Энэ долоо хоногт улс төр болоод нийгэмд олон үйл явдал болж өрнөлөө. Цалингаа нэмэхгүй бол сануулах ажил хаялт зарлахаа мэдэгдээд байсан багш нар энэ сарын 21-ний өдөр ажил хаясан бол НИТХ-ын дарга албан ёсоор ажлаасаа чөлөөлөгдөж, түүний орны хүнийг томилох шахав. Түүнчлэн Монгол Улсын Ерөнхийлөгч Х.Баттулга НҮБ-ын чуулга уулзалтад оролцохгүй талаараа албан мэдээлэл хийж, хүүхдийн мөнгө 50 мянга болно гэх цахим ертөнцөд олны анхаарлыг татаад байсан асуултын хариултыг Ерөнхийлөгчийн Тамгын газраас өглөө. Ингээд энэ долоо хоногт болж өрнөсөн үйл явдлыг багц 24 буландаа онцолж байна.

Ихэнх нутгаар нойтон цас орж, хүйтэрнэ

Үс засуулбал: Эд мал баялаг төгөлдөр болно

Улаанбаатар өдөртөө 11 хэмийн дулаан байна

Олон Улсын Эрүүгийн шүүхийн Ромын дүрмийн оролцогч улсуудын Ассамблейн ажлын албанаас 2017 оны 3 дугаар сарын 7-ны өдөр тус шүүхийн шүүгчийн 6 сул орон тоонд сонгон шалгаруулалт явуулах шийдвэрийг зарласан юм. Нэр дэвшигчдийг бүртгэх ажиллагаа

Хөрөнгийн биржийн өнөөдрийн арилцаагаар I, II, III ангиллын 47 хувьцаат компанийн 128,982 ширхэг

Шүүхийн ерөнхий зөвлөлөөс жил бүр зохион байгуулдаг ”Шүүхийн мэргэшсэн сэтгүүлч” сургалт өнөөдөр (2017.09.22) эхэллээ. Дөрөв дэх удаагийн тус сургалтад өдөр тутмын 8 сонин, үндэсний хэмжээнд эфирээ цацдаг 11 телевиз, 18 сайтын эрэн сурвалжлах, хууль эрх зүй, шүүхийн сэтгүүл зүйгээр дагнан уран бүтээл туурвидаг 37 сэтгүүлч оролцож байна.

СХД-ийн 1 дүгээр хорооны нутаг дэвсгэр дэх Баянгол амны “Дулааны шугам”-ын нээлтийн үйл ажиллагаа өнөөдөр “Буман-Өлзий” хороололд боллоо.

Нийслэлийн Иргэдийн Төлөөлөгчдийн хурлын 11 дүгээр хуралдаан болж байна. Хуралдаанаар НИТХ-ын дарга Ц.Сандуйг өөрийнх нь хүсэлтийн дагуу албан тушаалаас нь чөлөөлсөн.

Онцгой байдлын асуудал эрхэлсэн байгууллагын үүрэг гүйцэтгэх чадавхийг нэмэгдүүлэх, төрийн үйлчилгээгээг иргэдэд хүртээмжтэй, шуурхай хүргэх зорилгоор суурьшлын бүсүүдэд шинээр гал түймэр унтраах аврах ангиудыг байгуулж байна.

Тухайлбал нийслэлийн хөрөнгө оруулалтаар Сүхбаатар дүүргийн 19-р хороо Хуурай мухрын зуслангийн чиглэлд гал түймэр унтраах аврах анги байгуулахаар барилгын ажлыг эхлүүлээд байна.

Барилгын ажлын гүйцэтгэлтэй нийслэлийн Онцгой байдлын газрын дарга, онцгой байдлын хурандаа Ж.Чүлтэмсүрэн, дэд дарга, дэд хурандаа Н.Нямхорлоо, Захиргааны удирдлагын хэлтсийн дарга, дэд хурандаа Б.Баттулга нар танилцлаа.

Жи Си Ай ХХК хариуцан барилгын ажлыг гүйцэтгэж байгаа бөгөөд одоогоор гүйцэтгэл 5% явагдаж байгаа талаар хэлж байлаа.

