-
2017 оны 11 сарын 10
Нийслэлийн Мэргэжлийн хяналтын газрын Хүнсний аюулгүй байдал, хөдөө аж ахуйн хяналтын хэлтсийн байцаагчид Касс таун ХХК-ийн агуулахад хяналт шалгалт хийжээ.
-
2017 оны 11 сарын 10
Дэлхийн чанарын өдрийг жил бүрийн 11 дүгээр сард дэлхий нийтээрээ тэмдэглэдэг уламжлалтай бөгөөд манай улс Дэлхийн чанарын өдөр –Үндэсний чанарын 7 хоногийг 15 дахь жилдээ тэмдэглэж байна. Энэхүү арга хэмжээний хүрээ өргөжиж 2015 оноос “Үндэсний чанарын чуулган” нэртэйгээр зохион байгууллагддаг болсон ба Стандарт, хэмжил зүйн газар, Монголын үндэсний худалдаа аж үйлдвэрийн танхим хамтран амжилттай зохион байгууллаа.
Бүтээгдэхүүн, үйлчилгээний чанарыг нэмэгдүүлэх, энэ чиглэлээр үйл ажиллагааг идэвхжүүлэх, чанарын асуудалд бүх нийтийн анхаарлыг хандуулахад энэ өдрийн зорилго оршдог.
Дэлхийн олон улс оронд энэ өдрийг тодорхой уриан дор тэмдэглэдэг бөгөөд энэ жил “Өдөр бүр манлайллыг дэмжье” уриаг гаргаж байгаа нь бүхий л шатны чанарын мэргэжилтнүүд зорилгоо тодорхой тогтоох, оролцогч талуудад төвлөрөх, зөв зүйл хийх, үр дүнг бодитоор үнэлж дүгнэх, үйл ажиллагааг тасралтгүй сайжруулах тэмүүлэлтэй байх зэргээр өдөр бүр манлайллыг үлгэрлэн харуулдаг байхыг чухалчилжээ.
Манай улсын хувьд үндэсний хэмжээнд цэвэр үйлдвэрлэлийг хөгжүүлж бүтээгдэхүүн, ажил, үйлчилгээний чанар, өрсөлдөх чадварыг дээшлүүлэх, экспортын чадавхийг нэмэгдүүлэх, чанарын удирдлагын /ISO9000/ болон байгаль орчны удирдлагын /ISO14000/ тогтолцоог нэвтрүүлэх ажлыг эрчимжүүлэх зорилгоор Монгол Улсын засгийн газрын 146 тоот тогтоолоор “Чанарын болон байгаль орчны удирдлага/менежмент/”-ыг дэмжих үндэсний хөтөлбөрийг 2002 оны 7 дугаар сард баталсанаар Дэлхийн чанарын өдөр, Үндэсний чанарын долоо хоног-ийг тэмдэглэж сургалт, семинар, дугуй ширээний ярилцлага, хэлэлцүүлэг, онол практикийн бага хурал зэрэг арга хэмжээг зохион байгуулдаг уламжлалтай.
Энэ жилийн “Үндэсний чанарын чуулган”-д нийт 200 гаруй төрийн болон төрийн бус байгууллагын төлөөлөл оролцсон бөгөөд “Худалдааг хөнгөвчлөх арга хэрэгсэл”, “Үндэсний чанарын хөтөлбөрийг хэрэгжүүлэхд УБИС-ын оруулах хувь нэмэр, “Экспорт ба чанар”, “Чанар ба манлайлал”, “Чанарын менежментийн тогтолцоог хадгалах, сайжруулах”, “Нийгэм, эдийн засгийн хөгжилд үндэсний баталгаажуулалтын байгууллагын оролцоо” зэрэг сэдвээр илтгэл мэдээлэл, “Чанартай байгууллага ба чанарын менежерийн үүрэг оролцоо” сэдвээр хэлэлцүүлэг болж өнгөрлөө.
