2015 оны 3 сарын 16
Монгол улс шинэ төмөр зам байгуулах бүтээн байгуулалтын талаар яриад удаж байна. Төмөр замын тээврийн талаар баримтлах бодлогын баримт бичгээ батлаад 5 жил болж байгаа хэдий ч мөнөөхөн шинэ төмөр замын сураг алдарч, өдгөө “эзэнгүйдсэн” байдалтай болжээ.
Уг нь “Төрөөс төмөр замын тээврийн талаар баримтлах бодлого”-ын 2.2.3-т Стратегийн ач холбогдол бүхий ашигт малтмалын ордуудаас олборлосон, боловсруулсан бүтээгдэхүүнийг тээвэрлэх, төмөр замын суурь бүтцийг улсын эдийн засаг, нийгэмд онцгой ач холбогдол бүхий суурь бүтэц гэж үзэх” гэж заажээ. Шинэ төмөр зам Монгол улсын эдийн засаг, нийгэмд онцгой ач холбогдолтой юу гэвэл онцгой ач холбогдолтой. Хэрэгтэй юу гэвэл хэрэгтэй. Гэвч өнөөдөр төмөр зам барьж чадсан уу. Хэдэн км замыг хэдэн төгрөгөөр барихаар төсөвлөсөн бэ. Мөнгө зам хоёрын аль нь бидэнд байна вэ гэсэн олон асуултын хариуг эрэлхийлж, үнэн бодит байдлыг өгүүлсэнийг Монголын Үндэсний Олон Нийтийн телевизийн “Эх сурвалж” нэвтрүүлэгээс үзээрэй.
