Үндсэн хуулийн бус үйл ажиллагааг таслан зогсоов

2015-4-06

УИХ 2015 оны 4 дүгээр сарын 3-ны өдөр 1/2662 тоот албан бичгийг Монгол улсын Ерөнхий сайд Ч.Сайханбилэгт илгээв. Уг албан тоотод дурдснаас үзэхэд Тавантолгой ордод хөрөнгө оруулж, хамтран ажиллах талыг тодруулах уралдаант шалгаруулалтын явцыг УИХ-ын зүгээс анхааралтай ажиглан хараад гэрээний явцад УИХ-ын 39 дүгээр тогтоол, 268 дугаар тогтоол, 37 дугаар тогтоол, Монгол улсын Засгийн газрын 2012 - 2016 онд хэрэгжүүлэх үйл ажиллагааны хөтөлбөр, Хөрөнгө оруулалтын тухай хууль зэрэг хүчин төгөлдөр эрх зүйн актуудыг зөрчсөн алдаанууд гарсныг тогтоолоо. Тийм учраас хууль, тогтоомжуудад нийцсэн байдлаар хэлэлцээрийг байгуулж, УИХ-аар хэлэлцүүлэхийг мэдэгдэж байна гэсэн байна.

Үүнтэй зэрэгцэн УИХ-ын Өргөдлийн байнгын хороо Сайд М.Энхсайханд 2015 оны 2 дугаар сарын 18-ны өдөр тус байнгын хорооноос чиглэл өгсөн 05 дугаар тогтоолын хүрээнд хийгдэж буй арга хэмжээнийхээ талаар 4 дүгээр сарын 10- ны дотор танилцуулга хийхийг шаардсан байна.

Энэхүү 05 дугаар тогтоол нь ард түмэнд Тавантолгойн ордын 10 хувь хэмээн тараасан 1072 ширхэг хувьцааны ногдол ашгийг хэлэлцээрт тусгахыг даалгасан болохыг сануулъя.

Монголын төмөр зам ТӨХК-ийн гүйцэтгэх захирал Д.Ганбат сайд М.Энхсайханд илгээсэн 01/281 тоот албан тоотоороо Тавантолгойн ордыг ашиглах уралдаант шалгаруултын нэг объект болгон ТТ-Гашуун сухайт чиглэлийн 267 км төмөр замыг гадныханд өгөх хэлэлцээр хийж байгаа тань ҮАБЗ- ийн 35/32 дугаар зөвлөмж, Засгийн газрын 121 дүгээр тогтоол, ҮАБЗ-ийн 04/03 дугаар зөвлөмж, Засгийн газрын 121 дүгээр тогтоол, Аж ахуйн үйл ажиллагааны тусгай зөвшөөрлийн тухай хууль зэрэг хүчин төгөлдөр эрх зүйн актуудыг зөрчихөөр байгаа тул ММС- Шэнхуа консорциумд ТТ-Гашуун сухайт чиглэлийн 267 км төмөр замыг олгохыг зөвшөөрөхгүй болохыг мэдэгдлээ.

Ийнхүү сайд М.Энхсайхан өөрт олгогдсон бүрэн эрхийг урвуулж, Монголын хууль, төрийг үл тоомсорлон ард түмний эрх ашгийг хөсөрдүүлэх зарчмыг баримталсан, Үндсэн хуулийн бус үйл ажиллагаа явуулсаар байгааг хууль тогтоох дээд байгууллага УИХ таслан зогсоолоо. Тэрээр ард түмэнд тарааж өгсөн 1072 хувьцааны ногдол ашиг, ер нь монголын талын ашиг орлогын тухай гэрээнд огт тусгахгүй байгаа бөгөөд дотоодын хөрөнгө оруулагчийг оролцуулах тухай УИХ-ын удирдамжийг үл хэрэгсэн БНХАУ болон БНХАУ-ын засаг захиргааны тусгай нэгж-Хонгконгийн компаниудаас бүрдсэн хамсалтай гэрээг үргэлжлүүлэн явуулсаар байгаа билээ.

