн барьсан билээ. Уг нь ирэх оны төсөв хэлэлцэж байгаа энэ үед эдийн засгийн хүнрэлээс гарах хөтөлбөрийг хамтад нь хэлэлцэх ёстой гэсэн байр суурийг зарим гишүүд илэрхийлж байсан.

Тус хөтөлбөр нь эдийн засагт үүссэн хүндрэлүүдийг богино хугацаанд шийдвэрлэх зорилготой гэдгийг Сангийн сайд онцлов. Хөтөлбөр нь Макро эдийн засгийг тогтворжуулах бодлого хэрэгжүүлэх, Дунд хугацаанд эдийн засагт бүтцийн өөрчлөлт хийж, тогтвортой өсөлтийг хангах, өрийн дарамтыг бууруулах бодлого хэрэгжүүлэх гэсэн хоёр үндсэн стратегитэй юм байна. Энэ хүрээнд нийт 60 гаруй бодлогын арга хэмжээг хэрэгжүүлэхээр төлөвлөжээ.

Уг хөтөлбөрийг хэрэгжүүлснээр төсвийн тэнцлийг сайжруулж, төлбөрийн тэнцлийн дарамтыг бууруулах замаар макро эдийн засгийг тогтворжуулах, гадаадын хөрөнгө оруулагчдын Монгол Улсын макро эдийн засгийн бодлого, бодлогын хэрэгжилтийн үр дүнд итгэх итгэлийг сэргээх, Засгийн газрын авсан зээлийг урт хугацаатай, бага хүүтэй зээлээр солих замаар зээлийн зардлыг бууруулах, дэд бүтцийн томоохон төслүүдийг эрчимжүүлснээр эдийн засгийн өсөлтийг нэмэгдүүлэх, дунд хугацаанд уул уурхайн бус салбарын экспортын орлогыг нэмэгдүүлж, эдийн засгийг төрөлжүүлэх үндэс суурийг тавих боломж бүрдэнэ хэмээн үзсэн байна.

Макро эдийн засгийг тогтворжуулах эхний стратегийн хүрээнд төсвийн болон мөнгөний бодлогыг оновчтой хослуулан хэрэгжүүлж, гадаад валютын орох урсгалыг нэмэгдүүлэх замаар гадаад, дотоод макро тэнцвэрт байдлыг сайжруулж, тогтворжуулах, эдийн засгийн өсөлтийг нэмэгдүүлж 2017 онд 3.0 хувьд хүргэхээр төлөвлөсөн байна. Уул уурхайн бус салбарын экспортын орлогыг нэмэгдүүлж, бодит салбарын өсөлтийг дэмжих томоохон төслүүдийг эхлүүлж, дэд бүтцийн бүтээн байгуулалтыг эрчимжүүлснээр уул уурхайн бүтээгдэхүүний тээврийн зардал буурч, экспортын бүтээгдэхүүний өрсөлдөх чадвар нэмэгдэж, эдийн засгийн бүтэц сайжрах, эдийн засгийн цар хүрээ өргөжих боломж бүрдэх тул эдийн засгийн бодит өсөлт 2018 онд 5.1 хувь, 2019 онд 7.1 хувьд хүрч өснө хэмээн тооцсон байна.

Мөн боловсруулах салбар 2017-2019 онд дунджаар 6.3 хувиар, 2019 оноос эхлэн 10 гаруй хувиар өсөх боломж бүрдэх аж. Төсөл хөтөлбөрүүдийг хэрэгжүүлснээр дунд хугацаанд буюу 2017-2019 онд жилд дунджаар 20 орчим мянган ажлын байр шинээр бий болж, ажилгүйдлийн түвшин 2019 оны эцэс гэхэд 8.0 хувиас ихгүй болж буурах тооцооллыг тогтоолын төслийн танилцуулгад дурджээ.

