-
2017 оны 11 сарын 10
Цагдаагийн ерөнхий газрын дэд бөгөөд Нийслэлийн цагдаагийн газрын даргаас өгсөн үүргийг хэрэгжүүлэх ажлын хүрээнд Сонгинохайрхан дүүрэгт гэмт хэргээс урьдчилан сэргийлэх ажлыг эрчимжүүлэн, идэвх, санаачлага өрнүүлэн ажиллаж буй байгууллага, аж ахуй нэгж, хороо, иргэдийн санал санаачлага, туршлагыг сурталчлан ажиллаа.
Энэхүү ажлын хүрээнд:
Сонгинохайрхан дүүргийн 14 дүгээр хороо нь орон нутгийн төсвийн хөрөнгө, Сууц өмчлөгчдийн холбоо, иргэдийн сайн дурын санаачлагад тулгуурлан сүүлийн 3 жилийн хугацаанд хариуцсан нутаг дэвсгэр, байрны орц, лифт, гудамж, аж ахуйн нэгж, худалдаа үйлчилгээний цэгүүдэд 180 гаруй хяналтын камерыг байршуулснаар тус хороонд 2017 оны эхний 10 сард 94 гэмт хэрэг бүртгэгдсэн нь өмнөх оны мөн үеэс 20 орчим хувиар буурсан,
Сонгинохайрхан дүүргийн 12 дугаар хорооны нутаг дэвсгэрт үйл ажиллагаа явуулдаг “Миний сүлжээ” дэлгүүр нь цагдаагийн хэлтэс, хорооны Засаг даргатай хамтран ажиллах “Гурвалсан гэрээг” байгуулж, сар бүр 6-8 ажилтныг хэсгийн байцаагчийн хамт эргүүлд ажиллуулснаар тухайн ойр орчимд бүртгэгдсэн гэмт хэрэг өмнөх оны мөн үеэс 20 хувиар буурсан үр дүнтэй,
Сонгинохайран дүүргийн 27 дугаар хорооны нутаг дэвсгэрт үйл ажиллагаа явуулдаг Чингис СООСЭ их сургууль, “21 шөнийн зах худалдааны төв” ойр орчимдоо 74 ширхэг хяналтын камер суурилуулан “Оюутан-Эргүүл” ажиллуулснаар 2017 онд дээрх аж ахуй нэгжүүдийн ойр орчим гэмт хэрэг, зөрчил бүртгэгдээгүй,
Сонгинохайран дүүргийн 10 дугаар хорооны нутаг дэвсгэрт үйл ажиллагаа явуулдаг “Лантуун дохио” төрийн бус байгууллага цагдаагийн хэлтэстэй хамтран 16 ширхэг хяналтын камер байршуулснаар тухайн орчинд гэмт хэрэг, зөрчил бүртгэгдээгүй,
Сонгинохайрхан дүүргийн 10 дугаар хорооны иргэн Г.Цэрэндолгор өөрийн хөрөнгөөр гудамжиндаа 7 ширхэг хяналтын камер байршуулснаар тухайн орчинд үйлдэгдсэн 3 гэмт хэргийг камерын бичлэгийн тусламжтай илрүүлсэн байна.
Монгол Улсын Гэмт хэргээс урьдчилан сэргийлэх тухай хуулиар хүлээсэн үүргээ нэр төртэй биелүүлж, иргэдийн эрх зүйн мэдлэгийг нэмэгдүүлэх, гэмт хэргээс урьдчилан сэргийлэх ажилд цагдаагийн байгууллагатай хамтран ажиллаж, амжилт үр дүн гаргасан эдгээр байгууллага, аж ахуйн нэгжийн сайн туршлага, шинэ санаачлагыг олон нийтэд хүргэснээр гэмт хэргээс урьдчилан сэргийлэх ажил нь дан ганц хууль хяналтын байгууллагын үүрэг бус, иргэн бүрийн, аж ахуйн нэгж бүрийн үүрэг гэдгийг ойлгуулж, урьдчилан сэргийлэх ажилд хамтран ажиллахыг уриалсан ач холбогдолтой байлаа.
