Монгол түмний уламжлалт сар шинийн баяр ойртож байгаатай холбогдуулан нийслэлийн Засаг дарга С.Батболд захирамж гаргасан билээ.

УИХ дахь АН-ын бүлэг хуралдах гэж байна. Бүлгийн өнөөдрийн хуралдаанаар цаг үеийн зарим асуудлаар намын гишүүд байр сууриа нэгтгэх аж.

Даяаршиж буй дэлхийтэй хөл нийлүүлэн алхахдаа Үндэснийхээ онцлог, өв уламжлалаа хадгалж үлдэх нь чухал. Өөрөөр хэлбэл уламжлал шинэчлэлийг хослуулах учиртай. Тийнхүү жин тунг нь тохируулж зах зээлдээ тоогдож буй нэгэн компанийг зорилоо. “G fashion” нэрээрээ хэдийнэ танил болсон “Гант донж” ХХК-ийн захирал, загвар зохион бүтээгч Б.Гантболор хэмээх хоногийн 24 цаг багадсан ажил хэрэгч бүсгүйтэй цөөн хором хөөрөлдөж хэрэглэгчдэдээ хэрэгтэй дараах зүйлсийг тодруулж чадсан юм.
Хичээнгүй хөдөлмөрлө, үр дүн чинь өмнөөс тань ярих болно
Цаг хугацаатай уралдагч ажил хэрэгч бүсгүйг Бат-Эрдэнийн Гантболор гэдэг. 2005 онд Дизайн урлалын дээд сургуулийг дизайнер мэргэжлээр дүүргэсэн. Илэг даавууг өнгө уусган хослуулж, сүлжмэл хээгээр чимэглэсэн үндэсний хэв загварт калпитай өмдний хослол, донжлог малгай. Гоёлын дээл, даашинзны эрин үе дэх түүний энэхүү шийдэл аргагүй ялгарч, багш нар нь “өвөрмөц дипломын ажил” хэмээн дуу нэгтэй хүлээн зөвшөөрсөн гэдэг. Тэр ч утгаараа донжлог хослол өдгөө ч сургуулийн фондод хадгалаастай.
Сургуулиа төгсмөгц УБИС-ийн дэргэдэх “Сонор” плаза төвийн хойно жижиг өрөө түрээслэн ганц оёдлын машинтай хувцас захиалгын төвийг ажиллуулах болжээ. Томдсон хувцсаа хасуулж, урагдсанаа нөхүүлэн, басхүү өөрт таалагдсан загвараар даашинз хийлгэх гээд захиалга тасрахгүй. Шөнө дунд хүртэл ажиллачихаад өглөө жаахан аажуухан ирэхэд үүдэнд нь үйлчлүүлэгчид нь хүлээгээстэй. Оюутнууд голдуу үйлчлүүлдэг болохоор үнийн хувьд харьцангуй хямд. Гэсэн ч үйлчилгээний чанар, үйлчлүүлэгчийн сэтгэл ханамжид чухалчлан анхаарна. Ийм маягтай нэг жил ажиллаад, машинаа хоёр болгож хүч нэмэв. Гэсэн ч хангалттай байсангүй. Дахин нэмж хоёр ажилтан, гурван машинтай боллоо. Хувцас засварын захиалганд дарагдаастай өдөр хоногууд өнгөрсөөр.... Нэг л мэдэхэдтаван жилийг үджээ. Энэ үеэр оёдлын үйлдвэрүүд татан буугдаж тусгай зориулалтын машинуудыг зах зээлийн үнээс хямд зарах сураг дуулдав. Ирээдүйгээ хэдийнэ зурагласан Б.Гантболор энэхүү боломжийг алдахыг хүссэнгүй, хэд хэдэн төрлийн машин авч, төд удалгүй Солонгос улсаас авчирсан төрөл бүрийн материалууд дээр тулгуурлан өөрийн нэрийн бүтээгдэхүүнийг үйлдвэрлэх болжээ. Үндэсний хувцсыг өдөр тутмын хэрэглээ болгож чадсан “G fashion”-ны даруухан түүх ингэж эхэлдэг.
Анхдагч амжилтанд хүрдэг
Баргийн оёдолчин барьж аваад байдаггүй гулгамтгай материалыг торготой хослуулан үндэсний хэв загварт өдөр тутмын хувцас үйлдвэрлэхээр шийдэн 2011 онд “Гант донж” ХХК-иа үүсгэн байгууллаа. Шинэ бүхэн бэрхшээлтэй тулгардаг. Өмсөхөд эвтэйхэн, эдэлгээ урттай хэмээн сонгосон суналттай материалаараа үндэсний загвартай хувцас урлах эхэндээ тийм амар байсангүй. Гэсэн ч шантралгүй олон янзаар туршсаар өнөөдөр үйлдвэрлэлдээ нэвтрүүлээд байгаа арга технологио олжээ. “G fashion” брэндийн анхны загвартай шуу буюу бидний нэрлэж заншсанаар хүннү зах, сүлжмэл бүс, толгойн гоёлтой цэвэр даавуун даашинзууд байсан агаад худалдаанд гарсан даруйд дорхноо дуусч, эрэлт ихтэй байжээ. Түүний дараа суналттай материалыг төрөл бүрийн торготой хослуулан үндэсний хэв шинжит даашинз, юбка, цамц, тэргүүтнийг урлан худалдаанд гаргасан нь мөн л хэрэглэгчдийн таашаалд нийцсэн байна.
“G fashion” загваруудын онцлог нь нэг нь нөгөөдөө зохицон хэд хэдэн янзаар өмсөх боломжтой. Материал дээрээ тулгуурлан загвараа гаргадаг дизайнерууд бүтээгдэхүүний хувирах чадварыг эртнээс тооцон уялдуулсаар ирсэн нь зах зээлд амжилт олох бас нэгэн үндэс нь болдог биз. Худалдаанд гарсан цагаас хойш хамгийн их эрэлттэй бүтээгдэхүүнээр тодроод байгаа 118.000 төгрөгийн үнэтэй монгол захтай цамц, торгон оруулгатай юбканы хослолыг гэхэд л төрийн ордны түүхийн музейгээс эхлээд хэд хэдэн байгууллагууд дүрэмт хувцсаа болгоод байгаа бол сүүлийн үед эдний хүрэмтэй хослол ид мода болж байна. Биеийн өөг сайтар далдлах гоёлд болоод өдөр тутам өмсөхөд тохиромжтой даашинз, /үндэсний загвартай/ ноолууран материал бүхий хүрэмний дэгжин хослол. Дээр дурдсанчлан хүрмийг нь дангаар нь ямар ч хувцсан дээр өмссөн тохиромжтой. Өнгөрсөн жил наадмаар тренд болж байсан өмдтэй хослол өнөө жил ч эрэлттэй хэвээр байгаа гэнэ. Бусдаас өөр байхыг эрмэлздэг бүсгүйчүүд шинэ жилийн гоёлын даашинзны оронд энэхүү хослолыг сонгож, хүлээж байсанчлан алмайруулж чадсан гэнэ лээ.
Аав хүү, ээж охидын гангараа
Даашинз, юбка зэргийг тухай л дурдаад байхаар “G fashion” бүсгүйчүүдэд зориулсан брэнд хэмээн ойлгогдож байна уу. Үгүй дээ гэр бүлийн бүх гишүүдэд зориулагдсан үндэсний брэнд. Аав, хүү ээж, охин хослуулан гоёж болно. Өрхийн тэргүүн, угсаа залгамжлах хөвгүүдэд зориулсан монгол захтай хос цамц, дээл, хүрэм, хантааз, элбэрэлт ээж, ихэмсэг охидод зориулсан хос даашинз, юбка өнгө загварын өргөн сонголттой худалдаалагдаж буй. Түүнчлэн иог, бодибилдинг, биеийн тамирын хослол зэрэг спортын төрөл бүрийн хувцас хэрэгтэй болсон бол “G fashion”-ы салбар дэлгүүрүүдийг зориорой хэмээн зөвлөх байна. Бас нэг баяртай мэдээ дуулгахад эднийх төрөл бүрийн үслэг эдлэл оролцуулсан тусгай загварын үндэсний хувцсыг зөвхөн танд зориулан урлахаар болсон гэсэн шүү. Та зөвхөн өөртөө зориулсан цорын ганц дээл, даашинзаар онцгойрохыг хүсвэл Гантболор болон түүний хамт олонд хандаарай.
Сар шинийн содон бэлэг
“G fashion”-ий хамгийн гол давуу тал ижил төрлийн бараа бүтээгдэхүүнээсээ харьцангуй хямд, /дотооддоо үйлдвэрлэсэн монгол загвартай хувцас / тэгсэн хэр нь эдэлгээ урттай. Долларын ханш хэдэнтээ нэмэгдэж, материалынх нь үнэ түүнийг даган өсөж байгаа хэдий ч “G fashion”-ы хамт олон зарим нэг бүтээгдэхүүнийхээ үнийг өнөөдрийг хүртэл хадгалсаар байна.
Жишээлбэл зургаан жилийн тэртээ 12000 төгрөгөөр худалдаалагдаж байсан цамц, 24000 төгрөгийн үнэтэй юбка, 35000 төгрөгийн үнэтэй ноосон даашинз гэх мэт хэрэглэгчдийн таашаалт бүтээгдэхүүнийхээ үнийг нэмэхгүй байгаа аж. Түүнчлэн сар шинийн баярт зориулан “G Fashion” брэндийн хайрцаг савлагааг бий болгожээ. Эрхэм уншигч та бүхэн хайртай дотны хүмүүстээ зориулан өдөр тутам өмсөх биед эвтэйхэн хувцсыг үзэмжит сав баглаа боодолтой нь хамгийн хямд үнээр авахыг хүсвэл 13-р хороолол “Торгоны зам” дэлгүүрийн нэг давхар, 3,4-р хороолол Сансар центрийн 2 давхар, Хүннү молл төвийн хоёрдугаар давхарm байрлах нэрийн барааны дэлгүүрт зочлоорой. Дашрамд сонирхуулахад өнгөрсөн жилийн сар шинийн баяраар эдний бараа ганц ширхгийн үлдэгдэлгүй дуусч, зорин ирсэн хэрэглэгчдийнхээ итгэлийг алдахгүйн тулд битүүний өдөр цөөн тоогоор үйлдвэрлэсэн гэсэн шүү. Тиймээс та сонголтоо хийсэн бол яараарай.
Хилийн чанад дахь Монголчуудын гангараа
Ганц оёдлын машинтай оюутнуудад үйлчилдэг умгархан өрөөнөөс ажлын гараагаа эхэлсэн “Гант донж” ХХК өдгөө 17 ажилчинтай, гурван салбар дэлгүүртэй болтлоо өргөжиж, бараа бүтээгдэхүүн нь зөвхөн дотоодын зах зээлд бус хөрш зэргэлдээ улсуудад ч /БНХАУ-ын Өвөр Монголын өөртөө засах орон болон ОХУ-ын Буриад улсад / эрэлт ихтэй байна.
Эх орноосоо хол хилийн чанадад ажиллаж амьдарч буй монголчууд эдний хувцсаар гангарах нь элбэг бөгөөд талархлын үгтэй зурвас, гэрэл зургийн хамт илгээх нь олонтаа. “Өдөр ирэх тусам ачаалал нэмэгдэж байгаа ч манай хувцсыг өмссөн хэрэглэгчдээ хараад ядарснаа мартчихдаг” юм хэмээн инээмсэглэн ярих Б.Гантболор түүний хамт олон 2013 онд болсон Монгол туургатны фестивальд оролцож Гран при шагналын эзэн болж байсныг дуулгахад таатай байна.