Түүнчлэн, уул уурхай, хөдөө аж ахуй, боловсруулах үйлдвэрлэл, эрчим хүчний салбарт хэрэгжүүлэхээр тусгагдсан томоохон төсөл хөтөлбөрүүдийн нөлөөгөөр экспорт нэмэгдэж 2019 онд 5.4 тэрбум ам.долларт хүрэх, бүтээн байгуулалтын хэрэгцээг дагаж импорт 2019 онд 5.5 тэрбум ам.доллар болох, гадаад худалдааны нийт бараа эргэлт 10.9 тэрбум ам.долларт хүрч өснө хэмээн тооцсон байна.

Монгол Улсад орж ирэх гадаадын шууд хөрөнгө оруулалт жилд 2.0-3.0 тэрбум ам.долларт хүрэх, улмаар хөрөнгө ба санхүүгийн дансны ашиг нэмэгдэж урсгал дансны алдагдлыг нөхөх, төлбөрийн тэнцлийн дарамт буурч дунд хугацаанд ашигтай гарах, түүнчлэн валютын ханшид эерэгээр нөлөөлөх боломж бүрдэх зэрэг эерэг үр дүн гарах талаар тогтоолын төслийн танилцуулгад дурджээ.

Өчигдөр Замын цагдаагийн албаны ЖШУХ дээр нийт 338 дуудлага, мэдээ мэдээлэл хүлээн авснаас, зам тээврийн ослын 266 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 8 бүртгэгдэж, 9 хүн хүнд хөнгөн гэмтжээ. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 2, явган зорчигч 2. Зам тээврийн осолд сургуулийн насны 1 хүүхэд өртсөн. Согтуугаар тээврийн хэрэгсэл жолоодсон нийт 48 жолоочийг илрүүлж гарч болзошгүй осол хэргээс урьдчилан сэргийлж ажилласан.

ХЗДХ-ийн сайд С.Бямбацогт өнөөдөр АНУ-аас Монгол Улсад суугаа Онц бөгөөд бүрэн эрхт Элчин сайд Женифер Зимдал Галтыг хүлээн авч уулзав.

Уулзалтын эхэнд сайд ХЗДХЯ үндсэн чиг үүргийн яамны хувьд өргөн хүрээний асуудал эрхэлдэг болохыг танилцуулаад хууль хэрэгждэг байх, иргэдэд тэгш үйлчилдэг байх зарчим баримталж байгаагаа илэрхийлсэн юм. Ялангуяа эдийн засаг, бизнес, өмчийн харилцааны эрх зүйн орчныг илүү сайжруулах тал дээр түлхүү анхаарна гэдгээ тодотгов.

Мөн сүүлийн жилүүдэд эдийн засаг, ниймийн байдлаас шалтгаалан гэмт хэргийн гаралт нэмэгдэж байгаад сэтгэл зовниж буйгаа илэрхийлээд гэмт хэргээс урьдчилан сэргийлэх, бууруулах асуудал тулгарч буйг дуулгасан байна.

Тухайлбал хар тамхи, мансууруулах бодис, цахим гэмт хэрэг өсөх хандлагатай байгаа тул шинэ төрлийн гэмт хэрэгтэй тэмцэх чиглэлээр АНУ-тай хамтран ажиллах хүсэлтэй байгаагаа уламжилжээ.

ХЗДХ-ийн сайд С.Бямбацогт Монгол Улс АНУ-ын хооронд иж бүрэн түншлэлийн харилцаа эрчимтэй хөгжиж байгааг тэмдэглээд байнга хамтран ажиллаж, дэмжлэг туслалцаа үзүүлж байдагт талархал илэрхийлэв.

АНУ- аас Монгол Улсад суугаа Онц бөгөөд бүрэн эрхт Элчин сайд Женифер Зимдал Галт цаг зав гарган тэргүүлэх зорилтуудаа танилцуулсан явдалд Монгол Улсын ХЗДХ-ийн сайдад талархал илэрхийлээд эдийн засгаа сэргээх Засгийн газрын зорилтыг дэмжиж байгаагаа онцолсон байна.

