Сүүлийн үед “Эрдэнэт үйлдвэр” ХХК-тай холбоотой үнэн эсэх нь эргэлзээтэй мэдээллүүд түгэх болсон билээ. Энэ бүхэнд үйлдвэрийн удирдлагын зүгээс албан ёсны хариу, тайлбар өнөөг хүртэл гаргаагүй юм.

Харин өнөөдөр буюу 10 дугаар сарын 5-ны 18 цагт “Монголньюс” ХХК-ний Мэдээллийн төвд тус үйлдвэрээс Хэвлэлийн бага хурал хийнэ гэж “Эрдэнэт үйлдвэр” ХХК-ний ОНХА-аас мэдээлэв.

Цагдаагийн байгууллагын 102 дугаарын утсанд иргэнээс СХД-19-р хороо “Залуус-2” хороолын баруун талын жалганд нэг хүн хөдлөхгүй доош хараад хэвтээд байна гэсэн мэдээллийн дагуу СХД-ийн цагдаагийн 2-р хэлтсийн алба хаагчид үзлэг хийж хэн болох нь тогдоогдохгүй гадны нөлөөтөй нас барсан хэрэг дээр эрүүгийн хэрэг үүсгэн ажиллаж байна.

Цогцос нь 160 см урттай толгойдоо 5 см орчим үстэй, 35-40 орчим насны, үсний урдаас бага зэрэг халзан, бүлцэндүү нүдтэй, дээд үүдэн 1,2-р шүд байхгүй, шүднүүд их сарзгар зайтай эрэгтэй хүний цогцос олдсон. Нас барах үедээ өмсөж явсан хувцас нь NIKE гэсэн бичилэлтэй, 39-40 размерийн цагаан өнгийн пүүз 1 хос, баруун урд халаасны дээр PROFIELD гэсэн бичигтэй цагаан цэнхэр өнгийн жийнсэн өмд, хар хүрэн өнгийн задгай энгэртэй урдаа цахилгаантай босоо захтай куртик, энгэр хэсэгтэй ADIDAS гэсэн бичиглэлтэй улбар шар өнгийн футболк, энгэр хэсэгтэй ADIDAS гэсэн бичиглэлтэй урд талын хэвлий хэсэгтэй халаастай саарал өнгийн юүдэнтэй цамц зэрэг өмсөж явсан.

Уг хэрэг дээр Монгол улсын эрүүгийн хуулийн 91.1-т зааснаар эрүүгийн хэрэг үүсгэн СХД-ийн 2-р хэлтэсийн мөрдөн байцаах тасагт шалгалтын ажиллагаа явагдаж байна. Дээрхи нас барсан хүнийг таниж мэдэх хүн СХД-ийн цагдаагийн хэлтсийн мөрдөн байцаах тасгийн 8809-4337, 8822-0033, 9994-8810, 9302-3060 дэгаарын утсанд мэдээлэл өгч хамтран ажиллана уу.

АНУ-ын Ерөнхийлөгчийн сонгууль 2016 оны арваннэгдүгээр сарын 8-нд болно. Тэрээр өчигдөр ”Matt Warshauer”-ийн өмч дээр нэр дэвшигч Дональд Трамп, Хиллари Клинтон, Берни Сандерс нарыг аймшгийн байдлаар дүрсэлсэн байна.

Агентлагийн дарга нарын шалгалт болно

Уушгины хатгалгаа үүсгэдэг 13 үүсгэгчийн эсрэг вакциныг Сүхбаатар, Сонгинохайрхан дүүрэгт хийж байна.

Өнгөрсөн зургадугаар сард эхэлсэн уг вакцинд 12 мянга гаруй хүүхэд хамрагдсан гэдгийг Эрүүл мэндийн яамны Шуурхай удирдлагын нэгжийн дарга Д.Нарангэрэл мэдээллээ.

Дэлхийн эрүүл мэндийн байгууллагын судалгаагаар таван хүүхэд тутмын нэг нь хатгаа өвчний хүндрэлээр нас барж байгаа аж. Манай улсын хувьд жилд 0-5 насны 27 мянган хүүхэд эмнэлэгт хэвтэн эмчлүүлдэг. Эдгээр хүүхдийн 10-аад мянга нь амьсгалын замын өвчнөөр өвчилдөг бол, дөрвөн мянга орчим нь уушгины хатгалгаагаар өвддөг гэсэн судалгаа байдаг аж. Үүнээс харахад хүүхдийн өвчлөл эндэгдлийн шалтгааны нэгд уушгины хатгалгаа орж байгаа юм.

Мөн тав хүртэлх насны хүүхдийн эндэгдэл 1990 оноос хойш тууштай буурч байгаа боловч нийт эндэж байгаа тав хүртэлх насны хүүхдийн 17 хувь нь хатгалгаа өвчин эзэлж байгаа аж.

Мянганы хөгжлийн зорилтыг хэрэгжүүлэх, бага насны хүүхдийн өвчлөл, эндэгдлийг бууруулах хамгийн үр ашигтай аргын нэг нь пневмококкийн эсрэг вакцин (ПКВ)-аар дарх­лаажуулах гэдгийг Дэлхийн эрүүл мэндийн байгууллагын 63 дугаар чуулганы зөвлөм­жид тусгасан байдаг.

Тиймээс уушгины хатгалгаанаас сэргийлэх, өвчлөлийг бууруулах, хатгалгааны тохиолдлыг бууруулах, бага насны хүүхдийн хүндрэлийг бууруулах ач холбогдолтой уг вакциныг өвчлөл өндөртэй дээрх хоёр дүүрэгт хийж байгаа юм.

Бага насны хүүхэд эцэг эхчүүд өрхийн эрүүл мэндийн төвөөс мэдээлэл авч товлолд заасан насны хүүхдээ дээрх вакцинд хамруулахыг холбогдох байгууллагаас зөвлөж байна.

Вакциныг Нэгдсэн үндэсний байгууллагын хүүхдийн сангаар дамжуулан авч буй бөгөөд өртөг өндөртэй вакцины тоонд ордог аж.

Эхний ээлжинд Сүхбаатар, Сонгинохайрхан дүүрэгт хийж эхэлсэн пневмококкийн эсрэг 13 цэнт вакциныг цаашид товлолын вакцинд оруулах юм байна.

Өнөөдөр дэлхийн багш нарын өдөр бөгөөд энэ тэмдэглэлт өдрийг дэлхийн 100 гаруй оронд тэмдэглэдэг.