Түүнчлэн хэрэглэгчдийг чанартай бүтээгдэхүүн, үйлчилгээгээр хангах, үндэсний үйлдвэрийн өрсөлдөх чадварыг сайжруулах, экспортыг нэмэгдүүлэх, импортыг орлосон компаниудыг чанарын дээд шагналаар шагнах зорилгоор “Үндэсний чанарын шагнал”-ыг 3 дахь жилдээ олгосон юм. Ингээд шилдэг байгууллагаар “Витафит” ХХК, шилдэг бүтээгдэхүүнээр “Агь” ХХК-ын “Лапша” гоймон, шилдэг үйлчилгээгээр “Нью жуулчин тур” ХХК тус тус шалгарч ”Үндэсний чанарын шагнал”-ыг гардан авсан юм.
-
2017 оны 11 сарын 10
Нийслэлийн Эрүүл мэндийн газрын харьяа байгууллагуудын удирдах ажилтны ээлжит шуурхай хурал өнөөдөр боллоо. Энэхүү хурлаар дамжуулан НЭМГ-аас томуу, томуу төст өвчний үед авч хэрэгжүүлэх арга хэмжээ, бэлэн байдлын талаар цаг үеийн мэдээлэл хүргэж, “Дархлаажуулалтын 10 хоног”-ийн хүрээнд зохион байгуулсан ажил болон үйл ажиллагааны дэмжлэгт хяналтын явцын тухай тайлагналаа.
Улирлын томуугийн эсрэг вакцинаар 1353 жирэмсэн эмэгтэй, 51 цэцэрлэгийн 18630 хүүхэд, цэцэрлэгийн 923 багш, өндөр настай 3503 хүн, алслагдсан дүүргийн архаг хууч өвчтэй, эмзэг бүлгийн хүүхэд зэрэг 439 хүнийг сайн дурын дархлаажуулалтанд хамруулсан байна.
Энэ сарын 6-ны өдрийн байдлаар нийслэлийн хэмжээнд амбулаторийн 86173 үзлэг хийгдсэнээс томуу, томуу төст өвчтэй 3100 тохиолдол оношлогджээ. Энэ нь нийт үзлэгийн 3.6 хувийг эзэлж байгаа нь өнгөрсөн долоо хоногийн дунджаас 0.5 хувиар нэмэгдсэн байна.
Нийт өвчлөгсдийн 86.10 хувийг 0-9 насны хүүхдүүд эзэлж байгаа юм. Хүүхдийн түргэн тусламжийн 944 дуудлага ирснээс 33.1 хувь нь томуу, томуу төст өвчний тусламж, үйлчилгээг авчээ. Тандалтын мэдээллээр томуу, томуу төст өвчин Багануур дүүрэгт 6.2 хувийг эзэлж байгаа нь хамгийн өндөр байна.
Нийслэлийн эмнэлгүүдийн хувьд, нийт батлагдсан 1969 орон дээр 1923 хүн хэвтэн эмчлүүлж буй бөгөөд орны ачаалал хэтрээгүй байна. Шинээр хэвтсэн өвчтөний 82 буюу 25.7 хувь нь томуу, томуу төст өвчтэй өвчтөнүүд эзэлжээ.
Шуурхай хурлын үеэр Нийслэлийн цагдаагийн газрын дэд дарга, НЭМГ-ын орлогч даргын хамтарсан удирдамжийн дагуу “Гэр бүлийн хүчирхийлэлтэй тэмцэх тухай хууль”, “Хүүхдийн эрхийн тухай хууль”, “Хүүхэд хамгаалах тухай хууль”, Засгийн газрын “Амьдралын буруу хэвшлээс үүдэлтэй өвчнөөс сэргийлэх үндэсний II хөтөлбөр”-ийг хэрэгжүүлэх ажлын хүрээнд гэр бүлийн хүчирхийллийн улмаас үйлдэгдэж буй гэмт хэрэг, зөрчилтэй тэмцэх, түүнээс урьдчилан сэргийлэх ажлыг эрчимжүүлэх, олон нийтэд сурталчлан таниулах хамтарсан багийн нийт 250 гишүүдийг чадавхижуулах сургалт зохион байгуулсан талаар НЭМГ-ын Нийгмийн эрүүл мэндийн хэлтсийн дарга О.Энхзаяа танилцуулсан юм.