Тэрбээр хууль эрх зүйн орчныг улам сайжруулах, иргэдэд хууль зүйн туслалцаа үзүүлэх, гэрч хохирогчийг хамгаалах, хар тамхи, мансууруулах бодис, цахим орчинтой холбоотой шинэ төрлийн гэмт хэрэгтэй тэмцэх ажлыг бүрэн дүүрэн дэмжиж ажиллахаа мэдэгдэв.

”Халамжийн” гэх тодотголтой албан тушаал авлигын хэргийн шүүх хурлын тов гарчээ.

Ерөнхий сайд асан Н.Алтанхуяг УИХ-ын сонгуулийн дараа хэсэгтээ чимээгүй байсан ч энэ намраас зарим нэг хэвлэлээр хатуухан үг дайсан ярилцлага өгч эхэлсэн.

Нийслэлийн Засаг даргын 2016-2020 онд хэрэгжүүлэх үйл ажиллагааны хөтөлбөрт газрын харилцааны шинэ төлөвлөлтийн бодлогыг хэрэгжүүлж, Улаанбаатар хотын “Газрын сан” байгуулах тухай тусгасан. Энэхүү хөтөлбөрийг хэрэгжүүлэх зорилгоор эхний ээлжид нийтийн эдэлбэрийн газар дээрх зөрчлийг арилгаж, иргэдийн эрүүл аюулгүй орчинд амьдрах нөхцөлийг хангах чиглэлээр хэд хэдэн ажлыг эхлүүлэхээр болжээ. Энэ тухай нийслэлийн Засаг даргын зөвлөлийн хурлаар хэлэлцэв.


Нийслэлийн Газрын албанаас эхний ээлжинд газрын тухай хууль зөрчин зориулалтын дагуу 2 ба түүнээс жил газраа ашиглаагүй иргэн, хуулийн этгээдийн газрыг судлан хүчингүй болгох, нийтийн эзэмшлийн газар, зам талбай дээр үйл ажиллагаа явуулж буй зөвшөөрөлгүй баригдсан, байрлуулсан түц, контейнер зэрэг объектыг буулган төрийн өмчийн газрыг чөлөөлөх, замаар нийтийн эдэлбэрийн газар, орон сууцны хороолол болон гэр хорооллын зүлэг, мод, бут, сөөг, гэрэлтүүлэг, оршин суугчдын амрах болон хүүхдийн тоглоомын талбайг нэмэгдүүлэхээр судалж байна. Нийслэлийн Газрын албаны дарга Э.Болорчулууны танилцуулснаар нийслэлийн хэмжээнд 2 жил ба түүнээс дээш хугацаанд эзэмшиж, ашиглаж буй газраа ашиглаагүй 219 иргэн, хуулийн этгээдийн 50.1 га талбай байгаа юм байна. Мөн зөвшөөрөлгүй барьсан, газрыг нь чөлөөлөх шаардлагатай нийт 430 объект байгаа юм. Нийслэлийн хэмжээнд зөвшөөрөлгүй түц 168, контейнер 54 байна гэж тэрээр хэллээ.


Эдгээрийг чөлөөлж нийслэлийн Газрын санд бүртгэж, хотын ногоон байгууламж, тохижилтыг нэмэгдүүлэх боломжтой гэж нийслэлийн Засаг даргын зөвлөлийн гишүүд үзлээ. Зөрчлийг арилгаж, төрийн өмчийн газрыг чөлөөлөх ажлыг үе шаттайгаар хэрэгжүүлэхээс гадна, нийтийн эзэмшлийн зам талбайг хадгалан үлдээж ногоон байгууламж, тоглоомын талбай байгуулна. Бизнесийн зориулалтаар ашиглах боломжтой газруудыг “Газрын тухай хууль”-ийн дагуу нээлттэй дуудлага худалдаагаар худалдаалж, нийслэлийн төсөвт төвлөрүүлэх зэрэг томоохон ажлыг хугацаа алдалгүй эхлүүлнэ гэдгээ хотын дарга хэллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Энэ сарын 26-ны өдөр Италийн төв хэсэгт орон нутгийн цагаар 19:10 болон 21:18 цагуудад 5.5 болон 6.1 баллын хүчтэй газар хөдлөлт болсон байна.