Монгол улсын Засгийн газрын 2012 - 2016 онд хэрэгжүүлэх үйл ажиллагааны хөтөлбөрт төрийн өмч давамгайлсан аж ахуйн нэгжид ТТ-н ордын 51 хувийг эзэмшүүлнэ гэж тодорхой заасаар байтал Засгийн газрын нэг гишүүн нь үл тоомсорлон, зөрүүдлэж байгаа нь Засгийн газрын эрх зүйн чадамжийг сулруулах ноцтой үр дагаварт хүргэх юм. Сайд М.Энхсайхан нь хэлэлцээрт монголын ард түмэн, Засгийн газрыг төлөөлж байгаагаа умартан ширээний нөгөө талд суусан талын эрх ашгийг голлон ярьсаар байгааг олон нийт ажиглан, жигшин зэвүүцэж байгаагаа удаа дараа илэрхийлсээр байгаа билээ.

Дашрамд дурдахад Эрдэнэс ТТ компанийн гүйцэтгэх захирал Я.Батсуурийг шоронд хорьсны дараахан МСS компанийн дэд захирал, Гоёо ХХК-ийн гүйцэтгэх захирал байсан C.Энх-Амгалан гэгчийг томилохоор оролдож эхэлсэн нь анхаарал татна. ММС компанийн зүгээс монголын нүүрсний зах зээлийг өөрсдийн хяналтанд оруулахын тулд яахаас ч буцахгүй болж улайрсны шинж тэмдэг нь энэ юм болов уу. Энэ байдлаас Я.Батсуурийг яагаад шоронд хорьсны учиг хөврөх магадлал ийнхүү үүсч байх шиг...

Ерөнхий сайд болон сайд М.Энхсайхан нар УИХ-ын өгсөн үүргийг хэрхэн биелүүлэхээс Засгийн газрын хувь тавилан тодорхойлогдох өдрүүд ирж байна. Үйл явдал монголын ард түмний ашиг сонирхолд нийцсэн байдлаар өрнөнө гэдэг найдаж байна.

Б.Батзориг

Эх сурвалж: eagle.mn

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (6)

Зочин (103.9.89.210)

Uursdiin tomilson ZG, Erunhii saiddaa shiidver gargah bolomjiig olgoh heregteeshdee neg udaa itgeed ajliig n twn hlgvl yasiin

2015 оны 04 сарын 06 | Хариулах
Зочин (103.9.89.210)

МУ ЗГ хөрөнгө оруулагчидтай 7 шаардлага тавьсан тэд бүгдийг нь хүлээн зөвшөөрсөн гтэл хзэ хойно нь ингэж шалчигнах хэрэг бдыму хө

2015 оны 04 сарын 06 | Хариулах
Зочин (103.9.89.210)

5толгой,цагаан суврага ноён уул арева, төмөр зам гээд л том төслүүдээ зогсоосон Оюутолгойг гацаасан бидний хийж чаддаг ажил зогсоох гацаах одоо болоочдээ

2015 оны 04 сарын 06 | Хариулах
Зочин (103.9.89.210)

Yund ingj OT, TT asuudliig tugjij udaad bgamdee eruuusuu oilgohgui yunm

2015 оны 04 сарын 06 | Хариулах
Зочин (122.254.127.34)

Эрх мэдэлтнүүдийн бялууны төлөөх тэмцэл биш биз? Хөөрхий Энхсайхан,Жагаагийн хэлснээр энэ гэрээнээс жаахан юм хүртэх гэсэн чинь болдоггүй ээ,хэ хэ хэ

2015 оны 04 сарын 06 | Хариулах
Зочин (103.9.91.146)

энэ гэрээ ч будаа болж байгаа юм байна.тавантолгой ч 2020 он хүртэл сэхэхгүй юм байна

2015 оны 04 сарын 06 | Хариулах