Хурлын төгсгөлд нийслэлийн Эрүүл мэндийн газрын дарга Л.Төмөрбаатар томуу, томуу төст өвчнөөс урьдчилан сэргийлэх сургалт сурталчилгааны ажлаа эрчимжүүлж, эмнэлгийн тусламж, үйлчилгээгээ сайжруулахын сацуу эмч ажиллагсдын хуваарилалтыг тодорхой чиглэлээр зохицуулж, бэлэн байдалд ажиллахыг эмнэлгийн удирдлагуудад даалгалаа гэж нийслэлийн Эрүүл мэндийн газраас мэдээллээ.
-
2017 оны 11 сарын 10
БОАЖ-ын сайд Н.Цэрэнбат Европын сэргээн босголт, хөгжлийн банкны Монгол дахь суурин төлөөлөгч Ирина Кравченког хүлээн авч уулзлаа. Уулзалтад Европын сэргээн босголт, хөгжлийн банкны Монгол дахь суурин төлөөлөгч Ирина Кравченкогоос гадна Төв Ази, ОХУ болон Монгол Улсын дэд бүтцийн асуудал эрхэлсэн Дэд дарга Светлана Радченко, Монгол Улсад дэд бүтцийн асуудал эрхэлсэн шинжээч А.Үржинбадам нар оролцсон юм. Харин манай талаас БОАЖ-ын сайд Н.Цэрэнбат, БОАЖЯ-ны Төрийн захиргааны удирдлагын газрын дарга Х.Батжаргал, Аялал жуулчлалын бодлого зохицуулалтын газрын дарга С.Бат-Эрдэнэ, УАӨГХАГ-ын ахлах мэргэжилтэн Д.Ариунтуяа нар оролцлоо.
Уулзалтын эхэнд БОАЖ-ын сайд Н.Цэрэнбат сэргээгдэх эрчим хүчний чиглэлээр үйл ажиллагаа эрхэлж буй аж ахуйн нэгжүүдийг дэмжихэд ихээхэн хэмжээний хөрөнгө оруулалт хийж байгаад талархал илэрхийлсэн юм. Түүний дараа ЕСБХБ-ны хөрөнгө оруулалтыг аялал жуулчлалын салбарын дэд бүтцийг хөгжүүлэхэд чиглүүлэх боломжийн талаар санал солилцлоо. Тэрбээр “Одоогийн байдлаар манай улсын аялал жуулчлалын салбар хувийн хэвшлийнхний боломжид тулгуурлан хөгжиж байна. Энэ салбарын хөрөнгө оруулалт уул уурхай зэрэг зарим салбарыг бодвол харьцангуй бага. Аялал жуулчлал бол Ази Номхон далайн бүсийн эдийн засагт нөлөөтэй салбар болон хөгжсөөр байгаа. Түүнээс гадна аялал жуулчлал нь нарийн мэргэжил төдийлөн шаарддаггүй учраас ажлын байр олноор бий болгож, ажилгүйдлийг бууруулах маш том ач холбогдолтой салбар гэж харж байна. Миний хувьд энэ салбарыг хариуцсан сайд болохдоо богино хугацаанд 1 сая жуулчин татаж, аялал жуулчлалын орлогыг 1 тэрбум ам.долларт хүргэнэ гэж амласан. Газарзүйн байрлал болоод бусад зүйлээ харахад энэ бол мөрөөдлийн тоо биш. 3 чиглэлд үйл ажиллагаа, хэм хэмжээг сайжруулна гэсэн төлөвлөгөөтэй ажиллана. Нэгдүгээрт, үйлчилгээний стандартыг Монголын өнцөг булан бүрт нэг ижил болгоно. Хоёрдугаарт, тээврийн аюулгүй байдлыг сахин хамгаална, мөн гуравдугаарт, зочид буудал, кэмпүүдийн үйлчилгээг сайжруулна. Түүнээс гадна агаарын тээврийн салбарт үйлчилгээ явуулдаг компаниудад дэмжлэг үзүүлэн ажиллахаар төлөвлөсөн. Монгол Улсын Засгийн газрын 2020 он хүртэлх төлөвлөгөөнд бүс нутгуудад аялал жуулчлалын томоохон төсөл хөтөлбөр, бүтээн байгуулалт хийхээр тусгагдсан. Тийм учраас Засгийн газрын гишүүн, БОАЖ-ын сайдын хувьд бүхий л чадлаа дайчлан ажиллана. Гол нь аялал жуулчлалын салбар маань одоогийн байдлаар өөрөө өөрийгөө санхүүжүүлээд явах боломжгүй байгаа. Тиймээс урт хугацаатай гадаадын санхүүжилт хэрэгтэй байгаа юм. Та бүхнийг хамтарч ажиллана гэдэгт итгэлтэй байна” гэсэн юм.