Мэргэжлийн Засгийн газраас ”Цалинтай ээж” хөтөлбөрийг хэрэгжүүлэхээр ажиллаж байгаа билээ.

Нийслэлийн Засаг даргын 2016-2020 онд хэрэгжүүлэх үйл ажиллагааны хөтөлбөрт газрын харилцааны шинэ төлөвлөлтийн бодлогыг хэрэгжүүлж, Улаанбаатар хотын “Газрын сан” байгуулах тухай тусгасан. Энэхүү хөтөлбөрийг хэрэгжүүлэх зорилгоор эхний ээлжид нийтийн эдэлбэрийн газар дээрх зөрчлийг арилгаж, иргэдийн эрүүл аюулгүй орчинд амьдрах нөхцөлийг хангах чиглэлээр хэд хэдэн ажлыг эхлүүлэхээр болжээ. Энэ тухай нийслэлийн Засаг даргын зөвлөлийн хурлаар хэлэлцэв.


Нийслэлийн Газрын албанаас эхний ээлжинд газрын тухай хууль зөрчин зориулалтын дагуу 2 ба түүнээс жил газраа ашиглаагүй иргэн, хуулийн этгээдийн газрыг судлан хүчингүй болгох, нийтийн эзэмшлийн газар, зам талбай дээр үйл ажиллагаа явуулж буй зөвшөөрөлгүй баригдсан, байрлуулсан түц, контейнер зэрэг объектыг буулган төрийн өмчийн газрыг чөлөөлөх, замаар нийтийн эдэлбэрийн газар, орон сууцны хороолол болон гэр хорооллын зүлэг, мод, бут, сөөг, гэрэлтүүлэг, оршин суугчдын амрах болон хүүхдийн тоглоомын талбайг нэмэгдүүлэхээр судалж байна. Нийслэлийн Газрын албаны дарга Э.Болорчулууны танилцуулснаар нийслэлийн хэмжээнд 2 жил ба түүнээс дээш хугацаанд эзэмшиж, ашиглаж буй газраа ашиглаагүй 219 иргэн, хуулийн этгээдийн 50.1 га талбай байгаа юм байна. Мөн зөвшөөрөлгүй барьсан, газрыг нь чөлөөлөх шаардлагатай нийт 430 объект байгаа юм. Нийслэлийн хэмжээнд зөвшөөрөлгүй түц 168, контейнер 54 байна гэж тэрээр хэллээ.


Эдгээрийг чөлөөлж нийслэлийн Газрын санд бүртгэж, хотын ногоон байгууламж, тохижилтыг нэмэгдүүлэх боломжтой гэж нийслэлийн Засаг даргын зөвлөлийн гишүүд үзлээ. Зөрчлийг арилгаж, төрийн өмчийн газрыг чөлөөлөх ажлыг үе шаттайгаар хэрэгжүүлэхээс гадна, нийтийн эзэмшлийн зам талбайг хадгалан үлдээж ногоон байгууламж, тоглоомын талбай байгуулна. Бизнесийн зориулалтаар ашиглах боломжтой газруудыг “Газрын тухай хууль”-ийн дагуу нээлттэй дуудлага худалдаагаар худалдаалж, нийслэлийн төсөвт төвлөрүүлэх зэрэг томоохон ажлыг хугацаа алдалгүй эхлүүлнэ гэдгээ хотын дарга хэллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Standby credit facility” хөтөлбөр нь бага орлоготой улсуудад олгох нэн хямдралтай зээл, харин “standby arrangement” нь бага, дунд орлоготой улсуудад олгох стандарт, жирийн зээлийн хөтөлбөр аж. Тэгвэл УИХ-ын гишүүд, эдийн засагчдийн “Стэйнд бай” хөтөлбөрийн талаарх сонирхолтой 24 ишлэлийг хүргэе.