Манай улсын хувьд Засгийн газрын 2013 оны 412 дугаар тогтоолоор “Түүхэн үйл явдлын ой, тэмдэглэлт өдрийг тэмдэглэх, гавьяат үйлстнийг алдаршуулах, дурсгалыг нь мөнхжүүлэх” журамд Монголын багш нарын өдрийг жилийн бүрийн аравдугаар сарын 5-нд тэмдэглэж байхаар тогтжээ.

Энэ жилийн “Багш нарын өдөр”-ийн нээлт 10:00 цагаас Дуурь бүжгийн эрдмийн театрт албан ёсоор эхлэх аж. Энэ үеэр оны тэргүүний 5 багш, цэцэрлэг, сургуульд шагнал гардуулна юм.

Улаанбаатар хотод орчин цагийн боловсролыг хөгжүүлэх үйлсийг удирдан зохион байгуулдаг “Нийслэлийн Боловсролын газар байгуулагдсаны түүхэн 85 жилийн ой” энэ өдрүүдэд тохиож байна. Тус газраас ойн баяраа угтаж 85 бүтээлч ажлыг хэрэгжүүлжээ. Энэ хичээлийн жилд нийслэлийн хэмжээнд 618 цэцэрлэгт 100 728 хүүхэд, ерөнхий боловсролын 220 сургуульд 236 973 сурагч суралцаж 25 413 багш сурган хүмүүжүүлэгч, ажилтан албан хаагч ажиллаж байгаа юм байна.

Нийслэлийн Боловсролын газрын баярын хүндэтгэлийн хурал өнөөдөр Соёлын төв өргөөнд 14:00 цагаас болно. Баярын үйл ажиллагааны хүрээнд ерөнхий боловсролын сургуулийн багш нарын сургалтын “Шилдэг хэрэглэгдэхүүн” үзэсгэлэн гаргаж, “Нийслэлийн тэргүүний төрийн болон төрийн бус өмчийн сургууль, цэцэрлэг”, “Боловсролд ээлтэй Засаг дарга” нарыг шалгаруулан шагнал гардуулах юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бичлэг: Орхон голоо бид алдлаа

Цахим ертөнцөд “амьд барби” нэрээр танигдсан Украины мисс, Валерия Лукьянова өнөөдөр Улаанбаатарт ирлээ.



Валерия Лукьянова Монголд зохион байгуулагдаж буй ”Face of beauty international 2016” тэмцээний шүүгчээр уригдсан юм. Дэлхийн 60 орны мисс бүсгүйчүүд есдүгээр сарын 27-ноос аравдугаар сарын 9-нд Монголд болох олон улсын нэр хүндтэй шалгаруулалтад оролцож, өрсөлдөнө.

Украины Одесс хотоос гаралтай Валерия Лукьянова 1985 оны наймдугаар сарын 23-нд төрсөн. 31 настай. 2007 онд Украины миссээр тодорсон. Гэрлэсэн.

Валерия Лукьянова бага наснаасаа бусад охидын адил Барби хүүхэлдэй цуглуулах хоббитой байжээ. Олон нийтийн зүгээс түүнийг олон удаа гоо сайхны мэс засал хийлгэсэн гэж ярьдаг ч Лукьянова өөрөө “Комсомольская правда” сонинд өгсөн ярилцлагадаа хөхнөөсөө бусад хэсэгт огт мэс хүргээгүй гэж хэлсэн байдаг.

Түүний бодит жин 42-45 кг-ын хооронд хэлбэлздэг бөгөөд өөрийнх нь ярьснаар 47 кг хүрэхээрээ хурдан турах талаар боддог ажээ.

Эрүүл мэндийн даатгалтай иргэдэд үзүүлэх эрүүл мэндийн тусламж үйлчилгээг өргөжүүлэх, зорилгоор Нийслэлийн Эрүүл мэндийн газраас зарим хувийн хэвшлийн эрүүл мэндийн байгууллагуудтай гэрээ байгуулан ажиллаж байна. Энэ хүрээнд “Грандмед” эмнэлэг Хан-Уул дүүргийн иргэдэд, “Ачтан” эмнэлэг Баянгол дүүргийн иргэдэд мэс заслын яаралтай тусламж үйлчилгээг үзүүлэхээр боллоо.

“Иргэний эрүүл мэндийн даатгалын тухай хууль”-д зааснаар даатгуулагчид үзүүлэх эрүүл мэндийн тусламж, үйлчилгээг хуульд заасны дагуу тухайн үйл ажиллагааг эрхлэх тусгай зөвшөөрөл бүхий эрүүл мэндийн байгууллага үзүүлэх бөгөөд төрийн өмчийн эрүүл мэндийн байгууллагын хүчин чадлаас давсан, эсхүл өндөр технологи бүхий эрүүл мэндийн тусламж, үйлчилгээг хувийн өмчийн эрүүл мэндийн байгууллагаар гүйцэтгүүлж болно, гэж заасан байдаг байна.

Эрүүл мэндийн даатгалын тусламж, үйлчилгээнд дотрын өвчний, мэдрэлийн тогтолцооны өвчний, нүд, чих, арьс ба халимын, яс, булчин, холбох нэхдэсийн өвчний, яаралтай бус гэмтэл, мэс заслын өвчний тусламж үйлчилгээ хамаардаг гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Орчин үеийн утга зохиолыг үндэслэгч, их зохиолч Д.Нацагдоржийн мэндэлсний 110 жилийн ой энэ онд тохиож байна. Ойн хүрээнд БСШУЯ, УДЭТ, Монголын Зохиолчдын Эвлэл хамтран жүжгийн зохиолын уралдаан зарласан билээ.

Тэгвэл уг жүжгийн уралдаанд түрүүлсэн “Жаргаагүй нар” түүхэн жүжгийг ирэх сард үзэгчдийн хүртээл болгохоор УДЭТ-ын уран бүтээлчид ажиллаж байна. Жүжгийг ирэх сарын 4-нд толилуулах юм байна.

Нийслэлийн Засаг дарга бөгөөд Улаанбаатар хотын Захирагч С.Батболд “Азийн хүүхдүүд” олон улсын хүүхдийн наадмыг зохион байгуулах хорооны дарга Дмитрий Евгеньевичийг хүлээн авч уулзлаа.

