“Монгол-Хятадын экспо” энэ сарын 6-10-ныг хүртэл ӨМӨЗО-ны Хөх хот болон Улаанцав хотод үргэлжилж байна. Энэ хүрээнд Улаанцав хотод Монгол-Хятадын худалдаа, эдийн засгийн салбар дахь хууль зүйн үйлчилгээний хамтын ажиллагааны хурал энэ сарын 6-нд болж өнгөрсөн юм. Хурлын үеэр ӨМӨЗО-ны Хууль зүйн танхимын дарга Би Лифү итгэл тавьсныг товчлон хүргэж байна.

Монголын Хуульчдын холбооны Ерөнхийлөгч Ж.Хунангаар  ахлуулсан ажлын хэсэг 2019 оны есдүгээр сарын 05, 06-ны өдрүүдэд Баян-Өлгий аймагт ажиллалаа.

Архангай аймгийн Тариат сумын Хорго багийн Гичгэнэ Хөх-Оруулга гэдэг газар Улаанбаатар хотоос дөрвөн хүн загасчлахаар наймдугаар сарын 22-ны өдөр очжээ. Харамсалтай нь, тухайн өдрийн 19.00 цагт 46 настай эрэгтэй Э сураггүй алга болсон байна.

Зайсангийн Peace Village, General town хотхонуудын орчмын гадна талбайн газрыг 2018 оны 05 дугаар сарын 18-ны өдөр нийтийн эзэмшлийн талбайн зориулалтаар ашиглах эрхийг цуцалсан боловч 2019 оны 05 дугаар сарын 03-ны өдөр  Байгаль орчин, аялал жуулчлалын яамны өмнөх цуцалсан эрхийг хүчингүйд тооцон газар ашиглах гэрчилгээг нь УИХ-ын гишүүн асан Л.Гүндалайгийн хамаарал бүхий этгээд болох иргэн О.Одсүрэнд “Буудаллах, отоглох” зориулалтаар 2.041 га талбайг таван жилийн хугацаатайгаар дахин олгосон байна.

Онцгой байдлын ерөнхий газраас АНУ-ын Энэтхэг-Номхон далайн цэргийн командлалтай хамтран “Говийн чоно” сургалт, дадлага сургууль энэ сарын 09-21-ний өдрүүдэд Дорноговь аймагт зохион байгуулагдах гэж байна.

МУИС нь энэ жил 77 дахь хичээлийн шинэ жилийн нээлтээ хийж байгаа бөгөөд нийт 7 бүрэлдэхүүн сургууль, нэг ахлах сургууль, 20 хүрээлэнтэй, 20 мянга гаруй оюутантайгаар 2019-2020 оны хичээлийн жилээ эхлүүлж байна. Өнгөрсөн онд 16 орны 420 оюутан тус сургуульд суралцжээ.

Гишүүн Ц.Гарамжавын гаргасан саналыг зүгээр орхиж боломгүй мэт. Харин төр, хувийн хэвшил тэр дундаа хөрөнгө оруулагч хооронд 51, 49 хувийг эзэмшинэ гэдэг дүрмээ Үндсэн хуульдаа шигтгээд, тэр дагуу гэрээ, хэлэлцээ хийгээд явах нь хэн хэндээ саадгүй, бүр палгүй биш гэж үү.

БНХАУ-ын томоохон компанийн нэг “Huawei” компани 5G сүлжээг худалдааны арилжааны зорилгоор хэрэглэх 50 гаруй гэрээ хэлэлцээрийг олон улсын хэмжээнд хийж, 200 мянга орчим станцыг суурилуулаад байна гэж тус компанийн стратеги судалгааны газрын дарга Сүй Вэньмэй Ази номхон далайн инновацийн тав дахь чуулганы үеэр онцлон дурдав. Тавдугаар үеийн сүлжээний станцуудын гуравны хоёрыг “Huawei” компани хийсэн ажээ.