Цаашид Нийслэлийн цагдаагийн газраас нийслэл хотын хэмжээнд гэмт хэргээс урьдчилан сэргийлэх ажлыг бүсчилсэн багийн хэлбэрээр зохион байгуулж, урьдчилан сэргийлэх ажилд амжилт үр дүн гаргасан аж ахуйн нэгж, байгууллага, иргэдийн сайн туршлага, санал санаачлагыг дэмжин, сурталчлах ажлыг тасралтгүй зохион байгуулна.
-
2017 оны 11 сарын 10
“Мэргэшсэн жолооч”-ийн үнэмлэхийг Өмнөговь аймгийн Гашуунсухайт болон бусад боомтуудад хуурамчаар
-
2017 оны 11 сарын 10
“Утааны эсрэг ээж аавууд” ТББ-аас өнөөдөр НЗДТГ-ын гадна талбайд жагсаал зохион байгууллаа.
-
2017 оны 11 сарын 10
Нийслэлийн хэмжээнд энэ онд нийслэлийн Замын сангийн хөрөнгөөр 32, нийслэлийн төсвийн хөрөнгө оруулалтаар 3, Хөгжлийн банкны хөрөнгө оруулалтаар 1, Концесс-эргэн төлөгдөх нөхцөлтэйгөөр 2, нийт 38 төсөл, зам барилгын ажлыг хэрэгжүүллээ.
Нийслэлийн замын сангийн хөрөнгөөр Зайсангийн авто замаас Зайсан толгойн урдуур Богд уулын арын замтай холбох 2.4 км авто зам, Налайх дүүргийн Даваажав, Дамдин, Найрамдлын зам, Хорооллын эцсээс Гэмтлийн эмнэлэг хүртэлх 1 км авто зам, “Өгөөж,чихэр боов” ХХК-ийн баруун урд уулзвар, Авто плаза, ХААИС, Богд Жавзандамбын уулзваруудыг өргөтгөн шинэчлэх томоохон төслүүдийг дуусган ашиглалтад орууллаа. Харин Нарангийн гудамжнаас Орбитын гудамж хүртэлх 1.3 км авто замын ажил 70 хувийн гүйцэтгэлтэй байгаа ч газар чөлөөлөтийн асуудлаас шалтгаалан он дамжин хэрэгжихээр болж байна.
Мөн нийслэлийн 9 дүүргийн орон сууцны болон гэр хорооллын доторх авто замыг шинээр барих болон засвар шинэчлэлийн 13 төсөл, зам, замын байгууламжийн засвар арчлалтын 23 төсөл, гүүр хоолой туннел засварын 7 багц ажил, тэмдэг тэмдэглэгээний 3 багц, замын ус зайлуулах шугам, худгийн засвар, өргөтгөлийн 13 багц ажил, замын тэмдэг, хайс тоноглолын 4 багц ажил, нийтийн тээврийн зориулалтын зогсоол гаргах 13 ажлыг хийж гүйцэтгэлээ.
Нийслэлийн төсвийн хөрөнгө оруулалтаар Хайлаастын уулзвараас Дарь-Эхийн зам хүртэл 1.4 км зам 57 у/м гүүрийн хамт барих ажлыг эхлүүлж, энэ онд төсөвлөсөн санхүүжилтийн ажлыг бүрэн дуусгав, Мөн Ихтойруу, Токиогийн гудамж, Дарь эхийн гудамжны уулзварын зүүн талд 48 дугаар сургуулийн хойно Явган хүнд зориулсан гүүрэн гарц барьж, Аялал жуулчлалын зориулалттай 2.05 км авто зам, 265 авто зогсоолын цогцолборыг ашиглалтад орууллаа.
Хөгжлийн банкны санхүүжилтээр он дамжин хэрэгжсэн Орбитын уулзвараас Толгойтын эцэс, Үйлдвэрчний эвлэлийн гудамж хүртэлх 3.6 км авто замын өргөтгөл шинэчлэлийн ажлыг дуусган, байнгын ашиглалтад хүлээлгэн өгөв.