Б.Эрдэнэсүрэн

БОАЖЯ-ны хүрээлэн буй, орчин, байгалийн нөөцийн газрын дарга Д.Даваасамба нарын хүмүүсийг авилга авч байгаад үйлдэл дээрээ АТГ-ынханд баригдсан талаар бид өчигдөр мэдээлсэн билээ. Тэгвэл түүнтэй хамт мэргэжилтэн С.Баярхүү, Мөрдөн байцаах хэлтсийн дарга П.Бүжинжав нар хамт байсан бөгөөд тэднийг мөн цагдан хорьсон гэдгийг эх сурвалж мэдээлэв.

Нэлээд удаан дуншиж, хэл ам таталсан Цагдаагийн албаны тухай хуулийн шинэчилсэн найруулгыг өчигдөр чуулганы нэгдсэн хуралдаанаар батлав. Энэхүү хууль төрснөөрөө цагдаагийн цолыг өндөр шалгууртай олгохоор болж байгаа аж. Тухайлбал, цагдаагийн бага цол буюу ахлагч цолыг дөрвөн жил тогтвор суурьшилтай ажиллаж байж авна. Мөн шинэ томилогдсон цагдаа дэд ахлагч цолтой байна. Ингээд дөрвөн жил үр бүтээлтэй, тогтвор суурьшилтай ажиллаж байж ахлагч болтой болно. Дахиад дөрвөн жил үр бүтээлтэй ажиллавал ахлах ахлагч болох юм. Тэгвэл энэ мэт хуулийн онцлох заалтыг 24 баримтаар хүргэж байна.

