Нийслэлийн хэмжээнд өчигдөр 08:50 цагийн орчимд цахилгаан тасарлаа. Улаанбаатар дэд станцад гэмтэл гарснаас нийслэл болон зүүн аймгуудад цахилгаангүй болов. Эх сурвалжийн мэдээлснээр дэд станцын нүхээр шувуу орсноос богино холбоос үүсч ойр орчмын шар өвс шатжээ. НОБГ-аас галыг шуурхай унтрааж, холбогдох газрууд гэмтлийг засч эхэлсэн байна. Цахилгаан тасарснаас гэрлэн дохио ажиллахгүй, замын хөдөлгөөн зохицуулалтгүй болж, замын ачаалал нэмэгдсэнийг албаныхан мэдэгдэв.

Д.Дуулим