Энэхүү наадмыг 1996 оноос эхлэн 4 жилд нэг удаа ОХУ-ын Якут улсад зохион байгуулж ирсэн байна. Хорин жилийн түүхтэй энэ наадамд 40 гаруй орны 4500 гаруй өсвөрийн тамирчин, багш дасгалжуулагчид оролцож, спортын 20 төрлөөр 10 өдрийн турш өрсөлддөг гэж Дмитрий Евгеньевич хэллээ. Мөн энэ наадамд Монголын баг тамирчид тогтмол оролцож, 6 дахь удаагийн наадамд багаараа 5 дугаар байрт шалгарсныг дуулгав. Олон улсын хэмжээний энэхүү томоохон наадмыг эх орондоо зохион байгуулахаар Азийн олон орноос хүсэлт тавьж шалгаруулалтад оролцсон ч , газарзүйн байршил, зохион байгуулах хугацаа, цаг уурын хувьд хамгийн тохиромжтой гэж үзэн Улаанбаатар хотыг сонгож, 2020 оны наадмыг зохион байгуулах эрх олгохоор болсныг хэллээ.

Нийслэлийн Засаг дарга С.Батболд олон улсын хэмжээний томоохон наадмыг Улаанбаатар хотод зохион байгуулах эрх олгосонд талархаж байгаагаа илэрхийлээд, энэхүү наадмыг өндөр дээд хэмжээнд, амжилттай зохион байгуулж, бэлтгэл ажлаа одооноос эхлэнэ гэлээ. Мөн наадмыг зохион байгуулах Үндэсний хороо байгуулж, тус хорооны бүрэлдэхүүнд орж ажиллана гэсэн юм. Олон улсын наадамд зориулан спорт байгууламж барих ажлыг 2017 оноос эхлүүлж, 2020 оноос өмнө ашиглалтад оруулахаа ч хэллээ.

Азийн хүүхдүүд олон улсын хүүхдийн спортын их наадмаас Олимпийн аварга Н.Түвшинбаяр, Олимп, дэлхийн аварга Н.Бадар-Ууган, Олимпийн хүрэл медальт дэлхийн аварга Х.Цагаанбаатар зэрэг тив дэлхийд алдартай олон шилдэг тамирчин төрөн гарчээ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

ҮЙЛДВЭРЛЭЛИЙН ЗОРИУЛАЛТТАЙ ТЭСЭЛГЭЭНИЙ АЖИЛ ХИЙХ, ИМПОРТЛОХ, ҮЙЛДВЭРЛЭХ, ХУДАЛДАХ, ТЭСЭЛГЭЭНИЙ АЖИЛ ҮЙЛЧИЛГЭЭ ХИЙХ ТУСГАЙ ЗӨВШӨӨРӨЛТЭЙ АЖ АХУЙН НЭГЖҮҮДИЙН АНХААРАЛД

Сум, дүүргийн Иргэдийн Төлөөлөгчдийн Хурлын 2016 оны ээлжит сонгуулийн үеийн аюулгүй байдлыг хангах арга хэмжээний хүрээнд төв, орон нутагт тэсэрч дэлбэрэх бодис, тэсэлгээний хэрэгслийн тээвэрлэлтийг 2016 оны 10 дугаар сарын 17-21-ний өдрүүдэд түр хугацаагаар зогсоож байгааг мэдэгдье.
Иймд уул уурхайн үйлдвэрлэлийн жигд ажиллагааг хангах үүднээс тэсэлгээний ажил хийж буй компаниудад тэсрэх материал, тэсэлгээний хэрэгслийн хангалтыг зохицуулж, дурдсан хугацаанд агуулахын харуул хамгаалалтыг чангатган хариуцлагатай ажиллахыг анхааруулж байна.

УУЛ УУРХАЙ, ХҮНД ҮЙЛДВЭРИЙН ЯАМ
АШИГТ МАЛТМАЛ, ГАЗРЫН ТОСНЫ ГАЗАР

Монголын анхны хиймэл дагуулыг 2017 оны 04-05 сард хөөргөхөөр бэлтгэж байна. Энэ хүрээнд МУИС-ийн баг, хамт олныг өнөөдөр /2016.10.04/ БСШУС-ын сайд Ж.Батсуурь хүлээн авч уулзлаа.

МУИС нь Япон улсын Кюүшүгийн Технологийн Институттай хамтран “BIRDS” төслийн хүрээнд Монгол Улсын анхны хиймэл дагуулыг 2017 онд хөөргөх ажлыг амжилттай хэрэгжүүлж байна. 2014 оноос эхэлсэн “Инженер технологийн дээд боловсрол төсөл”-ийн хүрээнд сансар судлалын ахисан түвшний сургалт явуулах, залуу багш нарыг Япон улсад сургах, мэргэжил дээшлүүлэх, хиймэл дагуулыг удирдах антенийг МУИС-д суурилуулах зэргээр оролцож байгаа аж.

ЮНЕСКО болон Япон улсын засгийн газар ивээл дор хэрэгжиж буй “BIRDS” буюу “Joint Global Multi-Nation Birds” (JGMNB) төсөл нь сансарт гарцгүй улсуудыг дэмжин анхны хиймэл дагуулаа бүтээж тойрог замд оруулахад нь туслах олон улсын төсөл юм. Энэ хүрээнд Монгол, Япон, Нигери, Гана, Бангладеш зэрэг улсын таван хиймэл дагуулыг анх удаа нэг зөөгч пуужингаар тойрог замд оруулна.

МУИС-ийн залуу багш, эрдэмтэд Япон улсад докторантурт суралцахын зэрэгцээ сансарын тойрог замд орох бодит хиймэл дагуулыг гардан бүтээж байна. Нано хиймэл дагуул бүтээх, турших, дэлхийн шилдэг гурван лабораторын нэг нь Кюүшүгийн ТИС-д байдаг бөгөөд залуу боловсон хүчнээ бэлтгэх, туршилтын лабораторуудыг ашиглах, бүтээсэн дагуулаа сансарын тойрог гаргах бүхий л үйл ажиллагааны нийт зардлыг 12 сая иенд багтаан гүйцэтгэхээр МУИС, КТИС хоорондын гэрээ байгуулжээ.

Монголын анхны хиймэл дагуул 400 км өндөрөөр дэлхийг тойрон нисэх бөгөөд өдөрт 5-6 удаа Монголын нутаг дэвсгэр дээгүүр өнгөрч холбоо барих боломжтой.Түүнээс гадна сонирхогчийн радио долгионы уртаар дуут дохио, мэдээлэл дамжуулна.

Анхны хиймэл дагуулын техникийн эдгээр шийдлүүдийг гамшгаас хамгаалах, гамшгийн эрсдлийг бууруулахад ашиглахаар Улсын онцгой комисс, ОБЕГ-тай хамтран ажиллаж байна.