1990-оны хувьсгалаар Монголчуудын олсон нэгэн ололт бол Чөлөөт ардчилсан сонгууль байв.
Хятад Коммунист нам нь төр барьдаг бөгөөд өмнөх удирдагчид нь залгамжлагчдаа томилдог тогтолцоотой. Тэнд чөлөөт сонгууль гэх ойлголт байдаггүй юм.
ОХУ-д ч гэсэн чөлөөт сонгууль байхгүй гэж хэлж болно.
2000-онд, Б.Ельцин өөрийн залгамжлагчаар Б.Путиныг томилсноор ОХУ-ыг чөлөөт сонгуульгүй улс болгох замыг сонгожээ.
Тиймээс барууны стандартад нийцэх чөлөөт сонгууль гэдэг юм Монгол улсаас 4000-10000км цаана л байдаг ажээ.
2008-07-01-нд, Монголчууд сонгуулиа хийж чадсангүй. Гол будилаан санал тоолох дээр гарчээ. Үүнээс болж иргэд олон нийт жагсаал цуглаан хийж, улмаар 20-иод хүн цагдаад буудуулж, 5 хүн нь үхсэн билээ.
Үүний дараах сонгуулиудад санал тоолох барууны стандартад нийцэсэн машиныг оруулж ирэн, саналыг үнэн зөв тоолдог болсон.
Гэвч Монголын сонгуулийн Чөлөөт ардчилчилсан, шударга байдал жилээс жилд алдагдаж байна.
Ойрын үед болсон сонгуулиудад гарсан Луйврын нэг бол Царцаа нисгэх технологийг хэлж болно. Мөн сонгогчид гарын хээгээ уншуулан саналын хуудас авч, бөглөн саналаа өгдөг гэх авч, нэг хүн олон хэсгийн хороонд очиж саналаа өгч байсан тохиолдол байсан.
Бас үлдэгдэл саналын хуудсуудыг бөглөн машинд олноор нь уншуулсан тохиолдолч гарч байжээ.
Миний хэлэх гэж байгаа санаа бол Монголд өрсөлдөгчгүй сонгууль болдог ОХУ-ын жишиг тогтох байх гэсэн санаа юм.
Жишээлбэл: МАХН-ын дарга Н.Энхбаярыг 2 ч удаагийн сонгуульд оруулсангүй.
2017-оны ерөнхийлөгчийн сонгуульд АН-аас нэр дэвшиж болохоор хүчтэй Лийдрүүдэд АТГ, ЦЕГ-ын зүгээс зохиомол хэрэг үүсгэн, нэр дэвших боломжгүй болгох гэсэн хар улс төр, хэлмэгдүүлэлт явагдах байхаа. Энд хэд хэдэн хүний нэрийг бичье.
Н.Алтанхуягийг Ерөнхийлөгчид нэр дэвших боломжгүй болгох гэсэн зорилгоор АТГ зохиомол хэрэг үүсгээд дуудаад эхлэсэн байна.
Мөн Женкод ч гэсэн АТГ- дээр хэрэгт зохион, дуудах сурагтай байна.
Бас Э.Батүүлийг хүн амины хэрэгт татна гэж айлгадаг ажээ.
Саяхан болсон АН-ын даргын сонгуульд, АТГ ба ЦЕГ-ыг удирдан улс төрийн сэдэлттэй баривчилгаа хийлгэдэг эзэд нь С.Эрдэнийг дэмжин мөнгө төгрөг тараалган зүтгүүлсээр луйвраар ялуулав.
Ер нь бол С.Эрдэнэд нийгмийн даатгалын хөрөнгийг хууль бусаар зарцуулсан асуудлууд байдаг. Үүнийг нь АТГ, ЦЕГ мэддэг ч ямар нэгэн асуудал үүсгэдэггүй юм.
Харин С.Эрдэнэ тэндий үгэнд орохоо боливол л асуудыг нь босгон ирж, АТГ ба ЦЕГ ашиглана.ккк
Хэд хоногийн өмнө М.Энхболд С.Эрдэнийг ялсанд баяр хүргэн Хадаг барин золгож байгаа харагдсан. ккк
Хамгийн гол нь С.Эрдэнэ энэ удаа М.Энхболдод зөөлөн хоол болохоор нэр төдий жижиг хүнийг АН-аас 2017-оны ерөнхийлөгчийн сонгуульд нэр дэвшүүлж, замыг нь засан туслах хүн нь юм шүү дээ. ккк
Энэ бүхний ард 2017-оны Ерөнхийлөгчийн сонгуульд МАН-аас М.ЭНХБОЛД нэр дэвшин бодитой өрсөлдөгчгүй ялах тактиктай байгаа бололтой юм. Иймэрхүү хар технологи нь шинэ юм биш л дээ (ОХУ-ын Б.Путин сүүлийн хэдэн сонгуулиудад дандаа тэгж ялж байлаа.)
Эцэст нь хэлэхэд: Монголын нам дамжсан Олигархиудын бүлэглэл нь АТГ, ЦЕГ, Прокурор, ТЕГ, ШҮҮХ, СЕХ, үндсэн хуулийн ЦЭЦ, зэрэгт үүсгэсэн сүлжээгээ ашиглан Монголчуудын чөлөөт сонгуулийн системийг үгүй хийж байгаа нь энэ ажээ.
Ойрын 6 сарын дотор Монголд болох улс төрийн бохир үйл ажилгааг зураглан үзүүлэхэд ийм байна.

УИХ-ын 2016 оны хаврын чуулган өнөөдөр хаалтаа хийнэ.



Өчигдөр УИХ-ын чуулганы нэгдсэн хуралдаанаар арван асуудал хэлэлцэн шийдвэрлэсэн. Харин өнөөдрийн хуралдаанаар Хөгжлийн банкны тухай, ”Эрдэнэт үйлдвэр” дэх ОХУ-ын эзэмшлийн 49 хувийг ”Монгол зэс” корпораци худалдаж авсан үйл ажиллагаанд хийсэн дүгнэлт зэрэг асуудлуудыг хэлэлцэх аж. Үдээс хойшхи хуралдаанаар УИХ-ын гишүүний асуулгын хариуг сонсох бөгөөд үүний дараа УИХ-ын дарга М.Энхболд үг хэлснээр чуулганыг албан ёсоор хаах юм.