Үүний дараа Европын сэргээн босголт, хөгжлийн банкны Монгол дахь суурин төлөөлөгч Ирина Кравченко БОАЖ-ын сайд Н.Цэрэнбатад хандан энэ салбарт хэрэгжүүлэх гэж байгаа төлөвлөгөөгөө дэлгэрэнгүй танилцуулсанд талархал илэрхийлээд өөрийн байр сууриа хэлсэн юм. Тэрбээр “Манай байгууллага өмнө нь хувийн хэвшлийнхэнтэй хамтран ажиллаж байсан. Үүнтэй адилаар төрийн байгууллагатай хамтран ажиллахад бэлэн байна. Ийм боломж бүрэн дүүрэн бий. Боломжтой чиглэлүүдэд хамтарч ажиллаж болно. Гол нь бүх төслүүд дээр байгаль орчны өндөр шаардлагыг манай байгууллага тавьдаг. Монгол Улсын Засгийн газартай дэд бүтцийн чиглэлд хамтран төсөл хэрэгжүүлэх гэж байгаа. Ажлын хэсэгт нь танай яамнаас орсон. Мөн хотын дэд бүтцийг сайжруулах чиглэлд хамтарч байгаа. Энэ нь эргээд жуулчдыг тодорхой хэмжээнд татах ач холбогдолтой. Байгаль орчин, аялал жуулчлал хоёрыг салгаж болохгүй. Түүнээс гадна агаарын бохирдлын асуудлаас болж өвлийн жуулчлалыг алдаж байна. Тийм учраас энэ чиглэлд ажиллах шаардлагатай. Дахин уулзахдаа бид ямар төсөл хөтөлбөр хэрэгжүүлэх, ямар чиглэлд хөрөнгө оруулалт хийх вэ гэдгээ хамтран нарийн, дэлгэрэнгүй ярилцах хэрэгтэй” гэсэн юм.
Ингэснээр уулзалтын үр дүнд БОАЖЯ болон Европын сэргээн босголт, хөгжлийн банк хоорондын хамтын ажиллагаа улам өргөжиж байгаа төдийгүй цаашид байгаль орчинд ээлтэй аялал жуулчлалын хөгжүүлэх, дэд бүтцийг сайжруулах чиглэлд нэлээд олон ажлыг хийх суурь тавигдаж байна.
Дашрамд дурдахад, өнгөрсөн хугацаанд ЕСБХБ нь Монголын эдийн засагт 1.5 тэрбум ам.долларын цэвэр хуримтлагдсан хөрөнгө оруулалт хийсэн ба эрчим хүч, үйлдвэрлэл, үйлчилгээ, хөдөө аж ахуй, дэд бүтэц, санхүүгийн салбарт үйл ажиллагаа эрхэлдэг хувийн аж ахжйн нэгж байгууллагатай 92 гүйлгээ хийжээ.