Концессийн гэрээгээр он дамжин хэрэгжсэн Чингэлтэй дүүрэг, 19 дүгээр хороо, Яргайтын богино зуслан чиглэлийн 1.6 км авто замын өргөтгөл шинэчлэлтийн ажлыг хугацаанаас нь өмнө ашиглалтад оруулсан бол Сонгинохайрхан дүүрэг 11 дүгээр хороо, Чингэлтэй дүүрэг 12 дугаар хороо, Хувьсгалчдын авто замаас Хайлаастын авто замын эцэс хүртэлх 2.8 км авто замын барилгын ажил 85 хувийн гүйцэтгэлтэй байгаа бөгөөд энэ сарын 30 гэхэд дуусна.
Нийслэлийн авто замын салбарт хэрэгжиж буй нийт төсөл, арга хэмжээний ажлын явц өнөөдрийн байдлаар 92 хувьтай, хэвийн үргэлжилж байна гэж нийслэлийн Авто замын хөгжлийн газраас мэдээллээ.
-
2017 оны 11 сарын 10
Онцгой байдлын ерөнхий газраас Дорноговь аймагт зохион байгуулж байгаа Гамшгаас хамгаалах иж бүрэн сургууль хоёр дахь өдрөө үргэлжилж байна.
Гамшгаас хамгаалах иж бүрэн сургуулийн бодлогын дагуу өнөө өглөө тус аймгийн Сайншанд сумын иргэдийг оролцуулан газар хөдлөлтийн гамшгийн дараах нүүн шилжих дадлага сургуулийг зохион байгууллаа.Сайншанд сум нь 22 мянган хүн амтайгаас дадлага сургуульд 20 мянга гаруй иргэн оролцжээ.
Мөн өнөөдөр аймгийн Онцгой комисс, гамшгаас хамгаалах албад, мэргэжлийн анги, иргэд, аж ахуйн нэгж байгуулагыг оролцуулан газар хөдлөлт, нурангиас эрэн хайх, аврах ажиллагааны дадлага сургууль явагдана гэж Онцгой байдлын ерөнхий газраас мэдээллээ.
-
2017 оны 11 сарын 10
Цагдаагийн Ерөнхий газрын дэд дарга, цагдаагийн хурандаа З.Дашдаваагийн баталсан төлөвлөгөөнийн дагуу зарим дүүргүүдийн цагдаагийн дарга нарын үйл ажиллагаа,
-
2017 оны 11 сарын 10
Авлигатай тэмцэх газар 2017 оны 10 дугаар сарын 23-наас 11 дүгээр сарын 3-ны өдрүүдэд нийтийн албанд томилогдохоор нэр дэвшсэн 510 хүний урьдчилсан мэдүүлгийг хянан шийдвэрлэлэ
-
2017 оны 11 сарын 10
Баянгол дүүргийн нутаг дэвсгэр зургадугаар “Бичил” хороололд байрлах автомашины гараашийн үүдэнд 19 настай хүүг 26 хутгалж амь насыг нь хөнөөсөн хэрэг 2015 оны арваннэгдүгээр сарын 28-ны өдөр гарсан билээ.
-
2017 оны 11 сарын 10
Сэжигтнүүд гурвуулаа байсан бөгөөд нэг нь гадаа үлдэж, хоёр нь дотогшоо орж буй дүрс бичлэг камерт үлджээ. Тэд банкнаас мөнгө дээрэмдэж чадалгүй оргон зайлсан ч гэмт этгээдүүдийг цагдаагийн байгууллагынхан шуурхай ажилласны үр дүнд саатуулсан байна. Сэжигтэн этгээдүүд нь 17-19 насны залуус байжээ.