“Алтандорнод Монгол” ХХК болон түүний холбоотой компаниудыг 100 хувь эзэмшигч иргэн Тордайн Ганболдын зүгээс Голомт банк болон Монгол Улсын шүүхийн тогтолцооны эсрэг сонин хэвлэлээр удаа дараа гүтгэлгийн шинжтэй, “Шүүхээс Голомт банкинд хуулиас давсан давуу эрх удаа дараа олгожээ”, “Мэхт мэхэндээ буюу Голомт Т.Ганболдыг 10 тэрбумын өрөнд унагах гээд өөрсдөө “шаварт” зоогджээ”, “Ил захидал” гэх зэрэг нийтлэлүүд нийтэлж байгаатай холбогдуулан дараах мэдэгдлийг гаргаж байна.

Иргэн Т.Ганболд та 2011 оны 09 сарын 09-ний өдөр ОХУ-ын иргэн С.В.Паушоктой Хувьцаа худалдах худалдан авах гэрээ байгуулж, түүний эзэмшлийн “Алтандорнод Монгол” ХХК, холбогдох бусад компаниудыг 100 хувь өөрийн мэдэлд шилжүүлэн авсан билээ. Тус групп компаниудыг худалдан авахдаа та бүхэн 2008 оноос хойш судалгаа хийн бүх хөрөнгийг үнэлж, 300 орчим сая ам.долларын өр төлбөрийг хүлээн зөвшөөрч, эрсдэлийг тооцож авсан болохоо 2011/11/28-ны “Өнөөдөр” сонинд өгсөн ярилцлагаараа олон нийтэд зарлаж байсан (http://www.24tsag.mn/content/3375.shtml).

Групп компаниудыг худалдах худалдан авах гэрээ, түүний хавсралт - компани шилжүүлэх баланс болон санхүүгийн тайлан дээр тус компанийн нийт өр төлбөр, тэр дундаа Голомт банкинд төлөх ёстой зээл, аккредитивийн өр төлбөрүүд тодорхой тусгагдсан байдаг. Голомт банкинд төлөх өр төлбөр нь хуулийн дагуу, гэрээ хэлцлийн үндсэн дээр бодитойгоор олгогдсон зээл, аккредитивийн төлбөрүүд байсан ба иргэн Т.Ганболд та тэдгээр өр төлбөрийг хүлээн зөвшөөрч, бүрэн төлж барагдуулахаа илэрхийлж, компаниудын хувьцааг шилжүүлж авсан болох нь дээрх гэрээ хэлцэл болон түүнээс хойш Голомт банктай байгуулсан гэрээ хэлцлүүдэд ч мөн хангалттай тусгагджээ.

Гэтэл компаниудыг шилжүүлэн авснаас хойш 5 жилийн хугацаанд та Голомт банкинд дээрх өр төлбөрөө төлөлгүй зайлсхийж, банкны хууль ёсны эрх ашгийг хохироож байна. Түүгээр ч барахгүй өр төлбөрөө сайн дураар төлж барагдуулаагүйн улмаас Голомт банк шүүхээр дээрх төлбөрүүдийг нэхэмжилсэн иргэний хэрэг маргаануудыг хянан шийдвэрлүүлэхгүй удаах, саад болох бүхий л арга саамыг хэрэглэн, шүүгчээс татгалзах, үндэслэлгүй хэрэг маргаан үүсгэх, тэр ч бүү хэл өмнөх эзэмшигч ОХУ-ын иргэн С.В.Паушокийн эсрэг прокурорын байгууллагад эрүүгийн хэрэг үүсгүүлэх зэргээр шүүх хуралдааныг нийт 30 гаруй удаа хойшлуулж, хугацаа авсаар өнөөдрийг хүрлээ. Голомт банкны шүүхээр нэхэмжилж буй төлбөрт танай компаниудад олгосон зээл, аккредитив, тэдгээрийн хүүний төлбөрөөс илүү зүйл байхгүй болно.

Ингэх хугацаандаа барьцаа хөрөнгүүдийг бусдад зөвшөөрөлгүй шилжүүлэх, нөөцийг нь худалдах, хууль бус олборлолт явуулах зэргээр зөвхөн хувьдаа асар их хэмжээний ашиг олж, төлбөр хариуцагч компаниудыг санаатайгаар төлбөрийн чадваргүй болгох, дампууруулах зэрэг хууль бус ажиллагаа явуулж байгаа тань өдрөөс өдөрт ил болсоор байна.

Түүнчлэн, энэ хугацаанд гарсан Улсын дээд шүүх, анхан шатны шүүхийн шийдвэрүүдийг үл хүндэтгэн шүүгч нарт Голомт банк нөлөөлсөн мэтээр ор үндэсгүй гүжир гүтгэлэг тарааж, шүүх болон Голомт банкны нэр хүндэд халдах, олон нийтийн сэтгэл санаанд зүй бусаар нөлөөлөх оролдлого хийж байгаа нь хууль зөрчсөн, ёс зүйгүй, явуургүй үйлдэл болно. Тухайлбал, Т.Ганболд нь “Алтандорнод Монгол” ХХК-ийн Монгол Улсад төлөх татварын 70 орчим тэрбум төгрөгийн өр төлбөрийг Голомт банкны барьцаанд байсан, дээрх үнээс хэд дахин бага үнэлгээ бүхий “Востокнефтегаз” ХХК-ийн эд хөрөнгөөр, барьцаалагчийн албан ёсны зөвшөөрөлгүйгээр татварын өрөнд тооцон шилжүүлж, өөрийн асар их хэмжээний татварын өрөө хаасан нь Монгол Улсын төр болон барьцаалагч Голомт банкийг онц их хэмжээгээр хохироосон гэмт хэргийн шинжтэй үйлдэл болно.

Дээрх барьцаатай холбоотой иргэний маргааныг Улсын дээд шүүх шийдвэрлэхдээ барьцааг хүчинтэй гэж үзэж “Востокнефтегаз” ХХК-ийн зээлийн өр төлбөрийг дээрх барьцаа хөрөнгөөс хангуулахаар эцэслэн шийдвэрлэсээр байтал шүүхийн шийдвэрийг шүүж, нөхцөл байдлыг гуйвуулан хууль бус шийдвэр мэтээр олон нийтэд тарааж байгааг тань дээрх гэмт үйлдлүүдээ нуун далдлах оролдлого гэж үзэхээс өөр аргагүйд хүргэж байна.

Иймд, Монгол Улсын иргэн Тордайн Ганболд танаас Монгол улсын шүүхийн шийдвэрийг хүндэтгэн биелүүлж, шүүхийн шийдвэрээр тогтоогдсон, Голомт банкинд төлөх өр төлбөрийн үүргээ хариуцлагатайгаар биелүүлэхийг шаардаж байна.

Түүнчлэн, Монгол Улсын иргэн Тордайн Ганболд та болон танай хамт олноос нэгэнт шүүхээр эцэслэн шийдвэрлэгдсэн болон бусад асуудлуудын талаар ёс зүйгүй мэдэгдэл хийх, гүтгэсэн гүжирдлэг тараах явдлаа зогсоохыг шаардаж байна.