-
2017 оны 11 сарын 10
ТЕГ-ын дарга асан Б.Хурц Хууль зүй, дотоод хэргийн сайд Ц.Нямдоржийн талаар нэлээд ноцтой мэдээлэл хийсэн билээ. С.Зоригийн хэргийг шалгах ажлын хэсгийнхныг Ц.Нямдорж
-
2017 оны 11 сарын 10
Энэ жил улсын хэмжээнд нийт 160.9 мянган малчин өрхөд 66.6 сая мал өвөлжих дүнтэй байна. Мал
-
2017 оны 11 сарын 10
Баянзүрх дүүргийн 5 дугаар хороонд байрлах 204 дүгээр байрны гадна фасад хийж байсан хүмүүсээс дөрвөн иргэн харамсалтайгаар амиа алдсан хэрэг үдээс хойш гарчээ.
-
2017 оны 11 сарын 10
Сурагчдад дэлхийн математик боловсролын түвшин, чиг хандлагыг мэдрүүлэх, математикийн хичээлийн
-
2017 оны 11 сарын 10
Дүрэм зөрчснийх нь төлөө шаардлага тавьсан замын цагдаа руу салаавч гаргаж, гудамжинд танхайрсан
-
2017 оны 11 сарын 10
Онцгой байдлын албаны гурван үеийн чуулга уулзалт өнөөдөр Нийслэлийн иргэдийг гамшгаас
-
2017 оны 11 сарын 10
Монголын Боловсрол, Шинжлэх Ухааны Үйлдвэрчний Эвлэлийн Холбооноос өнөөдөр мэдээлэл хийж,
-
2017 оны 11 сарын 10
Улсын Дээд шүүхийн хяналтын шатны эрүүгийн хэргийн шүүх хуралдаанаар Д.Буяннэмэхэд холбогдох эрүүгийн хэргийг хохирогчийн хууль ёсны төлөөлөгч болон түүний өмгөөлөгчийн гаргасан гомдлын дагуу 2017 оны 11 дүгээр сарын 10-ны өдөр хянан хэлэлцлээ.
-
2017 оны 11 сарын 10
Нийслэлийн Засаг даргын Тамгын газар, нийслэлийн Жижиг дунд үйлдвэрийг дэмжих төв НӨҮГ хамтран зохион байгуулж буй “Улаанбаатарт үйлдвэрлэв-2017” үзэсгэлэн худалдааны нээлт өнөөдөр боллоо.
-
2017 оны 11 сарын 10
Дорноговь аймгийн Замын-Үүдээс энэ сарын хоёрны өдөр алга болсон Д.Сэржмядаг охиныг эрэн
-
2017 оны 11 сарын 10
Байгаль орчин, аялал жуулчлалын сайд Н.Цэрэнбат Дэлхийн банкны Монгол дахь суурин төлөөлөгч, ноён Жэймс Андерсоныг хүлээн авч уулзлаа. Уулзалтын эхэнд, ноён Жэймс Андерсон БОАЖ–ын сайд Н.Цэрэнбатад ажлын амжилт хүсээд, Дэлхийн банк болон Монгол Улсын Засгийн газрын цаашдын хамтын ажиллагааны талаар санал солилцсон. Мөн Дэлхийн банкнаас хэрэгжүүлж буй Уул уурхайн дэд бүтцийн хөрөнгө оруулалтыг дэмжих (MINIS) төслийн үйл ажиллагаа явцын талаар мэдээлэл өглөө. Харин БОАЖ–ын сайд Н.Цэрэнбат өнгөрсөн хугацаанд Дэлхийн банкнаас Монгол Улсын нийгэм, эдийн засгийн асуудлуудыг шийдвэрлэхэд олон төрлийн туслалцаа үзүүлж ирснийг онцлон тэмдэглэсэн. Тухайлбал, Монгол Улсын эдийн засгийн голлох салбар уул уурхайг шинэ шатанд гаргахаар хэрэгжүүлж буй MINIS-ийн үйл ажиллагааг 20 сараар сунгахаар болсонд талархал илэрхийлээд, тус төслийн гуравдугаар бүрэлдэхүүн хэсэг болох “Гүний усны менежментийг бэхжүүлэх” нь байгаль орчинд чухал ач холбогдолтой тул БОАЖЯ–ны үүрэг оролцоог сангийн болон уул уурхайн асуудал эрхэлсэн яамтай дүйцэхүйц байдлаар нэмэгдүүлэх саналаа илэрхийлсэн юм. Түүнчлэн эдийн засгийн салбаруудын хөгжилд байгаль орчны тэнцвэрт байдлыг хангахад чиглэсэн дэвшилтэд технологийг нэвтрүүлэхэд Дэлхийн банкны зүгээс үргэлжлүүлэн хамтран ажиллахыг хүслээ.