Их эзэн Чингис хаан мэндэлсэн Монгол бахархлын өдөрт зориулан, Монгол Улсын Ерөнхийлөгчийн санаачилгаар уламжлал болгон зохиож буй ”Мөнх тэнгэрийн бичиг-2016” уран бичлэгийн олон улсын үзэсгэлэнгийн нээлт 2016 оны 10 дугаар сарын 28-ны баасан гарагийн 12:00 цагт Монголын Уран зургийн галерейн үзэсгэлэнгийн танхимд болно.

2011 оноос уламжлал болгон зохиож буй тус үзэсгэлэн өнөө жил олон улсын үзэсгэлэн болон өргөжиж, 5 улсын 40 гаруй уран бүтээлч, төлөөлөгч оролцож байна. Үзэсгэлэн 2016 оны 10 дугаар сарын 28-ны өдрөөс 11 дүгээр сарын 01-ний өдрийг хүртэл үнэ төлбөргүйгээр гарна.

Үзэсгэлэнгийн хүрээнд ЕБС-ийн багш нарын бүтээлийн үзэсгэлэнг Хүүхдийн урлан бүтээх төвд 2016 оны 10 дугаар сарын 27-ны өдрөөс эхлэн, Монгол бахархлын өдөрт зориулсан үзэсгэлэнг Цонжин болдогт байрлах Чингис хааны морьт хөшөө цогцолборт 2016 оны 10 дугаар сарын 30-ны өдрөөс эхлэн тус тус 10 хоног зохион байгуулна.