-
2017 оны 11 сарын 10
“Хүүхдийн тусламжийн утас-108 төсөл”-ийн үр дүнг танилцуулах
-
2017 оны 11 сарын 10
Нийслэлийн гэр хорооллын дэд бүтцийн газраас гэр хорооллын суурьшлын бүсэд агаар болон хөрсний бохирдлыг бууруулах,
-
2017 оны 11 сарын 10
Ерөнхий Боловсролын Сургуулийн сурагчдын амралт орон даяар энэ сарын 3-наас эхэлсэн билээ. Хичээлийн жилийн нэгдүгээр улирлын амралт долоо хоног үргэлжилж, баасан гарагт буюу маргааш хичээл орно.
Хоёрдугаар улирлын амралтаар нийслэлийн сургуулийн бага ангийнхан 21 хоног, дунд, ахлах ангийнхан 14 хоног амрах юм байна. Харин аймаг, сум, тосгоны сургуулийн сурагчид 14, 7 хоног амрахаар БСШУСЯ-наас гаргасан хуваарьт тусгагджээ.
-
2017 оны 11 сарын 09
Лицензээр баяжсан гэх 30 гэр бүлтэй холбоотой мэдээллийг шалгахаар болжээ
-
2017 оны 11 сарын 09
Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөрийн санаачилгаар 2017 оны 2 дугаар сарын 20-ны өдрийн А/35 дугаар тушаалаар Улаанбаатар хотын хэмжээн дэх “Барилга байгууламжийн лифт өргөх байгууламжид хяналт шалгалт хийж үнэлэлт дүгнэлт өгөх, цаашид хэрэгжүүлэх ажлын санал боловсруулах ажлын хэсэг” байгуулагдан үзлэг, хяналт шалгалтын ажил хийгдээд байна.
Нийслэлийн Мэргэжлийн хяналтын газарт бүртгэлтэй орон сууц болон олон нийтийн барилгын 4688 ширхэг лифт байдагаас Ажлын хэсгийн үзлэг шалгалтаар нийслэлийн 8 дүүргийн нийт 2298 ширхэг буюу 50 хувьд нь үзлэг шалгалт хийгээд байгаа юм. Үүнд:
Аж ахуй нэгжийн 213 ширхэг лифт
Сууц өмчлөгчдийн холбооны харьяа орон сууцны 2085 ширхэг лифт байна.
Хяналт шалгалтын хүрээнд ноцтой зөрчил илэрсэн аж ахуй нэгж байгууллагын 2, орон сууцны 16 нийт 18 лифтийг НМХГ-ын барилгын техникийн хяналтын улсын ахлах байцаагч Г.Эрдэнэхүүд мэдэгдэж зогсоосон.
Үзлэг шалгалтаар дараах нийтлэг зөрчил дутагдал илэрч байна.
Тусгай зөвшөөрөлтэй мэргэжлийн байгууллагатай гэрээ хийдэггүй, хувь хүнтэй лифтний засвар техник үйлчилгээний гэрээ хийдэг
Техникийн паспортыг хөтлөлтийг СӨХ хянаж, мэргэжлийн байгууллагаар хөтлөлт хийлгэдэггүй зөрчил, бичиг баримтын бүрдэл дутуу, техникийн ээлжит магадлалыг хугацаанд нь хийгэдэггүй
Лифтний ашиглалт муугаас
Техникийн өрөөг зориулалтын бусаар ашигладаг, /агуулах хэлбэрээр ашиглах, үйл ажиллахаа эрхлэх/
Лифтний хонгил болон худгийн хог шороог цэвэрлэдэггүй
Гэрэлтүүлэг байхгүй
Үндсэн ган татлага /тросс/ сойх шаардлагатайг хийдэггүй
Тусгай зөвшөөрөлтэй ААНБ-ууд лифтийг кодлодог
ААНБ болон СӨХ-дын холбогдох албан тушаалтан лифт ашиглах анхан шатны эрхзүйн болоод техникийн мэдлэг мэдээлэл байхгүй, Мэргэжлийн лифтчингүй, үнэмлэхний сунгалт хийгддэггүй зэрэг зөрчил дутагдал ихээр илэрч байна.