-
2017 оны 11 сарын 10
Гэр бүл, хүүхэд, залуучуудын хөгжлийн газраас хүүхдийн хөгжих, нийгмийн амьдралд оролцох, өсвөр насныхны авьяас чадвар, давуу тал, ололт амжилт, үлгэр дуурайллыг алдаршуулах зорилгоор “Оны шилдэг хүүхэд”-ийг шалгаруулдаг уламжлалтай.
Энэ жил “Сурлагын амжилт”, “Урлаг, уран бүтээл”, “Биеийн тамир спорт, бие бялдарын хөгжил”, “Эх орны түүх, соёл өв уламжлал”, “Хүүхдийн өөрөө удирдлагын байгууллага”, “Бүтээлч ажилч, хичээнгүй байдал, мэргэжлийн чиг баримжаа”, “Хүмүүнлэг энэрэнгүй үйлс”, “Техникийн сэтгэлгээ, шинийг сэдэх санал санаачилга”, “Байгаль хамгаалал, эрүүл аюулгүй орчин”, “Багийн амжилт” гэсэн 10 номинацад “Оны шилдэг хүүхэд”-ийг шалгаруулах юм.
Шалгаруулалтын үйл ажиллагаа хоёр үе шаттай явагдана. Тодруулбал, сум дүүргээс нэр дэвшсэн шилдэг хүүхдийн материалыг аймаг, нийслэлийн Гэр бүл, хүүхэд, залуучуудын хөгжлийн газар хүлээн авч, шалгаруулах юм. Харин аймаг, нийслэлд шалгарсан хүүхдүүдийн материалыг Монгол Улсын Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газарт арванхоёрдугаар сарын 1-ний дотор хүргүүлснээр 10 номинацийн эздийг тодруулна.
Дашрамд сонирхуулахад, Монгол Улс “Оны шилдэг хүүхэд” шалгаруулах үйл ажиллагааг 1991 оноос албан ёсоор шалгаруулах болсон бөгөөд Монгол Улсын Ерөнхий сайд, Хүүхдийн төлөө үндэсний зөвлөлийн тэргүүн батламжийг гардуулах юм.
-
2017 оны 11 сарын 10
Эрүүгийн хэрэгт шалгагдаж байгаад14 этгээдийг интерполоор эрэн сурвалжлуулжээ
-
2017 оны 11 сарын 10
Цагдаагийн ерөнхий газрын дэд бөгөөд Нийслэлийн цагдаагийн газрын даргаас өгсөн үүргийг хэрэгжүүлэх ажлын хүрээнд Сонгинохайрхан дүүрэгт гэмт хэргээс урьдчилан сэргийлэх ажлыг эрчимжүүлэн, идэвх, санаачлага өрнүүлэн ажиллаж буй байгууллага, аж ахуй нэгж, хороо, иргэдийн санал санаачлага, туршлагыг сурталчлан ажиллаа.