Гал түймэр унтраах аврах шинэ ангийн барилга нийт 2,7 тэрбум төгрөгийн өртөгөөр баригадаж 2018 оны 4-рулиралд ашиглалтанд орно гэж нийслэлийн Онцгой байдлын газраас мэдээллээ.

Дэрэвгэр жиргэрүүг түүн бэлтгэж, гадаад улсад экспортлохыг 2018 оны 01 дүээр сарын 01-нээс 2022 оны 01 дүгээр сарын 01-нийг хүртэл 5 жилийн хугацаанд хориглох БОАЖ-ын сайдын шийдвэр гаргалаа.

Засгийн газар ээлжит бус хуралдаан зарлан хуралдуулж байна. Тус хуралдаанаар багш нарын цалинг

Нийслэлийн иргэдийн төлөөлөгчдийн 11 дүгээр хурлын үеэр хурлыг даргалж байсан Ц.Сандуй руу оймс шидсэн тохиолдол гарсан билээ. Тэгвэл оймс шидэж эсэргүүцлээ илэрхийлсэн хүн нь

Монгол Улсын Ерөнхийлөгч Х.Баттулгад Бүгд Найрамдах Чех Улс /БНЧУ/-аас Монгол Улсад суух Онц бөгөөд Бүрэн эрхт Элчин сайд Иржи Бродский өнөөдөр Итгэмжлэх жуух бичиг барив.

Элчин сайд Иржи Бродский Монгол Улс, БНЧУ эртний уламжлалт найрсаг харилцаатай гээд үүний илэрхийлэл нь чех хэлтэй 50 мянган монгол хүн байдаг, Монголоос олон хүн тус улсад ажиллаж амьдардаг гэлээ.

Тэрээр Элчин сайдын хувьд хоёр орны харилцааг өргөжүүлэн гүнзгийрүүлэх, үүний дотор худалдаа, эдийн засгийн харилцааг ашигтай хэлбэрээр хөгжүүлэх нь чухал гэдгийг онцоллоо.

Монгол Улсын Ерөнхийлөгч Х.Баттулга үүнтэй санал нэг байгаагаа илэрхийлээд “Хоёр орны хооронд худалдааны эргэлт бага байгаа. Монгол Улс Зүүн Азитай ойр хөрш оршдог. Зүүн Ази бол дэлхийн эдийн засгийн 30 хувийг бүрдүүлдэг. Дэлхийн хүн амын тал хувь нь Ази тивд бий. Иймээс Чехийн эдийн засаг, бизнесийг Зүүн Азитай холбоход Монгол Улс дамжин өнгөрөх гүүр болж чадна.

Монгол орон газар дороо төдийгүй газар дээрээ баялагтай. Далан сая толгой малтай тул ноос, ноолуур, мах зэрэг бүтээгдэхүүнийг боловсруулан гаргах боломжтой. Мөн аялал жуулчлал, өвлийн спорт, тэр дотроо Чех Улс хоккейн спортоор дэлхийд алдартай тул мөсний хоккейн төрлөөр хоёр тал хамтран ажиллах боломжтой” гэлээ.

Элчин сайд Иржи Бродский эдгээртэй санал нэг байгаагаа илэрхийлээд, ойрын үед хэрэгжүүлэхээр төлөвлөж буй төслүүдээсээ танилцуулав.

Юуны өмнө нийгмийн хамгааллын салбарт гэрээ байгуулахаар төлөвлөж байгаа бөгөөд үүгээр Чех Улсад ажиллаж, амьдарч байсан монголчуудад нийгмийн даатгал, тэтгэвэр, тэтгэмжид хамруулах бололцоо олгохыг зорьж байгаа ажээ. Мөн харилцан визний нөхцөл хөнгөвчлөх төсөл яригдах юм байна.

Элчин сайд мөн бизнесийн зарим санал танилцуулсан юм.