ЦЕГ-ын Хар тамхитай тэмцэх газраас энэ сарын 6-наас 7-нд шилжих шөнө Баянгол, Чингэлтэй дүүрэгт үйл ажиллагаа явуулдаг хоёр цэнгээний газарт шалгалт хийсэн. Шалгалтын үеэр 24 иргэн хар тамхи, сэтгэцэд нөлөөт эм бэлдмэл хэрэглэсэн болох нь эхний сорилоор тогтоогдсон бол 5 иргэн биедээ энэ төрлийн бэлдмэлийг хадгалж байсан нь тогтоогдсон юм.

3х3 сагсан бөмбөгийн Ази тивийн клубуудын аварга шалгаруулах тэмцээн Малдивд зохион байгуулагдлаа. Манай улсаас 'Архангай АДМ Тайхар', эмэгтэй 'Улаанбаатар Амозонс'  багууд тэмцээнд оролцлоо. Азийн шилдэг эрэгтэй 16, эмэгтэй 12 клуб оролцсон тэмцээнээс 'Улаанбаатар Амозонс'  эмэгтэй шигшээ дэд аварга, эрэгтэй 'Архангай АДМ Тайхар' аварга болов.

Монгол-Тажикстаны тоглолтын хэвлэлийн хурал болно. "Holliday Inn"-д болно.

Улаанбаатарт үүлшинэ. Бороо орохгүй. Салхи баруун өмнөөс секундэд 5-10 метр. Шөнөдөө 1-3 градус, өдөртөө 16-18 градус дулаан байна.

О.Орхонтуул азийн рекордыг шинэчиллээ

Монгол улс “Бээжин-2008” Олимпийн наадмаас Алтан медаль хүртсэний 11 жилийн ойн хүрээнд Монголын үндэсний олимпийн хороо/МҮОХ/-ны Тэргүүн дээд шагнал “Алтан од” одонгоор УИХ-ын гишүүн, Мон-Уран ХХК, Инвекс ХХК, Дүнжингарав ХХК-ыг үүсгэн байгуулагч Б.Наранхүү шагнагдлаа.

Гурван бүдүүн" хамтлагийн дуучин А.Мөнгөншагай энэ сарын 7-ны өдөр Өмнөговь аймгийн нутаг дэвсгэрт зам тээврийн ослоор амиа алджээ.

Малчид болон иргэд, тариаланчид, хадланчад өнөө шөнөөс  газар тариалангийн бүс нутгаар цочир хүйтрэхийг анхааруулж байна.

Ц.Раднаа гуай таван төрөлд оролцож таван РЕКОРД эвдэж, дэлхийн аваргад 400 метрт үзүүлсэн амжилтаа 1 секунд 46 долиор дахин ахиулсан амжилт гаргалаа.

Баянгол, Чингэлтэй дүүргийн нутаг дэвсгэрт үйл ажиллагаа явуулдаг шөнийн цэнгээний хоёр газарт шалгалт хийжээ. Шалгалтаар 87 иргэнд хар тамхины тест тавьж шалгахад 24 нь хар тамхи хэрэглэж, 5 нь биедээ хадгалсан нь тогтоогджээ. Тиймээс дээрх 24 иргэнийг дайчлан баривчилсан байна.

Үндсэн хуульд оруулах нэмэлт, өөрчлөлтийн төслийг ард нийтийн санал асуулгад бэлтгүүлэхээр шилжүүллээ

УИХ-ын Төрийн байгуулалтын байнгын хорооны энэ сарын 7-ны өдрийн хуралдаан 68.4 хувийн ирцтэйгээр эхэлж, Монгол Улсын Их Хурлын чуулганы хуралдааны дэгийн тухай хуулийн 24 дүгээр зүйлийн 24.6 дахь хэсэгт заасны дагуу Монгол Улсын Үндсэн хуулийн нэмэлт, өөрчлөлтийг дагаж мөрдөхөд шилжих журмын тухай хуулийн төслийн анхны хэлэлцүүлгийг хийлээ.