10-13-нд ихэнх нутгаар цаг агаар тогтуун, өдөртөө хүйтний эрч суларна.

УИХ-ын намрын чуулганы нэгдсэн хуралдаан өнөөдөр хаалтаа хийнэ. Тэгвэл чуулган хаалтаа хийхийн өмнө өчигдрийн хуралдаанаараа дөрвөн шинэ хуулийг баталлаа. эдгээр хуулиудыг тоймлон хүргэж байна.

09.00 цагт Засгийн газрын ордонд Хууль зүйн байнгын хорооны хурлаар Эрдэнэтийн 49 хувийн асуудлыг хэлэлцэнэ.

УИХ-ын гишүүн Ж.Энхбаяр өөрийн твиттер хуудаснаа томоохон албан тушаалтан авлига авч байгаад баригдсан талаар нийтэлсэн нь өчигдрийн гол дуулиан байв. Тэрбээр “Нэгэн яамны газрын дарга нар ажлын байран дээрээ авлига авч байгаад АТГ-т баригдаж.

2017.2.10, БААСАН ГАРАГ / БИЛГИЙН ТООЛЛЫН: 15

ӨВЛИЙН АДАГ ЦАГААГЧИН ҮХЭР САР
ЗУРГААН ЦАГААН МЭНГЭТЭЙ ШАР ЛУУ ӨДӨР

Аргын тооллын: 2017.2.10, Баасан гараг
Наран ургах шингэх: 08.07-18.07
Үс засуулбал: Өлзийтэй сайн
Барилдлага: Идэр
Шүтэн барилдлага: Нэр өнгө
Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Баяр баясгалангийн хурим үйлдэх, шинэ гэр барих, хувцас өмсөх, чимэг зүүх, бүжиг наадам үүсгэх, үйл буруутгах, ламд золгох зэрэг цагаан зүгийн үйлэнд сайн. Баруун нүд татвал холын сураг сонсох, зүүн нь татвал эд олдох, баруун чих хангинавал ундаа олдох, зүүн чих хангинавал түлэгдэх, нохой уливал үхсэний сураг сонсох, хэрээ дуугарвал нөхөртэй учрах, тагнай загатнавал хувцас олдох, бие татвал эцэг, эхэд муу. Хөл татвал хэрүүл, тэмцэл гарах муу ёр болой. Өдрийн сайн цаг нь бар, луу, могой, бич, тахиа, гахай болой.

БАРУУН АЙМГУУДЫН НУТГААР: Солигдмол үүлтэй. Цас орохгүй. Салхи баруун өмнөөс секундэд 5-10 метр. Увс нуурын хотгор, Хүрэн бэлчир, Идэр, Тэс голын хөндийгөөр шөнөдөө 36-41 градус, өдөртөө 21-26 градус, Их нууруудын хотгор болон Монгол Алтайн нурууны өвөр хэсгээр шөнөдөө 22-27 градус, өдөртөө 9-14 градус, бусад нутгаар шөнөдөө 19-24 градус, өдөртөө 4-9 градус хүйтэн байна.

ТӨВИЙН АЙМГУУДЫН НУТГААР: Багавтар үүлтэй. Цас орохгүй. Салхи зүүн өмнөөс секундэд 5-10 метр. Дархадын хотгор, Ерөө голын хөндийгөөр шөнөдөө 31-36 градус, өдөртөө 20-25 градус, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж голын хөндийгөөр шөнөдөө 27-32 градус, өдөртөө 13-18 градус, Хангай, Хэнтийн уулархаг нутгаар шөнөдөө 21-26 градус, өдөртөө 8-13 градус, бусад нутгаар шөнөдөө 16-21 градус, өдөртөө 3-8 градус хүйтэн байна.



ЗҮҮН АЙМГУУДЫН НУТГААР: Багавтар үүлтэй. Цас орохгүй. Салхи хойноос секундэд 5-10 метр. Шөнөдөө Хэрлэн голын эхээр 28-33 градус, бусад нутгаар 23-28 градус, өдөртөө бүх нутгаар 11-16 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруун өмнөөс секундэд 6-11 метр. Шөнөдөө 29-31 градус, өдөртөө 11-13 градус хүйтэн байна.

ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи зүүнээс секундэд 6-11 метр. Өмнөговийн нутгаар шөнөдөө 15-20 градус, өдөртөө 1-6 градус, бусад нутгаар шөнөдөө 19-24 градус, өдөртөө 4-9 градус хүйтэн байна.

УЛААНБААТАР ХОТ: Багавтар үүлтэй. Цас орохгүй. Салхи зүүн өмнөөс 5-10 метр. Шөнөдөө Яармаг-Сонгины орчмоор 30-32 градус, бусад хэсгээр 22-24 градус, өдөртөө 8-10 градус хүйтэн байна.

Улсын Их Хурлын Төсвийн байнгын хорооны өнөөдрийн /2017.02.09/ хуралдаан 14 цаг 50 минутад гишүүдийн 52.6 хувийн ирцтэйгээр эхэллээ. Хуралдаанаар Монгол Улсын Засгийн газар болон Бүгд Найрамдах Энэтхэг Улсын “Экспорт-Импорт” банк хооронд байгуулах 1 тэрбум ам долларын Зээлийн ерөнхий хэлэлцээрийн төслийг хэлэлцсэн юм.



Зээлийн хэлэлцээрийн төслийг Гадаад харилцааны сайд Ц.Мөнх-Оргил танилцуулав.

Монгол Улсын Засгийн газар болон Бүгд Найрамдах Энэтхэг Улсын “Экспорт-Импорт” банк хоорондын зээлийн ерөнхий хэлэлцээрийг 2016 оны 04 дүгээр сарын 28-ны өдөр байгуулж, Зээлийн ерөнхий хэлэлцээр соёрхон батлах тухай хуулийн төслийг 2016 оны 05 дугаар сарын 31-ний өдөр Улсын Их Хуралд өргөн мэдүүлсэн байна. Энэхүү зээлийн хэлэлцээрийн нөхцөл нь зээлийн хүү жилийн 1.75 хувь, зээлийн хугацаа 20 жил, зээлийн үндсэн төлбөрөөс чөлөөлөгдөх хугацаа 5 жил байх аж.

Засгийн газрын 2016 оны 08 дугаар сарын 17-ны өдрийн хуралдааны шийдвэрийн дагуу зээлийн ерөнхий хэлэлцээрт төмөр зам барьж байгуулах болон холбогдох дэд бүтэц гэснийг аж үйлдвэр, төмөр зам, дэд бүтэц, хөдөө аж ахуй болон бусад салбарын хөгжлийн төслүүд болгож нэмэлт оруулахаар Энэтхэгийн талтай тохиролцоод байгаа юм байна.