Монголд хөрөнгө оруулах сонирхолтой Чехийн олон компани байдгийг Элчин сайд Монголд ирэхийн өмнө судалж, танилцсан гэлээ. Мөн эрчим хүч, ХАА, байгаль орчин, спортын салбарт хамтран ажиллаж, мөсний хоккей хөгжүүлсэн туршлагаасаа Монголд нэвтрүүлэх боломжтойг хэлэв. Эдгээрийг хэрэгжүүлэхэд БНЧУ-ын ЭСЯ Монголын талтай хамтран ажиллахад бэлэн гэдгийг Элчин сайд Иржи Бродский илэрхийлж байлаа.

Байгаль орчин, аялал жуулчлалын сайд Д.Оюунхорол тушаалаар ахуйн болон үйлдвэрлэлийн зориулалтаар тарвага агнахыг 2017 оны 09 дүгээр сарын 22-ны өдрөөс эхлэн 3 жилийн хугацаанд хориглолоо. Монгол Улсын нийгэм, эдийн засаг зах зээлийн тогтолцоонд шилжсэн 1990 оноос хойш тарваганы нөөц эрс хомстож, 15 сая орчим толгой байсан монгол тарвага 2001 оны судалгаагаар 5 сая болтлоо цөөрсөн гэх харамсалтай тоо баримт гарч байжээ. Улмаар 2005, 2006, 2014 онуудад Байгаль орчны асуудал эрхэлсэн сайд нарын тушаалаар тарвага агнуурыг 3 жилийн хугацаагаар бүрэн хориглох арга хэмжээ авсан нь зарим аймагт хийсэн судалгаагаар тодорхой үр дүнгээ өгсөн байна. Устаж үгүй болсон нутагт тарвага цөөн тоогоор үзэгдэх, зарим газарт тоо толгой өсөж байгаа тухай мэдээллийг орон нутгаас ирүүлж байгаа юм. Түүнчлэн 2010 оноос тарвага сэргээн нутагшуулах ажлыг төр, хувийн хэвшлийн байгууллагууд хамтран идэвхтэй хийх болсон. Зөвхөн энэ онд Төв, Хэнтий аймгийн нутагт 200 орчим тарвагыг сэргээн нутагшуулсан нь үр дүнгээ өгч эхэлсэн талаар салбарын мэргэжилтнүүд онцолж байна. Хэдийгээр орон нутгийн удирдлагуудын зүгээс монгол тарваганы тоо толгой өссөн талаар мэдээлэл ирүүлэх болсон ч цаашид нөөцийг нэмэгдүүлэх зорилгоор агнуурыг хориглох арга хэмжээг бүх нутаг дэвсгэрт үргэлжлүүлэн авахаар шийдвэрлэлээ.

НИТХ XI хуралдаан үргэлжилж байна.

НИТХ XI хуралдаан эхэллээ. НИТХ-ийн шинэ даргад Д.Баярсайхан, С.Амарсайхан нарыг нэр дэвшүүлээд байгаа юм.

”Скай хайпермаркет” ХХК-ийн ”ИМАРТ” төсөл амжилттай хэрэгжиж 2016 оны 7-р сард анхны дэлгүүрээ нээж байсан бол тун удахгүй 2 дах салбар ”Имарт Хороолол”-ыг нээхэд бэлэн боллоо.

Нээлтийн үйл ажиллагаа 2017 оны 9 сарын 29-ний 10:00~11:00 цагийн хооронд болох бөгөөд 11:00 цагт үйлчлүүлэгчдээ хүлээн авах болно.

Хотын дарга С.Батболд тэргүүтэй нийслэлийн удирдлагууд 2016 оны 3 дугаар сарын 20-26-ны өдрүүдэд Европын хотуудад айлчлал хийгээд ирсэн билээ. Энэхүү айлчлалын нэг зорилго нь Нийслэлийн Засаг дарга бөгөөд Улаанбаатар хотын Захирагч С.Батболдын 2020 он хүртэл хийж хэрэгжүүлэх үйл ажиллагааны хөтөлбөрт тусгагдсан, Европын стандартыг Улаанбаатар хотод нутагшуулах ажлын хүрээнд Европын хотуудын удирдлагуудтай бодитой яриа хэлцэл хийх явдал байсан юм. Хотын даргын айлчлал Польшийн нийслэл Варшав хотоос эхэлж, Варшав хотын дарга хатагтай Ханна Гронкиэвич Валцтай уулзан хоёр хотын харилцааг шинэ шатанд гаргах хүсэлтээ илэрхийлсэн. Хотын даргын энэхүү хүсэлтийг Варшав хотын дарга уриалгахан хүлээн авч, бодит ажлуудыг хамтран хэрэгжүүлнэ гэдгээ амлаж байв.