Өнөөдөр Улаанбаатар хотын Захирагчийн ажлын алба, Улаанбаатар Лифт ОНӨҮГ, СӨХ-ын дээд зөвлөл хамтран СӨХ-ын удирдах зөвлөлийн удирдлага нарт Лифтний ашиглалт, засвар үйлчилгээтэй холбоотой сургалтыг амжилттай зохион байгууллаа гэж Улаанбаатар хотын Захирагчийн ажлын албанаас мэдээллээ.
-
2017 оны 11 сарын 09
Авлигатай тэмцэх газрын Сүхбаатар аймагт ажиллаж байгаа ажлын хэсгээс аймгийн Засаг даргын Тамгын газар, түүний харьяа байгууллага болон аймгийн Мэргэжлийн хяналтын газар, Эрүүл, мэнд нийгмийн даатгалын хэлтэс, Улсын бүртгэлийн хэлтэс зэрэг төрийн байгууллагуудын хүний нөөцийн бодлогын хэрэгжилт, албан тушаалын томилгоо, төрийн үйлчилгээний өнөөгийн нөхцөл байдал, тухайн байгууллагад ирүүлсэн өргөдөл, гомдол, мэдээллийн тоо, тэдгээрийн агуулга, шийдвэрлэлт, төсөв, санхүү, худалдан авах ажиллагаа, Авлигатай тэмцэх газраас хүргүүлсэн албан бичиг, мөрдөн байцаагчийн мэдэгдэл, зөвлөмжийн дагуу авч хэрэгжүүлсэн арга хэмжээтэй танилцаж байна.
Мөн иргэдээс ирүүлсэн гомдол, мэдээллийн дагуу холбогдох албан тушаалтнуудаас тайлбар, тодруулга авч, гэмт хэргийн шинжтэй гомдол, мэдээлэлд гэрчийн мэдүүлэг авч, нотлох баримтуудыг цуглуулан ажиллаж байна. Тус аймагт төрийн жинхэнэ албан тушаалд ажиллаж буй албан хаагчид төрийн албан хаагчийн мэргэшлийн болон удирдах ажилтны сонгон шалгаруулалтад ороогүй, ашиг сонирхлын зөрчилтэй холбоотой томилгоо хийгддэг талаарх гомдол, мэдээлэл нэлээд гарч байх тул төрийн албанаас чөлөөлөгдсөн, халагдсан, ажилд эгүүлэн томилсон байдалд хяналт тавих үүднээс холбогдох тушаал, шийдвэртэй танилцаж, шаардлагатай тоон мэдээллүүдийг гаргуулан авч судлан үзэж байна.
Ажлын хэсэг 2017 оны 11 дүгээр сарын 9-ний өдөр Сүхбаатар аймгийн олон нийтийн дэд зөвлөлийн гишүүнээр сонгогдсон Ш.Содном-Иш, Г.Амарсайн, Л.Ганбаатар нартай “Хамтран ажиллах гэрээ” байгуулж, үйл ажиллагааг нь эхлүүллээ.
-
2017 оны 11 сарын 09
УИХ-ын чуулганы өнөөдрийн нэгдсэн хуралдаанаар Монгол Улсын 2017 оны төсвийн тухай хуульд өөрчлөлт оруулах тухай хууль батлагдсанаар нийт хүүхдэд хүүхдийн мөнгийг бүрэн олгоход шаардагдах 104,5 тэрбум төгрөгийн хөрөнгийг шийдвэрлэлээ. Ингэснээр энэ оны наймдугаар сараас хойш хүүхдийн мөнгөө аваагүй байгаа Монгол Улсын нийт 1043180 хүүхдийн мөнгийг он дуустал бүрэн олгох боломж бүрдэж буй юм.
Сангийн яамны Төрийн сангийн газраас холбогдох санхүүжилтийг бүрэн хийсэн тул өнөөдрөөс буюу арваннэгдүгээр сарын 9-нөөс наймаас аравдугаар сарын хүүхдийн мөнгийг өмнө нь авч байсан арилжааны 13 банкны дансаар нь дамжуулан олгож эхэллээ. Харин үлдэж буй арван нэг, арванхоёрдугаар сарын хүүхдийн мөнгийг тухайн сарын 20-ноос хойш сонгосон банкнаасаа авах боломжтой юм.
