Намын даргыг сонгох сонгуулийн жишгийг өөрчилж, намынхаа нийт гишүүдийн саналаар даргаа сонгосон Ардчилсан намын даргын сонгууль болж өндөрлөө. Гэхдээ Ардчилсан намын хийж буй эл сонгууль нь даргаа сонгох хамгийн ардчилсан хэлбэр мөн боловч гишүүдийн саналыг мөнгөөр худалдаж авдаг УИХ-ын сонгуулиас ялгагдсангүй.

Уг нь намаа шинэчлэхээр эл сонгуулийг явуулсан боловч шинэчлэх бүү хэл хуучныхаа ёроолд нь уначихлаа. Өөрөөр хэлбэл намын даргаа шинээр сонгосон ч С.Эрдэнэ Ардчилсан намыг шинэчилж тордох нь бүү хэл ах дүүсийн цугларах газар болгож чадна гэдэгтэй мөрий тавьсан ч хожино гэх дүгнэлтийг олонх гишүүд гаргаж байна.

Ардчилсан намын гишүүд шинэ Ардчилсан намыг хүсэж, айсуй Ерөнхийлөгчийн сонгуульд ялалт байгуулъя, 2020 онд ялалт байгуулъя гэвэл мөнгө тарааж намын дарга болж буй С.Эрдэнэд хариуцлага тооцох л ёстой. 

Өчигдөр болсон сонгуулийн үеэр С.Эрдэнэ тэргүүтэй зарим нэр дэвшигчид мөнгө тараасан бичлэг ил болж сошиал ертөнцийг байлдан дагуулж байсан хэдий ч Ардчилсан намын сонгуулийг удирдан зохион байгуулж буй нөхдүүдийн хэн нь ч ам нээсэнгүй. Нөгөө хариуцлага энэ тэр ч таг.

Түүний мөнгө тарааж буй бичлэгийг худлаа гэж үгүйсгэхийн аргагүй. Гэрч нь УИХ-ын гишүүн асан Л.Оюунгэрэл, Б.Батчимэг тэргүүтэй АН-ын гишүүд.

Барим тавим нотолгоотой эл асуудлыг хөндөж АН-ын даргад нэр дэвшигч С.Эрдэнийг "мөнгө тараасан", "Гишүүдийн саналыг худалдаж авсан" гэх хэргээр хасах байсан боловч хэрэг дээрээ "Яаж санал авсан байх нь чухал биш" бололтой. Ардчилсан намын гишүүд шинэ Ардчилсан намыг хүсэж, айсуй Ерөнхийлөгчийн сонгуульд ялалт байгуулъя, 2020 онд ялалт байгуулъя гэвэл мөнгө тарааж намын дарга болж буй С.Эрдэнэд хариуцлага тооцох л ёстой.