Сайн санаат нэгэн хүний ивээн тэтгэснээр миний бүтээлүүд хэвлэгдэн гарлаа. Тэр хүн бол УИХ-ын гишүүн Ж.Энхбаяр бөгөөд тэр санал тавихдаа надад ямар ч болзол тавихгүй гэж амласан юм. Мэдээж би тун баяртай зөвшөөрөв.
Намайг өгүүллүүдээ эмтхгэж ном болгон гаргаач гэж зохиолч Номинчимэд, хуурай дүү Чингүнбат нарын олон хүн шахаж шаардаж байв. Голдуу надаас болон хөрөнгө мөнгөний шалтгаанаар их удаан хугацаанд номоо хэвлэж амжаагүй.
Энэ ном бол судлаач миний сүүлийн жилүүдэд хийсэн нийгэм-түүхийн онол, улс төр-эдийн засаг, нийгмийн үйл явцад хийсэн системийн шинжилгээг багтаасан 3 том цуврал юм.
Би бүтээлүүддээ үйл явдал болсон он сар өдөр, хүмүүсийн овог нэр, тэдний үйлдэл зэргийг эсвэл дотроос нь, эсвэл тун ойроос, үгүй ядахдаа найдвартай баримтаас авч баталгаажуулж байснаас гадна үйл явдлыг яг болсон тухайн үед нь шинжилж дүгнэж байсан учраас энэ цуврал манай улс төр-нийгмийн нэн шинэ түүхийн үеүдийг багтаасан лавлах шинжтэй байж чадна гэдэгт эргэлзэхгүй байна.
Мөн манайд төдийлэн их хэрэглэж чаддаггүй системийн шинжилгээний арга зүй ашигласан болохоор онол-практикийн нэгтгэн дүгнэлтэд алд дэлэм алдаа гараагүй, гаргаагүй гэдгээ батлан хэлж чадах байна. Системийн анализ хийхэд нийгмийн бүх салбарыг шинжлэх ёстой байдаг учраас миний бүтээлүүдэд эдийн засаг, нийгэм, түүх, оюун санааны асуудлууд их бага хэмжээгээр заавал туссан байгаа. Мөн онол, практикийн олон тулгамдсан асуудлаарх өөрийн байр суурийг илэрхийлсэн олон өгүүлэл орсон.
Миний бичвэрүүдээс гадна И.Кант, И.Гегель, Л.Фейербах нарын сонгодог философчид, М.Маркс, М.Вебер, П.Сорокин нарын социологичид, суут Л.Н.Гумилёв, тэр байтугай Мао Цэдун, Дэн сяопин, Г.В.Плеханов, Н.К.Рерих нар, орчин үеийн Р.Даль, Ж.Сорос, М.Хазин нарын зэрэг суут хүмүүсийн бүтээлийн орчуулгууд багтаж байгаа.

dsc_0051
dsc_0037

I. “Монголчуудын Та нар юу юм ?! гэсэн I ботид миний 2008-2010 онуудад бичсэн өгүүлэл, анализ, орчуулга зэрэг 130 гаруй өгүүллийг багтаав. Хуудасны тоо 570.
II. “Шинжлэх ухаан наашаа, луйварчид цаашаа” гэсэн II ботид миний 2011-2013 онуудад бичсэн өгүүлэл, анализ, орчуулга зэрэг 200 шахам өгүүллийг багтаав. Хуудасны тоо 816.
III. “Монгол Улс том уу, жижиг үү” гэсэн III бодит миний 2014-2016 онуудад бичсэн өгүүлэл, анализ, орчуулга зэрэг 300 шахам өгүүлэл багтаав. Хуудасны тоо 838.
IV. Мөн оюутан, залуучууд, нийгмийн онол сонирхогчдод зориулж бичсэн “Залуу судлаачдад өгөх зөвлөгөө”, “Нийгэм- түүхийн онолууд” зэрэг манай залууст их таалагддаг цувралуудаа нэгтгэн нэгэн бэсрэг товхимол байдлаар хэвлэв.
Хүнд болгонд чаддаг юм байхад мэдээж чадахгүй юм байдаг. Миний чадахгүй, мэдэхгүй, бас угаасаа дургүй нэг “зовлонт” ажил бол мөнгө төгрөг, бизнес, менежментийн асуудал байдгийг дурдах нь зүйтэй байх. Хамгийн сүүлийн жишээ гэхэд л ном хэвлэгдээд 10-аад хоноход энэ тухай твиттерээр зарлачихаад өөрийнхөө блог болон фээсбүүкт тавихаа мартчихаж байгаа юм. Одоо гэнэт санаад бичиж буй царай маань энэ.
Ингээд сайн нөхдийн ач буянаар бүтээлийн маань эмхтгэл хэвлэгдэн гарлаа. Ингээд Та бүхнээс номыг маань худалдан авч намайг дэмжихийг хичээнгүйлэн хүсэж байна.
Судлаач Х.Д.Ганхуяг.


2016 оны 09 дүгээр сарын 30.
Related

ЗАЛУУ СУДЛААЧДАД ӨГӨХ ЗӨВЛӨМЖ № 6In ”ЗАЛУУ СУДЛААЧДАД”

РОБЕРТ ДАЛЬ. ИРГЭНИЙ МЭДЛИЙН ТУЛГАМДСАН АСУУДЛУУДIn ”ОРЧУУЛГА”

ЗАЛУУ СУДЛААЧДАД ӨГӨХ ЗӨВЛӨМЖ № 5In ”ЗАЛУУ СУДЛААЧДАД”

Filed under ШИНЖЛЭХ УХААН

About Ганаа
СУДЛААЧ ДАШЗЭВЭГИЙН ГАНХУЯГ 1954 онд Налайх хотод төрсөн. 1962 – 1972 онд Налайхын дунд сургууль, 1972 – 1977 онд МУИС –ийн Инженер – эдийн засгийн сургууль, 1987 – 1990 онд Болгар Улсын Нийгмийн Ухаан, Нийгмийн Процессын Удирдлагын Академи төгссөн. Нийгмийн Ухааны Институтэд эрдэм шинжилгээний ажилтан, УИХ-ын дэргэдэх Судалгааны Төвийн захирал, УИХ болон ЕТГ–т улс төрийн зөвлөх, референтын ажил хийж байсан. 1996 -1998 онд МАХН-ын Удирдах Зөвлөлийн гишүүн байснаа өргөдлөө өгч сайн дураараа огцорсон. Төр засгийн болон намын удирдагчдын талаар шүүмжлэлт өгүүлэл бичсэний учир ажлаас 5 удаа халагдсан. Мөн энэ шалтгааны улмаас 2004 онд МАХН-аас хөөгдсөн. Монгол Банкнаас их хэмжээний мөнгө алга болсон асуудлыг тэргүүн хатагтай О.Цолмонтой холбон бичсэний учир Монгол Банкны Ерөнхийлөгч асан О.Чулуунбатыг гүтгэсэн хэргээр 2006 онд шүүхээр шийтгүүлсэн. Олон улсын болон үндэсний хэмжээний олон судалгаанд удирдагч, үндэсний зөвлөх, багийн гишүүнээр ажиллаж байсан. Одоо чөлөөт судалгаа, системийн анализ эрхэлдэг. Эхнэр, хүү, охин нарын хамт амьдардаг.