ХОНЬ - (3/21-4/19)
Дотоод сэтгэлийн зөрчилдөөнт байдал урилга хүлээн авахад саад болно. Амрагийн харилцаа тогтоосон хүнээ гэр бүлийнхэн, найз нөхөддөө танилцуул. Цагийг хөгжилтэй өнгөрүүл. Юу ч хийж байсан гэсэн дотны хүмүүстэйгээ хамт байхыг хичээ. Сайн найз тань гадаадаас ирж, найзуудаараа уулзаж цуглах болно. Та бүгдийг сайн хийдэг боловч тухалж суугаад жижиг сажиг ажлыг бусдаар хийлгэ.
Дэлгэрэнгүй
БААСАН, 2016 ОНЫ 10 САРЫН 28
ҮХЭР - (4/20-5/20)
Танд хэн нэгэн дайсагнаж байгаа тул анхааралтай бай. Хэтэрхий өөдрөг чиг хандлага таны хувийн харилцаанд бэрхшээл маргааныг бий болгоно. Хэтэрхий нарийн харамч байх нь хамтрагчид тань таагүй сэтгэгдэл төрүүлнэ. Эргэн тойрны дуусгаагүй ажил дарамт болон стрессийн шалтгаан болно. Гэр бүлийн харилцаа таны хувьд чухлаар тавигдана. Спортын үйл ажиллагаанд оролцох эсвэл бусад биеийн хүчний үйл ажиллагаа нь өнөөдөр танд сөргөөр нөлөөлнө.
Дэлгэрэнгүй
БААСАН, 2016 ОНЫ 10 САРЫН 28
ИХЭР - (5/21-6/21)
Сугар гарагийн нөлөөгөөр таны бүтээлч байдал дээшилнэ. Од эрхэс хайр дурлал, гэр бүлийн асуудалд нөлөө үзүүлнэ. Та гайхалтай хайр дурлалтай учрах бөгөөд яг л тэнгэрт нисэн дүүлж буй мэт байх болно. Ихэнх Ихрүүд гэртээ үлдэж хувийн асуудлаа цэгцлэхийг хүснэ. Бүтээлч байдал нэмэгдэж, олон шинэ санаа төрөх болно. Хайрттайгаа цагийг хамтдаа өнгөрөөхийг хичээ.
Дэлгэрэнгүй
БААСАН, 2016 ОНЫ 10 САРЫН 28
МЭЛХИЙ - (6/22-7/22)
Сэтгэл зовоосон чиг хандлага өнөөдрийг тодорхойлно. Хийж байгаа үйлдэл бүрээ эргэж хар. Эсрэг тохиолдолд дараа нь харамсах болно. Ажил тань бодсоноос чинь илүү амжилт олоход хэцүү байж болох тул өөрийн хийж чадахаасаа илүүг санаархаад хэрэггүй. Бусдыг өдөөд ч хэрэггүй. Өнөөдөр та хэрэлдэж маргах, эв найрамдалгүй байдал үүсгэх магадлал өндөр байна. Тиймээс эрх мэдэл бүхий хүмүүс юм уу заримдаа эцэг эхтэйгээ таарамж муутай байдаг бол өнөөдөр зайгаа барих нь зүйтэй.
Дэлгэрэнгүй
БААСАН, 2016 ОНЫ 10 САРЫН 28
АРСЛАН - (7/23-8/22)
Цагаа хуваарилах чадвар тань бусдыг бишрүүлэхээс гадна аз хийморь таны гарт байна. Эрсдэл гаргахаас сэргийлж, хянуур байхаас гадна гэнэдэж осол гаргаж магадгүй тул болгоомжлох өдөр. Өнөөдөр одод эрхэсийн тохиол эв түнжин, хамтын ажиллагааг онцолсон байна. Анд нөхдийн харилцаа дэлбээлж, ахан дүүсийн харилцаа улам гүнзгийрнэ. Хүрээлэн буй орчноо урлаг, хөгжмийн ертөнцөөр чимээрэй.
Дэлгэрэнгүй
БААСАН, 2016 ОНЫ 10 САРЫН 28
ОХИН - (8/23-9/22)
Хайр дурлал, мөнгө санхүүтэй холбоотой асуудал таны урмыг хугалах болно. Ямар нэг худал хуурмаг явдлаас болж хайртай дотны хүмүүстэйгээ харьцахад хүнд байх бололтой. Асуудалд аль болох бодитой хандахыг хичээ. Хайртай хүн, үр хүүхэд ойр дотны хүмүүсээсээ бүх үнэнийг сонсоно гэж найдах хэрэггүй. Өнөөдөр хэн нэгэнд амлалт өгөх хэрэггүй. Ямар нэг зүйл хийхээсээ өмнө сайтар бод. Өөрийн хийж чадах зүйлийг л хий.
Дэлгэрэнгүй
БААСАН, 2016 ОНЫ 10 САРЫН 28
ЖИНЛҮҮР - (9/23-10/22)
