Улаанбаатар хотын үерийн хамгаалалтын барилга байгууламжид энэ онд хийх ажлын төлөвлөгөө гарлаа. Төлөвлөгөөний дагуу Чингэлтэй дүүрэгт 8, Баянгол дүүрэг 6, Сүхбаатар дүүрэг 2, Сонгинохайрхан дүүрэг   4, Баянзүрх дүүрэгт 2 нийт 22 байршилд далан сувгийн цэвэрлэгээ хийгдэнэ. Энэ ажилд 558 сая 900 мянган төгрөг зарцуулах юм. Он гарсаар “Нийтийн үйлчилгээний Улаанбаатар нэгтгэл” Дэнжийн мянгын 2-р суваг, Чингэлтэй дүүргийн үерийн хамгаалалтын туслах сувгуудыг цэвэрлэсэн. Мөн Дэнжийн 1000-ын 1, 3-р сувгийн булгийн мөсийг ухаж,  халиа үүсэхээс сэргийлэх арга хэмжээг авч,Толгойт Бөмбөгөрийн үерийн далан сувгийн халиаг багасган, мөсийг нь зөөж суваг татан тодорхой газруудад тунгаагуурын цэвэрлэгээг тогтмол хийж байна.  

Цаашид үе шаттайгаар Петровис 8-ын баруун талын суваг, Зүүн уулын суваг, Гэсэрийн баруун суваг,  Баруун уулын суваг, 17-р сургуулиас доош Дэнжийн 1000-ын III  хүртэлх суваг, Сүхбаатар дүүрэг 12-р хороо Сэлбэ гол руу орсон суваг, 3,4-р хорооллын арын үерийн хамгаалалтын далан суваг, Нефть, Ногоон зоорийн гаргалгаа, Нисэхийн үерийн хамгаалалтын суваг, Гэсэр сүмээсЗ анабазарын  гудамж хүртэлх суваг, Баруун уулын суваг, Ард Аюушийн гудамжнаас Чингүнжавын гудамж хүртэл,  Чингүнжавын гудамжны замын доорх ус гаргуур,Толгойтын сувагтай нийлэх хэсгээс  Хос гүүр хүртэлх суваг, Баруун уулын сувгийн төгсгөлөөс станцын урд зам хүртэлх байршлуудад далан сувгийн цэвэрлэгээ хийнэ гэж Улаанбаатар хотын Захирагчийн ажлын албанаас мэдээллээ.