25 Responses to МИНИЙ БҮТЭЭЛҮҮД

Luya says:
2016/09/30 at 17:05

Авнаа
Reply
regzen says:
2016/09/30 at 17:50

Баяр хүргэнэм Үнэн ялнаа гэж энэ дээ. Монголчууд уншиж үзээсэй билээ. Авнаа Хэрхэн? Хаанаас? Монголыг зөв зам дээр гартал нь бичээрэй тэмцээрэй хүү минь Ухрах газар үгүй ард чинь Монгол эх орон Монголчууд чинь байгаа шүү. Амжилт бас дахин амжилт хүү минь
Reply
Ганаа says:
2016/09/30 at 21:59

“Аз хур”, “Интерном” номын дэлгүүрүүдэд байгаа…
Эрдэнэбатын Эрдэнэсүх says:
2016/09/30 at 20:39

Танд баяр хүргэе.
Reply
Chinbaa says:
2016/09/30 at 20:43

Khaanaas avah ve
Reply
Ганаа says:
2016/09/30 at 21:58

“Аз хур” ба “Интерном” номын дэлгүүрүүдэд…
Anonymous says:
2016/09/30 at 22:08

Амжилт хvсий танд
Reply
Jaagii says:
2016/10/01 at 02:27

Hedeer hudaldaalagdaj baigaa ve?
Reply
Anonymous says:
2016/10/01 at 05:36

4lee niileed hed boloh ve
Reply
bat says:
2016/10/01 at 06:25

Saihan bvteelvvdee gargaj olon hvmvvsiin oyunii melmiig giigvvlj buid tani bayar hvrgie
Reply
Лувсангийн Нацагдорж says:
2016/10/01 at 12:39

Жаахан хараал ерөөлтэй бичихээс бус уг нь чадалтай судлаач л даа
Reply
Anonymous says:
2016/10/02 at 09:33

Би ч бас худалдаж авна аа.
Reply
Udval Vanchig says:
2016/10/02 at 13:12

Бүтээлүүдээ толилуулж байгаад баяр хүргэж амжилт хүсье. Эртний анд нь
Reply
Bat Gantsetseg says:
2016/10/02 at 19:16

Барилгачдын талбайн урд Центер төвийн 303 тоотоос авч болно шүү.
Reply
Цэнгүүн says:
2016/10/02 at 19:28

Танд баяр хүргэе. Заавал авна.
Reply
М.Сүхбаатар says:
2016/10/03 at 08:43

Зохиогчийн гарын үсгийг авсан ном дээрээ зуруулмаар байдаг
Reply
Snow* says:
2016/10/03 at 10:41

Баяр хүргэе
Reply
Soogii says:
2016/10/03 at 11:02

Таны бүтээлүүдийг тогтмол уншидаг нас насын хүмүүсийн хүсэл биелжээ.Баяр хүргэе! Олон ч жилийг ардаа авсандаа хараалгуулж ерөөлгүүлж аль байдаг муу үгсээр бөмбөгдүүлж байсан ч ийм сайхан мэдээг дуулаад баярлаж байгаа хүмүүс тэднээс хэд дахин бүр олон дахин илүү байгаа гэдэгт итгэнэм.Худалдаж авнаа, харин гарын үсгий нь яаж авах вэ.Судалач Танд баярлалаа.Амжилт!
Reply
Bata says:
2016/10/03 at 12:54

Таны гарын үсэгтэй хүргэлтийн үйлчилгээ байна уу?
Reply
4dvocatusenkhtuvshin says:
2016/10/03 at 13:06

Авч уншнаа. Баяр хүргэе.
Reply
Даш says:
2016/10/03 at 13:58

Өчигдөр Интэрномоос бүгдийг нь авсан шөө
Reply
ТД says:
2016/10/03 at 15:28

Сайхан мэдээ байна. Сайн үйлс, ялангуяа оюуны доройтолд орсон өнөөгийн монголчуудад нэн чухал энэ мэт хөрөнгө оруулалт улам улам дэлгэрэх болтугай.
Reply
baatar says:
2016/10/03 at 17:24

олон жилийн нөр их хөдөлмөрөөр бүтсэн судалгааны чамбай бүтээл уншигчдын гарт очиж байгаад халуун баяр хүргэж Таны цаашдын судалгаанд амжилт хүсье! Таны номыг бүгдийг авсан ыхгг!
Reply
Erdene says:
2016/10/03 at 20:39

судалгааны сайхан бүтээл байгаа гэдэгт үл эргэлзэнэ. судлаач гэж хоосон хуулагчид үзэж суралцаасай билээ
Reply
Tsolmon says:
2016/10/04 at 07:08

Tani niitleluudig unshih durtai olon olon hun unshij ym oilgoosoi gej husdeg. Tand bayar hurgi. Ochij zaaval avnaa
Reply

Leave a Reply


СУДЛААЧ
ДАШЗЭВЭГИЙН ГАНХУЯГ
Шинэ бичлэгүүд

МИНИЙ БҮТЭЭЛҮҮД
ХОЁР ДАХЬ ДУУНЫ ҮГ…
БӨМБӨГ ДЭЛБЭРВЭЛ АЮУЛТАЙ ГЭЖ…
Г.УЯНГА: УЛС ТӨРИЙН ХЯМРАЛААС ГАРАХГҮЙГЭЭР ЭДИЙН ЗАСГАА ЗӨВ УДИРДАЖ ЧАДАХГҮЙ.
АКАДЕМИЧ И.П. ПАВЛОВ: ОРОСЫН ОЛОН НИЙТИЙН УХААНЫ ТУХАЙ – II
АКАДЕМИЧ И.П. ПАВЛОВ: ОРОСЫН ОЛОН НИЙТИЙН ОЮУН УХААНЫ ТУХАЙ – I
ҮНЭЭНИЙХЭЭ СҮҮТЭЙГ ҮХЭХЭЭР НЬ МЭДНЭ…
УЛС ТӨРИЙН ИХ ЭВДРЭЛ
РЕВАНШИСТУУД
УТАСНЫ БУДЛИАНЫГ ШИНЖЛЭХ НЬ
НУУЦЫН ҮҮДЭНД ТУЛАХУЙ…
МОНГОЛ ДАХЬ ОФФШОР АДАЛ ЯВДАЛ
МОНГОЛ ОФФШОРЫН ТҮҮХЭЭС
МОНГОЛ ДАХЬ АМЕРИКИЙН “ЗӨӨЛӨН ХҮЧ” № 2
МАН-Д БОЛСОН ЯВДАЛ