Энэхүү ажлын хүрээнд:
Сонгинохайрхан дүүргийн 14 дүгээр хороо нь орон нутгийн төсвийн хөрөнгө, Сууц өмчлөгчдийн холбоо, иргэдийн сайн дурын санаачлагад тулгуурлан сүүлийн 3 жилийн хугацаанд хариуцсан нутаг дэвсгэр, байрны орц, лифт, гудамж, аж ахуйн нэгж, худалдаа үйлчилгээний цэгүүдэд 180 гаруй хяналтын камерыг байршуулснаар тус хороонд 2017 оны эхний 10 сард 94 гэмт хэрэг бүртгэгдсэн нь өмнөх оны мөн үеэс 20 орчим хувиар буурсан,
Сонгинохайрхан дүүргийн 12 дугаар хорооны нутаг дэвсгэрт үйл ажиллагаа явуулдаг “Миний сүлжээ” дэлгүүр нь цагдаагийн хэлтэс, хорооны Засаг даргатай хамтран ажиллах “Гурвалсан гэрээг” байгуулж, сар бүр 6-8 ажилтныг хэсгийн байцаагчийн хамт эргүүлд ажиллуулснаар тухайн ойр орчимд бүртгэгдсэн гэмт хэрэг өмнөх оны мөн үеэс 20 хувиар буурсан үр дүнтэй,
Сонгинохайран дүүргийн 27 дугаар хорооны нутаг дэвсгэрт үйл ажиллагаа явуулдаг Чингис СООСЭ их сургууль, “21 шөнийн зах худалдааны төв” ойр орчимдоо 74 ширхэг хяналтын камер суурилуулан “Оюутан-Эргүүл” ажиллуулснаар 2017 онд дээрх аж ахуй нэгжүүдийн ойр орчим гэмт хэрэг, зөрчил бүртгэгдээгүй,
Сонгинохайран дүүргийн 10 дугаар хорооны нутаг дэвсгэрт үйл ажиллагаа явуулдаг “Лантуун дохио” төрийн бус байгууллага цагдаагийн хэлтэстэй хамтран 16 ширхэг хяналтын камер байршуулснаар тухайн орчинд гэмт хэрэг, зөрчил бүртгэгдээгүй,
Сонгинохайрхан дүүргийн 10 дугаар хорооны иргэн Г.Цэрэндолгор өөрийн хөрөнгөөр гудамжиндаа 7 ширхэг хяналтын камер байршуулснаар тухайн орчинд үйлдэгдсэн 3 гэмт хэргийг камерын бичлэгийн тусламжтай илрүүлсэн байна.
Монгол Улсын Гэмт хэргээс урьдчилан сэргийлэх тухай хуулиар хүлээсэн үүргээ нэр төртэй биелүүлж, иргэдийн эрх зүйн мэдлэгийг нэмэгдүүлэх, гэмт хэргээс урьдчилан сэргийлэх ажилд цагдаагийн байгууллагатай хамтран ажиллаж, амжилт үр дүн гаргасан эдгээр байгууллага, аж ахуйн нэгжийн сайн туршлага, шинэ санаачлагыг олон нийтэд хүргэснээр гэмт хэргээс урьдчилан сэргийлэх ажил нь дан ганц хууль хяналтын байгууллагын үүрэг бус, иргэн бүрийн, аж ахуйн нэгж бүрийн үүрэг гэдгийг ойлгуулж, урьдчилан сэргийлэх ажилд хамтран ажиллахыг уриалсан ач холбогдолтой байлаа.
Цаашид Нийслэлийн цагдаагийн газраас нийслэл хотын хэмжээнд гэмт хэргээс урьдчилан сэргийлэх ажлыг бүсчилсэн багийн хэлбэрээр зохион байгуулж, урьдчилан сэргийлэх ажилд амжилт үр дүн гаргасан аж ахуйн нэгж, байгууллага, иргэдийн сайн туршлага, санал санаачлагыг дэмжин, сурталчлах ажлыг тасралтгүй зохион байгуулна.
-
2017 оны 11 сарын 10
“Мэргэшсэн жолооч”-ийн үнэмлэхийг Өмнөговь аймгийн Гашуунсухайт болон бусад боомтуудад хуурамчаар
-
2017 оны 11 сарын 10
“Утааны эсрэг ээж аавууд” ТББ-аас өнөөдөр НЗДТГ-ын гадна талбайд жагсаал зохион байгууллаа.