Та улам үзэсгэлэнтэй дур булаам болж, аль хэдийн баялгаа нөөцлөнө. Дэлгүүр хэсэн сайн хувцас, хүнс цуглуулна. Мэдрэмж өндөр байна. Чухал захиа хүлээн авч, танд тааламжтай байх болно. Урлаг, уран бүтээлийн ажил урагштай байж, бизнесийн сайхан санаа төрнө. Өргөдөл хүсэлт гаргах гэж байгаа бол яг одоо амжуул. Өөрийнхөө давуу талыг ашиглан бусдын дунд энх тайвныг бүтээж чадна. Найзалж нөхөрлөхөд энэ үе ээлтэй. Амрах эсвэл өөрийнхөө алжаапаа тайлдаг зүйлээ хийж болно.
Дэлгэрэнгүй
БААСАН, 2016 ОНЫ 10 САРЫН 28
ХИЛЭНЦ - (10/23-11/21)
Цөөхөн ч амархан томорч мэдэх асуудал өнөөдөр гарч ирэх тул түргэн шуурхай шийд. Дэлгүүрийн кредит картыг ажил хэрэгтээ дахиж ашиглах хэрэггүй. Та татвар төлөлт, даатгал, хуультай холбоотой асуудлуудаа эргэн хар. Аз болоход энэ бүхэн ямар ч саадгүй шийдэгдэнэ. Хайр, сайн сайхны бэлэг тэмдэг Цолмон одоо таны хувийн ашиг сонирхол, ганц бие байдлын илэрхийлэл 12-р гэр Жинлүүрийн ордод яваа. Тиймээс удахгүй хайрын гурвалжин, нууц хайр гарч ирнэ. Атаархал таны зорилгод саад болох байх.
Дэлгэрэнгүй
БААСАН, 2016 ОНЫ 10 САРЫН 28
НУМ - (11/22-12/21)
Амрах, биеийн хүчний ажил болон дасгал хөдөлгөөн хийх, цэвэр агаарт байхад сайн. Амьдралын эрч хүч өндөр байна. Идэвхи зүтгэлийнхээ ачаар маш түргэн хугацаанд ажлын үр дүнгээ үзэх бололтой. Эмэгтэй Нумуудын хувийн амьдралд өөрчлөлт гарах магадлалтай. Харин эрэгтэй нумууд тэвчээртэй, хүлээцтэй байж, амьдралд нь эерэг хандлага гарахыг хүлээ.
Дэлгэрэнгүй
БААСАН, 2016 ОНЫ 10 САРЫН 28
МАТАР - (12/22-1/19)
Гараг эрхсийн хандлагын нөлөөгөөр өнөөдөр тун ярвигтай өдөр байх болно. Хайр дурлалтай холбоотой асуудал бүрхэг, тодорхойгүй байна. Романтик харьцаа төгсөхөд сэтгэлээр унаж гунигтай, аз жаргалгүй болно. Гэхдээ энэ нь өөрөөр байж болно. Өнгөрсөн явдалтай холбоотой мөнгөний асуудал эргэн сөхөгдөх ба шийдэлд хүрэхээс өмнө хууль шүүх, хөндлөнгийн оролцоо шаардагдана.
Дэлгэрэнгүй
БААСАН, 2016 ОНЫ 10 САРЫН 28
БУМБА - (1/20-2/18)
Өөрийн хүрээллийг өргөжүүлэхийн тулд хичээл зүтгэл гарга. 11 сарын дунд үе хүртэл Сугар гараг Арслангийн ордтой давхцаж байгаа тул та шинэ хайр дурлалтай учирна. Өмнө нь хэзээ ч төсөөлж байгаагүй хүн эсвэл танаас шал өөр шашинтай хүнд сэтгэл татагдаж магадгүй. Бусдад таагүй сэтгэл үлдээхээс болгоомжил, огцом шийдвэр бүү гарга. Сэтгэл хөдлөл болон мэдрэмжиндээ төөрөхөөс болгоомжил.
Дэлгэрэнгүй
БААСАН, 2016 ОНЫ 10 САРЫН 28
ЗАГАС - (2/19-3/20)
Өнөөдөр од гарагсийн эерэг сөрөг нөлөө зонхилон холилдсон өдөр. Гэнэтийн төлөвлөгөө тань шинэ зүйл оролдож уйтгар гунигаа бууруулахыг шаардана. Зарим нэг хүмүүс тантай өрсөлдөж, эсвэл замын тань эсрэг талд зогсон таныг ажиглах болно. Гэхдээ зорилго үүнд хамааралгүй тул хэт их ач холбогдол өгөх шаардлагагүй. Хайр дурлал, мөнгөний гараг Цолмон, одоо таны хамтын санхүү, хөрөнгө мөнгийг тань илтгэдэг Жинлүүрийн ордонд орох болно. Хэдийгээр энэ үеийг урьдчилан мэдэгдэхгүй ч мөнгө таны замд бий болох болно.