Хэлэлцэж байгаа асуудалтай холбогдуулж Улсын Их Хурлын гишүүн Ж.Батзандан асуулт асууж, Улсын Их Хурлын гишүүн Б.Баттөмөр санал хэлж, байр сууриа илэрхийллээ. Үүний дараа Монгол Улсын Засгийн газар болон Бүгд Найрамдах Энэтхэг Улсын “Экспорт-Импорт” банк хооронд байгуулах 1 тэрбум ам долларын Зээлийн ерөнхий хэлэлцээрийн төслийг зөвшилцөхийг дэмжье гэсэн саналын томьёоллоор санал хураахад хуралдаанд оролцсон гишүүд 100 хувь дэмжив гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Засаг дарга бөгөөд Улаанбаатар хотын Захирагч С.Батболд архи, согтууруулах ундаа үйлдвэрлэгч 11 үйлдвэрийн тусгай зөвшөөрлийг хүчингүй болгох саналыг Хүнс, хөдөө аж ахуй, хөнгөн үйлдвэрийн сайдад хүргүүллээ.



Нийслэлийн Мэргэжлийн хяналтын газарт согтууруулах ундаа үйлдвэрлэх тусгай зөвшөөрөл бүхий 37 аж ахуйн нэгж бүртгэлтэй байдаг байна. Үүнээс 11 үйлдвэрийн тусгай зөвшөөрлийн эрхийг түдгэлзүүлжээ. Харин зөвшөөрлийн үйлчлэлийг түдгэлзүүлсэн хугацаанд зөрчлийг арилгах талаар тавьсан шаардлага биелүүлээгүй нэр бүхий 11 аж ахуйн нэгж, зөрчил гаргасан нь улсын ахлах байцаагчийн актаар тогтоогдож, үйл ажиллагааг нь түр зогсоосон “Мөнхжин Од” ХХК-ийн согтууруулах ундаа үйлдвэрлэх тусгай зөвшөөрлийг хүчингүй болгох санал хүргүүлж байна.

Архи, согтууруулах ундаа үйлдвэрлэх тусгай зөвшөөрөлийг Хүнс, хөдөө аж ахуй, хөнгөн үйлдвэрийн яам өгдөг. Тиймээс Нийслэлийн Засаг дарга бөгөөд Улаанбаатар хотын Захирагч дараах аж ахуй нэгжүүдийн эрхийг цуцлах санал хүргүүлсэн байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.



№





Аж ахуйн нэгжийн нэр

Эцсийн бүтээгдэхүүн



Бүтээгдэхүүний нэр

1.

“Их тэс гол” ХХК





Архи

Хабул,

Шаргалжуут.

2.

“Монгол инженер” ХХК



Архи

Хөх тэнгэр,

Одтой Чингис

3.

“Бенедакт” ХХК



Архи

Монголын хаан, Сүжигт

4.

“Аранзал трейд” ХХК

Архи

Сайхан

5.

“Цэлмэг туяа” ХХК



Дарс

Valencia, Sangria, Sun Martini, Elit, Golden Salut

6.

“Хүрд трейд” ХХ

Шар айраг

Монгол

7.

“Хорго цагаан” ХХК

Архи

Аяны дугараа

8.

“Энигмаа” ХХК

Архи



9.

“Хун лотус” ХХК

Шар айраг



10.

“Тэргүүн трейд” ХХК

Спирт



11.

“Бенедакт” ХХК

Дарс

Монголын хаан, Сүжигт

12.

“Мөнхжин од” ХХК

Архи

Мөнхжин Найрсаг

39

Нийслэлийн Засаг даргын сар шинийн баяртай холбогдуулан гаргасан захирамжийн хүрээнд нийслэлийн Тээврийн газраас “Нарантуул” худалдааны төвийн чиглэлд том оврын автобус явуулна. Тодруулбал, автозамын хөдөлгөөний ачааллыг бууруулах зорилгоор дугаарын хязгаарлалт хийгдэх өдрүүд буюу ирэх бямба, ням гаригт тодорхой суурьшлын цэгүүдээс “Нарантуул” худалдааны төв рүү их багтаамжийн автобус 10.00,12.30,15.00 цагт иргэдэд үйлчлэх юм.

№

Чиглэлийн нэр

Үйлчлэх цаг

Үйлчлэх ААНБ

1

Орбит-Нарантуул зах

10:00

12:30

15:00

Тэнүүн-Огоо ХХК

2

Нарангийн гол-Нарантуул зах

Зорчигч тээврийн нэгтгэл ОНӨААТҮГ

3

ХМК-Нарантуул зах

Сутайн буянт ХХК

4

Баянхошуу-Нарантуул зах

Зорчигч тээврийн нэгтгэл ОНӨААТҮГ

5

Нисэх-Нарантуул зах

Автотерминал трейд ХХК

6

Яармаг-Нарантуул зах

Эрдэмтранс ХХК

7

Дэнжийн 1000-Нарантуул зах

Монкара ХХК

8

Чингэлтэй-Нарантуул зах

Эрдэмтранс ХХК

9

Бэлх-Нарантуул зах

Зорчигч тээврийн нэгтгэл ОНӨААТҮГ

10

Шархад-Нарантуул зах

Тэнүүн-Огоо ХХК

11

Улаанхуаран-Нарантуул зах

БлюбусХХК

Дүн







Тайлбар: Дээрх 11 чиглэлд үйлчлэх их багтаамжийн автобусаар том хүн 1000, хүүхэд 200 төгрөгийн тарифаар үйлчлүүлнэ.



Нарантуул худалдааны төв рүү үйлчлэх нийтийн тээврийн замналын зураглал:



Мөн “Дэнжийн 1000”-ын автозамын хөдөлгөөнийг нэг чигийн хөдөлгөөнд оруулах арга хэмжээг авч байгаатай холбогдуулан “Дэнжийн 1000” чиглэлд хүрч үйлчилдэг нийтийн тээврийн 4 чиглэлийн хөдөлгөөнийг нэг чигт оруулан явуулах зохицуулалтыг хийнэ гэж нийслэлийн Тээврийн газраас мэдээллээ.