Варшав хот нийтийн тээврийнхээ үйлчилгээ, хурд, чанарыг сайжруулах замаар авто машины түгжрэл болон түүнээс ялгарах хорт утаагаа багасгах тал дээр сүүлийн жилүүдэд маш амжилттай ажиллаж, бүс нутагтаа жишиг нийтийн тээврийн үйлчилгээг нэвтрүүлж чадсан хот гэдгээрээ дэлхий нийтэд танигдаж чаджээ. Варшав хотын дарга хатагтай Ханна Гронкиэвич Валц Улаанбаатар хотын нийтийн тээврийн үйлчилгээг сайжруулах тал дээр хамтран ажиллана гэдгээ ч айлчлалын үеэр мөн илэрхийлсэн.

Тэгвэл өнөөдөр хоёр хотын даргын айлчлалын үеэр хөндөгдсөн яриа хэлэлцээрүүд биеллээ олж Варшав хотын төлөөлөгчид Улаанбаатар хотод энэ сарын 20-23-ны өдрүүдэд айлчилж байна. Энэ удаагийн айлчлалд Варшав хотын тээврийн удирдах зөвлөлийн дарга Весвав Витек, Тээврийн газрын дарга Мэчисвав Рекснис, Тээврийн газрын хэлтсийн дарга Валдемар Ласек, Хууль эрх зүйн газрын дарга Мария Мотковска, Хууль эрх зүйн газрын орлогч Катажина Маяхжак, Хууль эрх зүйн газрын хэлтсийн дарга Роберт Скжеч нарын бүрэлдэхүүнтэй иржээ.