Эдийн засгийн хүндрэлтэй үед хүүхдийн мөнгийг амьжиргаа багатай зорилтот өрхийн 660 мянган хүүхдэд олгоход Засгийн газраас 2017 оны эхний хагас жилд 76,1 тэрбум төгрөг зарцуулсан бөгөөд эхний хагас жилийн эцэст Монгол Улсын эдийн засгийн өсөлт 4-4,5 хувийн өсөлттэй гарч, энэ оны төсвийн орлогын төлөвлөгөө 500 тэрбум төгрөгөөр давж биелэн төсвийн зорилтот үзүүлэлтүүд сайжрах төлөвтэй байгааг харгалзан Монгол Улсын Засгийн газрын 2017 оны долдугаар сарын 4-ний хуралдаанаар Өрхийн мэдээллийн нэгдсэн санд бүртгэлтэй нийт өрхийн хүүхэд бүрт хүүхдийн мөнгийг ялгамжгүйгээр олгохоор шийдвэрлэсэн. Үүний дагуу хүүхдийн мөнгөө аваагүй байсан 400 орчим мянган хүүхдийн 2017 оны эхний долоон сарын мөнгө болох 140 мянган төгрөгийг өмнө нь авч байсан арилжааны 13 банкны дансаар нь дамжуулан олгосон юм.
Шинэ төрсөн хүүхдийнхээ мөнгийг авахын тулд эх, эцэг нь өөрт ойрхон дурын арилжааны банкинд очиж өргөдлийн маягтыг бөглөн, данс нээлгүүлэн хүүхдийн мөнгөө авах боломжтой. Хэрэв хүүхдийн мөнгө авах өргөдлөө өгсөн боловч мөнгө аваагүй байгаа шинэ төрсөн хүүхдүүдийн хувьд өргөдөл өгсөн сараар нь тооцон энэ онд багтаан нөхөн олгох тул шаардлагатай мэдээллийг оршин суугаа сум, хорооны нийгмийн ажилтнаас тодруулах боломжтой гэдгийг Хөдөлмөр, нийгмийн хамгааллын яамнаас мэдээллээ.
-
2017 оны 11 сарын 09
БНХАУ-ын Засгийн газрын хөнгөлөлттэй зээлийн хөрөнгөөр нийслэлийн Хан-Уул дүүргийн 4 дүгээр хорооны нутаг дэвсгэрт “Яармагийн шинэ гүүр барих, хуучин гүүрийг засварлах” төслийг хэрэгжүүлж байгаа билээ.
Энэхүү төсөл нь Яармагийн гүүрийн орчмын олон замын уулзварт, удахгүй ашиглалтад орох Хөшгийн хөндийн олон улсын нисэх онгоцны буудал, “Буянт-Ухаа-1, 2“ зэрэг тухайн бүсэд шинээр баригдаж байгаа орон сууцны хорооллуудын замыг олон түвшний огтлолцолоор холбож, авто замын нэвтрүүлэх чадварыг сайжруулж, замын хөдөлгөөний ачааллыг бууруулах зорилготой юм.
Төслийн хүрээнд баригдах шинэ гүүр нь 250.2 у/м, 20.5м өргөн, 4 эгнээтэй бөгөөд хуучин гүүртэйгээ нийлээд 6 эгнээтэй байх юм. Шинээр барих гүүр доогуур нэвтрэх А рамп зам дээрх гүүр нь 2-10м-ийн жаазан гүүр байна. В, С рамп зам нь асфалт бетон хучилттай байна. Урд эргийн шинэ барих D рамп-д 9х30м-ийн хүчитгэсэн бетон угсармал дам нурууг ашиглах юм.
Хуучин гүүрийн засварлах ажлын хүрээнд гүүрийн ховхорсон ригель болон бетон хучилтыг засаж нөхөх, завсрын тулгуур, даацын тулгуур баганыг засварлах, хүчтэй элэгдэлд орсон даацын тулгууруудыг бэхжүүлэх, явган хүний зам, хашлага, гэрэлтүүлгийг солих, голын даланг бэхжүүлэх зэрэг ажлуудыг хийх юм.