Архив
Архив

Монгол Улсын Их Хурлын дарга Миеэгомбын Энхболдын орон нутгийн томилолт өнөөдөр /2016.10.04/ Өвөрхангай аймгийн Арвайхээр суманд үргэлжилж байна. Улсын Их Хурлын даргыг дагалдан Улсын Их Хурлын гишүүн, Засгийн газрын гишүүн, Хөдөлмөр, нийгмийн хамгааллын сайд Н.Номтойбаяр, Улсын Их Хурлын гишүүн М.Билэгт, Г.Занданшатар, Я.Содбаатар, Д.Тогтохсүрэн, С.Чинзориг, Л.Элдэв-Очир, Засгийн газрын гишүүн, Эрүүл мэндийн сайд А.Цогцэцэг, Уул уурхайн дэд сайд Х.Бадамсүрэн болон албаны бусад хүмүүс дагалдан ажиллав.
Төлөөлөгчид аймгийн иргэдтэй уулзалт хийж, Улсын Их Хурлын анхдугаар чуулган болон ээлжит бус чуулганы үеэр батлагдсан хууль тогтоомжийн талаар танилцуулж, улс орны эдийн засгийн нөхцөл байдлын талаар мэдээлэл өглөө.
Улсын Их Хурлын дарга М.Энхболд уулзалтын эхэнд өвөрхангайчууд зургаадугаар сард болсон Улсын Их Хурлын ээлжит сонгуулиар Монгол Ардын Намд итгэл үзүүлэн, гурван нэр дэвшигчдийг гурвууланг дэмжиж төрд төлөөллөө болгон илгээсэнд талархлаа илэрхийлэв. Тэрбээр шинээр байгуулагдсан Улсын Их Хурал богино хугацаанд их ажил амжуулсан болохыг танилцуулан, ээлжит бус чуулганы үеэр гаргасан шийдвэрүүдийн талаар иргэдэд дэлгэрэнгүй мэдээлэл өгөв.
Монгол Улсын эдийн засгийн нөхцөл амаргүй хүнд байгаа бөгөөд олон улсын байгууллагууд үүнийг анхааруулж, сэрэмжлүүлж байсан цаг үед шинэ Засгийн газар байгуулсан талаараа Улсын Их Хурлын дарга дурдаад, төсөвт тодотгол хийж, хямралын үеийг даван туулах тусгай хөтөлбөр, төлөвлөгөө гарган ажиллаж байгаа гэв. Улс орны төлбөр, санхүүгийн чадамж сульдсан энэ байдалд Засгийн газар үнэлэлт дүгнэлт өгч, өмнөх Засгийн үед авсан зээлээс бага хүүтэй, урт хугацаатай, тухайлбалжилийн 2.2 хувиас ихгүй хүүтэй, 20-иос дээш жилийн хугацаатай хөгжлийн хөнгөлөлттэй, төсөв дэмжсэн хөрөнгийн эх үүсвэр олох шаардлагатай хэмээн үзжээ. Мөн төсвийн алдагдлыг багасгах арга хэмжээг эрчимтэй авч хэрэгжүүлэхээр төлөвлөсөн байгаа аж.
Тухайлбал, хөдөө аж ахуй, уул уурхай, хүнсний салбаруудад тодорхой алхмуудыг хийж, улс орны хэмжээнд жижиг дунд үйлдвэрлэлийг хөгжүүлэх ажлуудыг хийх саналыг Засгийн газар үйл ажиллагааны хөтөлбөртөө тусгасныг Улсын Их Хурал дэмжин баталсныг дурдлаа. Улаанбуудай, арьс, ширэн бүтээгдэхүүн үйлдвэрлэсэн аж ахуйн нэгжид төрөөс хөрөнгийн дэмжлэг үзүүлэх шийдвэр мөн гаргаад байгаа юм байна. Тэрбээр хөрөнгө оруулалт, уул уурхайн салбарын том төсөл хөтөлбөрүүдийг хөдөлгөх ажлуудыг эхлүүлж, ирэх оны төсвийн төсөл болон Улсын Их Хурлын 2016 оны намрын ээлжит чуулганы хугацаанд хэлэлцэхээр төлөвлөж буй хууль, тогтоолын төслийн талаар Өвөрхангай аймгийн иргэд, хөдөлмөрчдөд мэдээлэл өгөв.
Эдийн засгийн нөхцөл байдал хүнд байгаа ч иргэдэд дарамт ачаалал үүсгэхгүй байх тал дээр төр засгаас анхаарч ажиллаж байгаа талаар Улсын Их Хурлын дарга танилцуулаад, сонгуулийн мөрийн хөтөлбөрт багтсан “Насны хишиг” тэтгэмжийг 70-аас дээш настай ахмадууддаа 2017 оны 01 дүгээр сарын 01-ний өдрөөс эхлэн олгохоор тооцож, 20.5 тэрбум төгрөгийг улсын төсөвт суулгасан талаар дуулгав. Түүнчлэн оюутан залуус, цаашлаад гэр бүлд нь дэмжлэг болохуйц шийдвэрийн талаар дэлгэрэнгүй танилцууллаа. 2016-2017 оны хичээлийн жилд сургалтын төлбөрийн зээл олгох зориулалтаар 90 тэрбум төгрөг төсөвлөсөн бөгөөд ирэх оны нэгдүгээр сараас 101.5 тэрбум төгрөгийг нэмж төвлөрүүлэхээр улсын төсөвт тусгасан байна. Оюутан залуус суралцах хугацаандаа сургалтынхаа төлбөрийг зээлээр авч барагдуулчихаад, мэргэжил эзэмшин ажил хөдөлмөр эрхэлж, эргүүлэн төлөх бололцоог бүрдүүлэх юм байна. Цаашдаа улс орны эдийн засгийн нөхцөл байдал сайжирвал нэн тэргүүнд иргэдийн цалин, тэтгэвэр, тэтгэмжийг нэмэгдүүлэх зарчим баримталж байгаа талаар өвөрхангайчуудад дуулгалаа.
Улсын Их Хурлын ээлжит бус чуулганы үеэр 2016 оны улсын төсөвт тодотгол хийн, төсөв санхүүгийн нөхцөл байдлаас үүдэн 2016 оны сүүлийн гурван сард тэтгэвэрт гарч буй төрийн албан хаагчдад 36 сарын нэг удаагийн тэтгэмж олгохгүй байхаар шийдвэрлэсэн. Гэхдээ ирэх оны нэгдүгээр сарын 01-нээс энэ тэтгэмжтэй холбоотой зохицуулалт хуучин хэвээр мөрдөгдөх болно гэдгийг онцлон дуулгасан юм. Мөн Засгийн газрын 2016-2020 оны үйл ажиллагааны хөтөлбөрт Монгол Ардын Намын сонгуулийн мөрийн хөтөлбөр бүрэн тусгагдсан болохыг танилцуулаад, ирэх дөрвөн жилэдгээр ажлыг шат дараалалтай хийж гүйцэтгэх боломжтой хэмээн үзэж байна гэв.
Орон нутгийн ажил байдал нь улс орны нийгэм, эдийн засгийн амьдралд чухал нөлөөтэй гэдгийг Улсын Их Хурлын дарга уулзалтын үеэр тэмдэглэн хэлээд “2016 оны долоодугаар сарын 01-нээс Захиргааны ерөнхий хууль хэрэгжиж эхэлсэн. Ингэснээр төрийн байгууллага ямар нэг шийдвэр гаргахдаа иргэдийн санал бодлыг сонсож, тусгах үүрэг хүлээдэг болсон” гэв. Төгсгөлд нь тэрбээр хэдхэн хоногийн дараа сум, дүүргийн нутгийн өөрөө удирдах ёсны байгууллагын төлөөлөгчдийг сонгох сонгууль болно. Төр засгийн шийдвэрийг нутаг орондоо хэрэгжүүлэх, иргэдийн санал, хүсэлтийг төр засагт хүргэх төлөөлөгчдөө сонгохдоо тэдний туршлага, мэдлэг, олонд танигдаж хүндлэгдсэн байдлыг харгалзансонгоно хэмээн найдаж байна гэв.
Үргэлжлүүлэн Өвөрхангай аймгийн иргэд Улсын Их Хурлын дарга, Улсын Их Хурлын гишүүд, Засгийн газрын гишүүд болон албаны хүмүүсээс асуулт асууж, санал хүсэлтээ уламжлан чөлөөт ярилцлага өрнүүлсэн юм.
Улсын Их Хурлын орон нутгийн томилолт маргааш Архангай аймагт үргэлжилнэ. Тэрээр дагалдан яваа албаны хүмүүсийн хамтаар Цэцэрлэг суманд ажиллан, нэгдсэн эмнэлгийн үйл ажиллагаатай танилцаж, иргэд хөдөлмөрчидтэй уулзан Улсын Их Хурлын үйл ажиллагаа, батлагдсан хууль тогтоомж болон намрын ээлжит чуулганаар хэлэлцэж буй хууль, тогтоолын төслийн талаар танилцуулахаар төлөвлөжээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Аюулгүй байдал, гадаад бодлогын болон Төрийн байгуулалтын байнгын хороо өнөөдөр хуралдах юм байна. Эдгээр байнгын хороогоор доорх асуудлыг хэлэлцэхээр болжээ