Варшав хотын төлөөлөгчид айлчлалын хүрээнд Нийслэлийн тээврийн газар, “Зорчигч тээврийн нэгтгэл” ОНӨААТҮГ, “Улаанбаатар смарт карт” ХХК-ийн үйл ажиллагаа, “Улаанбаатар хотын багц дүрэм боловсруулах төсөл”-тэй танилцах юм байна. Мөн Варшав хотын Тээврийн газрын мэргэжилтнүүд Улаанбаатар хотын тээврийн газар, “Зорчигч тээврийн нэгдэл” ОНӨААТҮГ-т ирж туршлага солилцох хэлбэрээр хамтран ажиллах, Улаанбаатар хотын тээврийн мэргэжилтнүүдийг Варшав хотод урт, болон дунд хугацааны сургалтад хамруулах ажлуудыг айлчлалын үеэр шийдэх ажээ гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Төв аймгийн Баянчандмань сумын постонд үүрэг гүйцэтгэж байсан хэсгийн байцаагч, цагдаагийн дэслэгч Чинзориг, замын цагдаагийн цагдаа зохицуулагч, цагдаагийн ахлах ахлагч Э.Болдбаатар нар Тоёота Приус маркийн тээврийн хэрэгслийг зогсоон шалгахад эрхэлсэн тодорхой ажилгүй дөрвөн этгээд мансууруулах ургамлыг бэлтгээд тээвэрлэж явсныг илрүүлэн Эрүүгийн цагдаагийн албаны Хар тамхитай тэмцэх газар шалгаж байна.
Мөн Өвөрхангай аймгийн нутаг дэвсгэрт байрлах Тарны гүүрний постонд 2017 оны 09 сарын 17-ны өдөр үүрэг гүйцэтгэсэн Өвөрхангай аймгийн цагдаагийн газрын мөрдөгч, цагдаагийн дэслэгч Б.Баасансүрэн, ЗЦА-ны зохицуулагч, цагдаагийн ахлах дэслэгч Э.Бямбацэрэн, цагдаа дэд ахлагч О.Мягмарсүрэн нар айлаас хоёр ширхэг дунд гарын мөнгөн аяга, эмээлийн мөнгөн тоног, эрэгтэй хүний мөнгөн бүс зэрэг хулгайд алдагдсан эд зүйлийг авч явсныг илрүүлж, холбогдох цагдаагийн хэлтэст шилжүүлээд байгаа юм.
Дундговь аймгийн постонд 2017 оны 09 сарын 17-18 ны өдөр үүрэг гүйцэтгэж байсан эрүүгийн ахлах мөрдөгч, цагдаагийн хошууч Ш.Цэндбаатар, цагдаа зохицуулагч, цагдаагийн ахлах ахлагч Сугардорж, эргүүлийн цагдаа, цагдаагийн ахлах ахлагч Болортуяа нар 2016 оны 09 сарын 23-ны өдөр Чингэлтэй дүүргийн иргэний хэргийн шүүхээс эрэн сурвалжлагдаж байсан гурван иргэнийг түр саатуулан шалгаж байна.
Мөн Өвөрхангай аймгийн Тарны гүүрний постонд 2017 оны 09 дүгээр сарын 13 -ны өдөр үүрэг гүйцэтгэсэн Өвөрхангай аймгийн цагдаагийн газрын мөрдөгч, цагдаагийн дэслэгч Б.Баасансүрэн, замын цагдаагийн зохицуулагч, цагдаагийн ахлах дэслэгч Э.Бямбацэрэн, цагдаа зохицуулагч, цагдаагийн дэд ахлагч О.Мягмарсүрэн нар Улаанбаатар хотоос Өвөрхангай аймаг руу зорчиж явсан хүн тээврийн автобусанд шалгалт хийж Өвөрхангай аймгийн нутаг дэвсгэрт иргэн Б бусдад хүчиндүүлсэн эрүүгийн хэрэгт эрэн сурвалжлагдаж байсан Т гэгчийг олж тогтоон холбогдох шалгалтын ажиллагааг явуулж байна.
Төв аймгийн Лүн сумын постонд 2017 оны 09 дүгээр сарын 14-ны өдөр үүрэг гүйцэтгэж байсан Төв аймгийн цагдаагийн газрын мөрдөгч, цагдаагийн ахлах дэслэгч О.Оюунболд, ЗЦА-ны цагдаа зохицуулагч, цагдаагийн ахмад С.Батболд, цагдаа, цагдаагийн дэд ахлагч О.Сэргэлэнбаяр нар Сэлэнгэ аймгийн Сайхан сумын нутаг дэвсгэрт иргэн Т-ийн “Соната-4” маркийн тээврийн хэрэгсэл хулгайд алдагдан эрэн сурвалжлагдаж байсныг Улаанбаатар хотоос Төв аймгийн Заамар сумаас олж тогтоон холбогдох шалгалтын ажиллагааг хийж байна.
Төв аймгийн Баянчандмань сумын постонд 2017 оны 09 сарын 16-ны өдөр үүрэг гүйцэтгэсэн Төв аймгийн цагдаагийн газрын мөрдөгч, цагдаагийн ахлах дэслэгч С.Эрдэнэбилэг, ЗЦА-ны замын зохицуулагч, цагдаагийн дэслэгч Ч.Чинзориг, цагдаагийн дэслэгч Х.Мөнх-Эрдэнэ, замын цагдаагийн цагдаа зохицуулагч, цагдаагийн ахлах ахлагч М.Ганбат нар Төв аймгаас Улаанбаатар хотруу явж байсан Hino Ranger маркийн ачааны автомашинд Булган аймгийн Сэлэнгэ сумаас гарал үүслийн гэрчилгээгүй 12 куб метр мод тээвэрлэж явсныг саатуулан материалжуулан шалгаж байна гэж ШУУРХАЙ УДИРДЛАГА, АЖИЛЛАГААНЫ ХЭЛТЭСЭЭС МЭДЭЭЛЛЭЭ