Өнөөдрийн байдлаар шинэ гүүрийн 77 дам нурууг угсарч, Богд уулын арын замаас Яармагийн гүүртэй холбогдох D рампын 16 тулгуур ригель цутгалтын ажлаас 12-ыг нь хийж дуусгаад байна гэж нийслэлийн Авто замын хөгжлийн газраас мэдээллээ.
-
2017 оны 11 сарын 09
Нийслэлийн Статистикийн газраас энэ долоо хоногийн өргөн хэрэглээний бараа бүтээгдэхүүний үнийн судалгааг гаргажээ.
-
2017 оны 11 сарын 09
Эдийн засгийн хүндрэлтэй байгаа өнөө үед хөдөлмөр эрхлэлтийн бодлого үйл ажиллагааг өргөжүүлэх, ажил хайгчид болон хувиараа хөдөлмөр эрхлэгчдэд хөдөлмөрийн зах зээл дэх боломжуудыг илүү хүртээмжтэй ашиглах нөхцөлийг бүрдүүлэх зорилгоор Дэлхийн банкны зээлийн санхүүжилтээр “Хөдөлмөр эрхлэлтийг дэмжих” төслийг хэрэгжүүлэхээр болсон. Төслийн үр дүнд ажлын байр шинээр бий болсноор ажилгүйдлийн түвшин буурч хүн амын бодит орлого өсөх замаар ядуурлаас урьдчилан сэргийлэх боломж бүрдэнэ хэмээн үзэж буй тухай Дэлхийн банкны суурин төлөөлөгч Жеймс Андерсон Хөдөлмөр, нийгмийн хамгааллын сайд С.Чинзоригтой уулзах үеэр танилцуулсан юм.
Хөдөлмөр, нийгмийн хамгааллын яамны Хүндэтгэлийн танхимд болсон уулзалтын үеэр сайд С.Чинзориг Дэлхийн банк Монгол Улсын Засгийн газар, Хөдөлмөр, нийгмийн хамгааллын яамтай олон жилийн турш нягт хамтран ажиллаж, нийгэм эдийн засгийн бүхий л түвшинд дэмжлэг үзүүлж буйд талархал илэрхийлээд хөдөлмөр, нийгмийн хамгааллын салбарт тулгамдаж буй асуудлуудыг шийдвэрлэхэд урьдын адил зөвлөгөө, туслалцаа дэмжлэг үзүүлж, хамтын ажиллагааг үр дүнтэйгээр үргэлжлүүлнэ гэдэгт итгэж буйгаа хэллээ. Ялангуяа хөдөлмөр эрхлэлтийг дэмжих шинэ төслийн шугамаар орон нутагт зохион байгуулалттай ажлын байр бий болгох, нөхөрлөл, хоршоо, хувиараа хөдөлмөр эрхлэхийг дэмжиж шаардлагатай жижиг зээлээс гадна МСҮТ төгссөн залуус ур чадвартаа түшиглэн өөрөө өөртөө ажлын байр бий болгоход нь гарааны дэмжлэг үзүүлэх, шаардлагатай тоног төхөөрөмжийг нь бага хүүтэй урт хугацааны лизингээр авахад туслах арга хэмжээг авбал үр дүнтэй гэдгийг С.Чинзориг сайд онцолсон. Тэрбээр мөн Монгол Улс сүүлийн жилүүдэд ядуурлыг бууруулах талаар ярилгүй, арга хэмжээ авалгүй явж ирсэн нь бодлогын том алдаа байсныг ҮСХ Дэлхийн банктай хамтран танилцуулсан ядуурлын судалгаа харуулсан хэмээгээд шинэ Засгийн газар ядуурлыг бууруулах чиглэлд онцгой анхаарч, тодорхой бодлого барьж ажиллахаар шийдвэрлэсэн. Үүний тулд эхний ээлжинд эмзэг бүлгийн өрхөд үзүүлдэг хүнсний дэмжлэгийн хамрах хүрээг хоёр дахин нэмж нийт 240 мянган хүнд энэ дэмжлэгийг үзүүлэх, амьжиргааны баталгаажих түвшингээс доогуур орлоготой өрхийн иргэдэд мөнгөн тэтгэмж олгох хуулийг хэрэгжүүлэхэд шаардлагатай 16 тэрбум төгрөгийг ирэх оны төсөвт суулгасныг дуулгаад Засгийн газраас Ядуурлыг бууруулах хөтөлбөр хэрэгжүүлэх зайлшгүй шаардлага бий бөгөөд энэ ажилд Дэлхийн банкнаас техникийн туслалцаа үзүүлэхийг хүсч буйг уламжилсан юм.