Цагдаагийн албаны тухай хуулийн шинэчилсэн найруулгыг батлав

Монгол Улсын Их Хурлын чуулганы өнөөдрийн /2017.02.09/ нэгдсэн хуралдаанаар Цагдаагийн албаны тухай хуулийн шинэчилсэн найруулгын төсөл болон холбогдох бусад хуулийн төслүүд эцсийн хэлэлцүүлгийг хийлээ. Хууль зүйн байнгын хорооны танилцуулгыг Улсын Их Хурлын гишүүн Ц.Нямдорж танилцуулав.



Танилцуулгатай холбогдуулан Улсын Их Хурлын гишүүн О.Баасанхүү, хуулийн төсөл дэх цагдаагийн цолны талаархи зохицуулалтуудын талаар тодруулсан юм. Харин хэлэлцэж буй хуулийн төсөлд “цолны цалин” хэмээн шинэ нэр томьёо хэрэглэсэн бөгөөд Хөдөлмөрийн тухай хуулийн цалин, урамшуулалтай холбоотой зохицуулалттай зөрчилдөж байгаа эсэхийг асуув. Цагдаагийн албан хаагчид хүнд нөхцөлд үүрэг гүйцэтгэдэг, эрсдэл өндөртэй байдаг учир Хөдөлмөрийн тухай хууль дахь цалингийн урамшуулал үндсэн цалингийн 40 хувиас хэтрүүлэхгүй байх зохицуулалтад хамааруулахгүй байх нь зөв. Тиймээс Цагдаагийн албаны тухай хуулийн шинэчилсэн найруулгын төсөлд энэ төрлийн зохицуулалтыг оруулсан болохыг Улсын Их Хурлын гишүүн Ц.Нямдорж хэллээ. Ийнхүү Улсын Их Хурлын гишүүд асуулт асууж дууссаны дараа Хууль зүйн байнгын хорооноос танилцуулсан зарчмын зөрүүтэй саналын томьёоллуудаар санал хураалт явуулсан бөгөөд гишүүд саналуудтай холбогдуулан асуулт асууж, байр сууриа илэрхийлэв. Ийнхүү Засгийн газраас өнгөрсөн оны арванхоёрдугаар сарын 22-ны өдөр өргөн мэдүүлсэн Цагдаагийн албаны тухай хуулийн төслийг батлах санал хураалт явуулахад гишүүд 93.9 хувийн саналаар дэмжин, баталсан юм. Мөн дагалдах хуулиудыг батлах санал хураалт явуулахад гишүүдийн олонхи дэмжив.

Чуулганы нэгдсэн хуралдаан Цагдаагийн албаны тухай хуулийг дагаж мөрдөх журмын тухай болон холбогдох бусад хуулийн төслийн анхны хэлэлцүүлгээр үргэлжиллээ. Төслийн талаархи Хууль зүйн байнгын хорооны санал, дүгнэлтийг Улсын Их Хурлын гишүүн Ц.Нямдорж танилцуулав. Дээрх төслөөр замын хөдөлгөөний зохицуулагч гүйцэтгэх ажилтны ажилласан хугацааг нэмж тооцох буюу нэг жилийг 1.3 жилээр тооцох, Тахарын албанд ажиллаж байсан албан хаагчдын цолтой холбоотой зохицуулалтыг тусгасан аж. Хууль зүйн байнгын хороо анхны хэлэлцүүлгийн үеэр тахарын албанд ажиллаж байгаад цагдаагийн албанд шилжсэн бол ажилласан хугацааг тооцохдоо офицер ахлагчтай дүйцүүлэн авч үзэх нь зүйтэй хэмээн үзсэн байна.



Байнгын хорооны санал, дүгнэлттэй холбогдуулан асуулт асуух гишүүд байсангүй. Ингэснээр байнгын хороогоор дэмжигдсэн зарчмын зөрүүтэй саналын гурван томьёолол тус бүрээр санал хураалт явуулсныг гишүүдийн олонх дэмжсэнээр хуулийн төслүүдийг эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүлэв.

Дотоодын цэргийн тухай хуулийн төслийг эцсийн хэлэлцүүлэгт шилжүүлэв

Мөн хуралдаанаар үргэлжлүүлэн 2016 оны арванхоёрдугаар сарын 22-ны өдөр Засгийн газраас өргөн мэдүүлсэн Дотоодын цэргийн тухай хуулийн төсөл болон холбогдох бусад хуулийн төслүүдийн анхны хэлэлцүүлгийг хийлээ. Хууль зүйн байнгын хорооны санал, дүгнэлтийг Улсын Их Хурлын гишүүн Ц.Нямдорж танилцуулсан. Байнгын хорооны хуралдаанаар ажлын хэсгээс бэлтгэн ирүүлсэн зарчмын зөрүүтэй саналын томьёоллуудыг хэлэлцэн шийдвэрлэсэн аж.

Байнгын хорооны санал, дүгнэлттэй холбогдуулан Улсын Их Хурлын гишүүн Л.Болд, О.Баасанхүү нар асуулт асууж тодруулсан юм. Байнгын хорооны ажлын хэсгийн ахлагч Ц.Нямдорж гишүүдийн асуултад өгсөн хариултдаа, дотоодын цэрэг бол 1922 оноос хойш үйл ажиллагаа явуулж байсан бөгөөд 1990 оноос хойш цагдаагийн байгууллагад шилжин улсын онц чухал обьектуудыг хамгаалах үүрэг хүлээн ажиллаж байсан. Дотоодын цэргийг татан буулгасан нь буруу байсныг өнгөрсөн хугацаанд бодит байдал дээр нотлогдсон бөгөөд үйл ажиллагааны хувьд хамгаалж буй тусгай обьектод нь халдлага үйлдвэл зэвсэг, тусгай хэрэгсэл хэрэглэх зохицуулалттай гэсэн хариултыг тэрээр өгсөн юм.

Дараа нь байнгын хорооноос уг хуулийн төслийн талаар гаргасан зарчмын зөрүүтэй 38 саналын томьёоллоор санал хурааж шийдвэрлэв. Мөн уг хуулийг дагалдаж зарим хуульд нэмэлт, өөрчлөлт оруулах төслүүдтэй холбогдуулан гаргасан зарчмын зөрүүтэй саналуудыг гишүүд дэмжлээ. Ингээд Дотоодын цэргийн тухай хуулийн төсөл болон холбогдох хуулийн төслүүдийг эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүлэв.

Засгийн газрын тусгай сангийн тухай хуульд нэмэлт, өөрчлөлт оруулах тухай хууль батлагдлаа

Чуулганы үдээс өмнөх нэгдсэн хуралдаанаар Засгийн газрын тусгай сангийн тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төслийн эцсийн хэлэлцүүлгийг хийж, энэ талаар Төрийн байгуулалтын байнгын хорооноос гаргасан санал, дүгнэлтийг сонсов.