1.Аюулгүй байдал, гадаад бодлогын байнгын хорооны хуралдаан 10.00 цагаас “Их эзэн Чингис хаан” танхимд:

Хэлэлцэх асуудал:

Уур амьсгалын өөрчлөлтийн тухай НҮБ-ын суурь конвенцийн Киотогийн протоколын Дохагийн нэмэлт, өөрчлөлтийн тухай хуулийн төсөл /Засгийн газраас 2016.05.18-ны өдөр өргөн мэдүүлсэн, зөвшилцөх/;

Олон Улсын тогтвортой аялал жуулчлал, ядуурлыг бууруулах байгууллагыг үүсгэн байгуулах тухай хэлэлцээрийн тухай хуулийн төсөл /Засгийн газраас 2016.05.26-ны өдөр өргөн мэдүүлсэн, зөвшилцөх/;

НҮБ-ын Хүнс, хөдөө аж ахуйн байгууллагын Хүнс, хөдөө аж ахуйн ургамлын генетик нөөцийн олон улсын гэрээнд нэгдэн орох тухай хуулийн төсөл /Засгийн газраас 2016.06.06-ны өдөр өргөн мэдүүлсэн, зөвшилцөх/;

Бусад /Ажлын хэсэг байгуулах тухай Байнгын хорооны тогтоол батлах/.


2.Төрийн байгуулалтын байнгын хорооны хуралдаан 14.00 цагаас “Жанжин Д.Сүхбаатар” танхимд:

Хэлэлцэх асуудал:

Үндсэн хуулийн цэцийн 2016 оны 09 дүгээр дүгнэлт.

Өдгөөгөөс хоёр жилийн ажил үүргээ гүйцэтгэж явсан жирийн нэгэн залуу шунахай нэгний золиос болж, алтан амиа алдсан харамсалтай хэрэг гарсан билээ. одруулбал “Арвижих Алтан Тэвш“ ХХК-ийн борлуулагч Г.Пүрэвсүрэн гэгч дэлгүүрүүдэд бараа түгээж явсан зэл залуухан Б.Алтанхуягийг шунахай сэдлээр амийг нь бүрэлгэж, улмаар цогцсыг нь Налайх дахь уурхайн цооногт хийсэн аймшигт хэрэг үйлдэж олны сэтгэлийг сэрдхийлгэж байсан. 10 гаруйхан сая төгрөгийн төлөө бусдын амийг бүрэлгэсэн Г.Пүрэвсүрэнд шүүхээс түүнд 24 жилийн хорих, 16 сая төгрөгийн хохирол барагдуулах ял ногдуулсан юм.

...Улсын дундаж өрхийн цалин 488 310 төгрөг гэнэ. Өрсөлдөх чадвар муу гэсэн анализ шууд гарч байна. Амьдралаа дээшлүүлмээр байвал өндөр цалин хэрэгтэй гэсэн дүгнэлт тодорхой!. Өрсөлдөх чадвараа сайжруул. Толгойндоо юм хий, юм хийж бүтээж чаддаг гэдгээ харуул. Зүгээр цээжээ балбах биш, олон улсад хүлээн зөвшөөрөгдсөн гэдгээ харуул...