Түүнчлэн Монгол Улсын нийт ажиллагсдын 50 гаруй хувийг бүрдүүлдэг малчид, хувиараа хөдөлмөр эрхлэгч зэрэг тогтмол орлогогүй иргэдийн 80 хувь нь нийгмийн даатгалын гадна үлдэж ирээдүй нь баталгаагүй байгааг өөрчлөх үүднээс нийгмийн даатгалын шимтгэлийг нэг удаа нөхөн төлүүлэх ажлыг зохион байгуулахад Дэлхийн банкны тусламж нэн чухал байгааг дурдсан.
Дэлхийн банкны зүгээс хөдөлмөр эрхлэлтийг дэмжих, ядуурлыг бууруулах чиглэлд техникийн болон судалгаа арга зүйн зөвлөмж өгөх ажлыг үргэлжлүүлэн үр дүнтэйгээр явуулах болно гэдгийг Жеймс Андерсон хэлсэн.
-
2017 оны 11 сарын 09
Нийслэлийн Засаг даргын зөвлөлийн ээлжит хуралдаан өнөөдөр боллоо. Хуралдаанаар дөрвөн асуудал хэлэлцэв. Төрийн үйлчилгээг цахим хэлбэрт үе шаттай шилжүүлж, үйлчилгээний шат дамжлагыг багасгах, хороодоос үзүүлэх төрийн үйлчилгээний нэр төрлийг нэмэгдүүлэх ажлын талаар Нийслэлийн Мэдээллийн технологийн газрын дарга О.Чинзориг танилцууллаа.
Нийслэлийн нутгийн захиргааны 175 байгууллагаас 536 нэр төрлийн үйлчилгээг нийслэлийн үйлчилгээний нэгдсэн төвүүдээр дамжуулан үзүүлж буй. Эдгээр үйлчилгээнээс 300 орчмыг цахим хэлбэрт үе шаттайгаар шилжүүлэх нэн шаардлагатай байгаа танилцуулгынхаа үеэр О.Чинзориг дурьдаж байв. Танилцуулгатай холбогдуулж асуулт асууж, санал хэлсний дараа хуралдаанаас “Зөвлөлийн гишүүдээс гаргасан саналыг тусган “Нийслэлээс үзүүлж буй үйлчилгээг цахим хэлбэрт шилжүүлэх стандарт боловсруулах, дотоод болон гадаад нэгдсэн системийн шийдэл боловсруулах”-зэрэг тодорхой үүрэг чиглэл өгсөн тэмдэглэл гаргахаар шийдвэрлэлээ. Мөн хуралдаанаар Нийслэлийн орон зайн дундын мэдээллийн сангийн танилцуулга, цаашид авах арга хэмжээний талаар Нийслэлийн Мэдээллийн технологийн газрын дарга О.Чинзориг танилцуулга хийсэн.
Энэ өдрийн хуралдаанаар архивын баримтад нэгдсэн тооллого явуулсан тухай танилцуулгыг Нийслэлийн архивын газрын дарга С.Гаваа танилцууллаа. Тооллого, үзлэг шалгалтын мөрөөр арга хэмжээ авч, гарсан алдаа дутагдлыг засч, сайжруулахыг холбогдох албан тушаалтнуудад үүрэг болгосон хуралдааны тэмдэглэл гаргахаар боллоо гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