Байнгын хороо эцсийн хэлэлцүүлгийг хийх үеэр төслүүдийг чуулганы нэгдсэн хуралдаанд хэлэлцүүлэх батлуулахыг гишүүдийн олонхи дэмжсэн байна. Хуулийн төсөл батлагдсанаар Засгийн газрын тусгай сангийн нэг төрөл болох Байгаль хамгаалах сангийн нэр Байгаль орчин, уур амьсгалын сан болж өөрчлөгдөх юм байна. Мөн олон улсын байгууллагын санхүүжилтээр Байгаль орчин, уур амьсгалын сангийн хөрөнгийн зохих хувийг бүрдүүлэх боломж бүрдэхийн сацуу ЖДҮ-ийг хөгжүүлэх сангийн хөрөнгөөс урт хугацааны хөнгөлөлттэй зээл олгохдоо ЖДҮ-ийн асуудал эрхэлсэн Засгийн газрын гишүүний баталсан журмын дагуу тухайн зээл олгогдох төслийг сонгон шалгаруулах эрх зүйн зохицуулалттай болохыг Улсын Их Хурлын гишүүн Б.Баттөмөр танилцуулсан юм.

Засгийн газрын тусгай сангийн тухай хуульд нэмэлт, өөрчлөлт оруулах тухай хуулийн төслийг бүхэлд нь батлах саналыг гишүүд 73.5 хувийн саналаар дэмжсэн бөгөөд холбогдох бусад хуулийн төслүүдийг батлах саналыг мөн дэмжлээ.



Зөвлөлдөх санал асуулгын тухай хуулийг батлав

Дараа нь Улсын Их Хурлын гишүүн Г.Занданшатар нарын 30 гишүүн 2016 оны арванхоёрдугаар сарын 26-ны өдөр өргөн мэдүүлсэн Зөвлөлдөх санал асуулгын тухай хуулийн төслийн эцсийн хэлэлцүүлгийг тус хийж, хуулийн төсөл болон тогтоолын төслийг бүхэлд нь батлах саналыг хуралдаанд оролцсон гишүүдийн олонх дэмжсэн юм. Хуулийн төсөл батлагдсанаар Монгол Улсын Үндсэн хуулийн Гуравдугаар зүйлд заасан төрийн үйл хэрэгт оролцох иргэдийн эрхийг хангах эрх зүйн шинэ зохицуулалт бий болж, зөвлөлдөх ардчиллыг олон улсын туршлагын дагуу хөгжүүлэх нэг чухал алхам болох юм. Мөн иргэдийн улс төрийн эрхээ хэрэгжүүлэх, механизм тодорхой болж, иргэдийн нийгмийн идэвхийг сайжруулж, улс, орон нутгийн асуудлыг шийдвэрлэхэд оролцох оролцоог дэмжих ажээ. Хууль тогтоох, гүйцэтгэх болон нутгийн өөрөө удирдах байгууллагын үйл ажиллагаа нь хууль зүйн хүлээн зөвшөөрөгдсөн байдлыг хангахад чухал түлхэц үзүүлэх юм байна.

Улсын Их Хурал дахь МАН-ын бүлэг завсарлага авлаа

Нэгдсэн хуралдаанаар хэлэлцсэн дараагийн асуудал бол Улсын Их Хурлын гишүүн Б.Жавхлан нарын 19 гишүүн 2016 оны арванхоёрдугаар сарын 22-ны өргөн мэдүүлсэн Монгол Улсын Хөгжлийн банкны тухай хуулийн шинэчилсэн найруулгын төслийн эцсийн хэлэлцүүлэг байсан бөгөөд энэ талаар Эдийн засгийн байнгын хорооноос гаргасан санал, дүгнэлтийг сонсов. Байнгын хороо, нэгдсэн хуралдааны анхны хэлэлцүүлгийн үеэр олонхийн дэмжлэг авсан зарчмын зөрүүтэй саналуудыг төсөлд тусган, эцсийн хувилбарыг боловсруулжээ.

Байнгын хорооны санал, дүгнэлттэй холбогдуулан асуулт асуусан Улсын Их Хурлын гишүүн Ч.Хүрэлбаатар, Ц.Даваасүрэн, Д.Тэрбишдагва нар асуулт асууж тодруулсан юм. Үргэлжлүүлэн хуулийн төслийн эцсийн хэлэлцүүлэгтэй холбогдуулан гишүүд Олон улсын валютын сантай хэлэлцээ хийж байгаа энэ өдрүүдэд энэ хуулийг батлах нь зөв эсэхийг тодруулах, төсөлтэй холбоотой саналын талаар Олон улсын валютын сангаас санал авсан эсэхийг хэлэлцэн, хэлэлцүүлгийг хойшлуулах Улсын Их Хурлын гишүүн Ч.Хүрэлбаатарын горимын саналаар санал хураалт явуулахад олонхийн дэмжлэг авсангүй. Харин Улсын Их Хурлын гишүүн Д.Хаянхярваа, Олон улсын валютын сангийнхантай уулзаж, хуулийн төсөлтэй холбоотой саналуудыг авч, тусгах боломжийг судлах шаардлагын үүднээс Улсын Их Хурал дахь МАН-ын бүлэг нэг хоногийн завсарлага авч буйг мэдэгдэв.



Улсын Их Хурлын тогтоолын төслийг баталлаа

Чуулганы нэгдсэн хуралдаанаар дараа нь “Хэнтий Хан уулын нэрийг Бурхан Халдун уул гэж өөрчлөх тухай” Улсын Их Хурлын тогтоолын төслийн эцсийн хэлэлцүүлгийг хийж, энэ талаар Байгаль орчин, хүнс хөдөө аж ахуйн байнгын хорооны танилцуулгыг сонсов. Тогтоолын төслийн агуулга, бодлого, зарчим алдагдуулахгүйгээр тогтоолын төслийн нэрийг өөрчлөн, үүнтэй холбоотойгоор техникийн болон найруулгын шинжтэй өөрчлөлтийг хийж эцсийн хувилбарыг бэлтгэсэн байна. Танилцуулгатай холбогдуулан Улсын Их Хурлын гишүүд асуулт асуун, байр сууриа илэрхийлсний дараа Байнгын хорооны саналаар “Хэнтий Хан уулын нэрийг Бурхан Халдун уул гэж өөрчлөх тухай” Улсын Их Хурлын тогтоолын төслийг батлах санал хураалгахад чуулганы нэгдсэн хуралдаанд оролцсон 50 гишүүний 66 хувь нь дэмжлээ. Мөн энэ чуулганы нэгдсэн хуралдаанаар зарим хуулийн эцсийн найруулгыг сонссон юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

Сүүлийн өдрүүдэд иргэд, олон нийтийн дунд Жи-Тайм гэх сүлжээний бизнестэй холбоотой шуугиан дэгдэж, энэ асуудалд Монгол Улсын Ерөнхий сайд Ж.Эрдэнэбатын нэрийг холбогдуулсан хэрэг явдал ч гарлаа.

Монгол Улсын нутаг дэвсгэрт эрхлэхийг хориглосон “олон шатлалт маркетинг буюу пирамид тогтолцооны замаар хууран мэхэлж ашиг хонжоо олох үйл ажиллагаа” нь хэдийгээр Санхүүгийн зохицуулах хорооны хууль, тогтоомжоор хүлээсэн үүрэг, эрхлэх асуудал болон зөвшөөрөл, тусгай зөвшөөрөл, бүртгэл, хяналтын хэрэгслүүд ашиглан явуулж буй зохицуулалтад хамаарахгүй боловч иргэд олноороо хохирч болзошгүй нөхцөл үүсээд байгаад түгшин, Казакстан Улсын “G-Time” корпорацийн Монгол дахь салбар гэх “G-Time корпорейшн” ХХК-ийн ажилтай танилцлаа.

Оюуны өмч, улсын бүртгэлийн ерөнхий газарт “Гадаад худалдаа”-ны чиглэлээр үйл ажиллагаа явуулахаар бүртгүүлсэн тус компани Казахстаны Шунгит ордын чулуун бүтээгдэхүүн болон цаг борлуулдаг гэх боловч газар дээр нь очиж үзэхэд энэхүү үйл ажиллагаагаа үндсэндээ хийхгүй байгаа нь илэрхий байв. Түүгээр үл барам, бараа худалдаалахгүйгээр багаар ажиллаж, доороо олон гишүүн элсүүлэх тусам өндөр амжилтанд хүрнэ гэх мэт тайлбар, таниулга хийн иргэдийг илт төөрөгдүүлж байна.

Тус компаниас явуулж, хэвлэл мэдээллийн хэрэгслээр сурталчилж байгаа “Автомашины хөтөлбөр” нь иргэдийг 5000 ам.доллараар шатлан элсүүлж, долоон хүний мөнгийг цуглуулан, түүнээсээ нэг хүнд машин авч өгөөд бусдыг нь хохироож буй “хууран мэхэлж ашиг хонжоо олох” хуулиар хориглосон үйлдэлтэй шинж, чанарын хувьд төстэй байна. Удахгүй тус компани яг энэ олон шатлалт маркетинг буюу пирамид тогтолцооны аргаараа “Орон сууцны хөтөлбөр” гээчийг явуулна гэж байгаа нь иргэдийн амин чухал хэрэгцээн дээр луйвар хийх, хүмүүсийг улам их хэмжээгээр хохироход хүргэх ноцтой санаархал юм.

Тиймээс “G-Time корпорейшн” ХХК-ийн болон бусад сүлжээний бизнес гэх хууль бус, нийгэмд аюултай, залилан луйвардах гэмт хэргийн шинжтэй аливаа үйл ажиллагаанд оролцохгүй байх, өмч хөрөнгө, мөнгө төгрөгөөрөө хохирохоос сэргийлж, сонор сэрэмжтэй байхыг нийт ард иргэдэд анхааруулж байна.

Дарга нэртэй сэтэр зүүнгүүтээ амьдралаас хол тасарч, ард иргэдээсээ нүүр буруулдгийн жишээг Сүхбаатар аймгийн ИТХ-ын дарга Б.Гансүхийн “үзэглэсэн” албан бичиг тодхон харуулав.

ХДХВ,ДОХ-ЫН ТӨСӨЛ 2021 ОН ХҮРТЭЛ ҮРГЭЛЖИЛНЭ
Манай улс ДОХ,Сүрьеэ, Хумхаа өвчитэй тэмцэх Глобаль сангаас 2003 оноос хойш ДОХ, Сүрьеэ, эрүүл мэндийн тогтолцоох бэхжүүлэх чиглэлээр 57.9 сая долларын төсөл хэрэгжүүлсэнээс 21,5 сая долларыг ХДХВ,ДОХ-оос сэргийлэх үндэсний арга хэмжээнд зарцуулсан байна. Глобал сангийн буцалтгүй тусламж хэлбэрээр олгогддог энэхүү санхүүжилт нь манай улсын хувьд олон улсын хэмжээнд дэвшүүлсэн зорилтоо биелүүлэх, Үндэсний хэмжээний бодлого, төлөвлөгөөний хэрэгжилтийг хангахад чухал үүрэг гүйцэтгэсээр ирсэн юм. Өнөөдөр Глобаль сангийн дэмжлэгтэй ХДХВ,ДОХ-ын үргэлжилэх шатны төсөл боловсруулах, Халдварт өвчинөөс сэргийлэх, хянах үндэсний хөтөлбөр /2017-2021/ хэлэлцэх хамтрагч талуудын зөвлөлдөх уулзалт боллоо. Энэ арга хэмжээнд Эрүүл мэндийн Дэд сайд Л.Бямбасүрэн оролцож үг хэллээ.

Тэрээр үндэсний хэмжээнд авч хэрэгжүүлж буй арга хэмээнд зарцуулж нийт хөрөнгийн 70 хувийг Глобаль сангийн сангийн санхүүжилт эзэлдэг. Санхүүжилтийн хүрээнд ХДХВ-ийн халдвараас сэргийлэхэд чиглэсэн арга хэмжээг эрүүл мэндийн болон бусад салбар, иргэний нийгмийн байгууллагуудын оролцоотойгоор цогц байдлаар хэрэгжүүлсэнээр нийт хүн амын дундах ХДХВ-ийн халдварын тархалтыг бага түвшинд тогтоож барьж чадсан гэж үзэж байгаагаа онцолсон юм.
Одоогийн хэрэгжүүлж буй төслийн санхүүжилтийг ялангуяа хүн амын тодорхой бүлгийхэний дундах урьдчилан сэргийлэх хөтөлбөрийг өргөжүүлэх, бүхий л шатлалын тусламж үйлчилгээний чанар, хүртээмжийг сайжруулах, хөтөлбөрийн хяналт-шинжилгээний тогтолцоог бэхжүүлэх чиглэлээр зарцуулж байгаа юм байна