Өнгөрсөн долоо хоногт болж өнгөрсөн онцлох үйл явдлуудаас хүргэж байна.
Владимир Путин стратегийн хүчийг байлдааны өндөржүүлсэн бэлэн байдалд шилжүүлэх тушаал өгөв
ОХУ-ын Ерөнхийлөгч Владимир Путин стратегийн (цөмийн бөмбөг бүхий) хүчийг байлдааны өндөржүүлсэн бэлэн байдалд шилжүүлэх тушаал орон нутгийн цагаар 16.30 цагт өглөө. ОХУ-ын Батлан хамгаалахын сайд Сергей Шойгу, Зэвсэгт хүчний жанжин штабын дарга, армийн генерал Валерий Герасимов нарт Владимир Путин ийн тушаал өгсний дараа Цагаан ордон “Түрэмгийллээ зөвтгөхийн тулд сүрдүүлж байна” хэмээн мэдэгдлээ.
Монголын паралимпын баг урд хөршийг зорилоо
Паралимпын гүйлтийн цанын төрөлд манай улсаас дасгалжуулагч Ж.Дашдондогийн удирдлага дор Б.Ганболд, Ц.Дашдорж нар өрсөлдөнө. Харин уулын цанын төрөлд дасгалжуулагч Д.Очирсүхийн удирдлага дор Б.Цэрэнпунцаг уралдах юм.
АН-аас мэдэгдэл гаргалаа
ОХУ Украинд цэргийн тусгай ажиллагаа нэртэй түрэмгийлэл явуулж байгааг эрс эсэргүүцэж байгаагаа дурдан Монголын АН мэдэгдэл гаргалаа. Мэдэгдэлд, "Сүүлийн хэдэн өдрийн турш В.Путин тэргүүтэй Кремлийн удирдагчид ОХУ-ын армийн бүх хүч хэрэгслээ ашиглан НҮБ-ын гишүүн, тусгаар тогтносон, бүрэн эрхт, ардчилсан Украин улсын эсрэг цэргийн тусгай ажиллагаа нэртэй эзлэн түрэмгийлэх довтолгоо хийж байгааг Монголын Ардчилсан Нам эрс эсэргүүцэн буруушааж байна. Үй олон энгийн номхон иргэдийн амь нас үрэгдэж, эдийн засгийн асар их хор хохирол учруулах аюултай энэхүү үйлдлээ нэн даруй таслан зогсоохыг бид шаардаж байна. ОХУ-ын энэ алхам нь хэрхэвч зөвтгөх аргагүй бөгөөд Европ болон дэлхий нийтийн энх тайван, тогтвортой байдалд нэн аюултай үйлдэл юм" гэжээ.
Халуун цэг: Орос-Украины энхийн хэлэлцээ дуусч, талууд зөвлөлдөх уулзалт хийхээр нийслэлүүд рүүгээ буцлаа
Беларусийн Гомель мужид болсон ОХУ-Украины хэлэлцээний эхний шат дуусч, хэлэлцээнд оролцсон албаны хүмүүс зөвлөлдөх уулзалтад оролцохоор нийслэлүүд рүүгээ буцлаа хэмээн Украины Ерөнхийлөгчийн зөвлөх Михаил Подоляк хэлснийг Риа агентлаг эш татан уламжиллаа.
FIFA болон UEFA-гийн зүгээс ОХУ-ыг төлөөлөх багуудыг бүх тэмцээнээсээ түдгэлзүүллээ
Хөлбөмбөг бол хүн төрөлхтний эв нэгдэл, энх тайвны нэгэн бэлгэдэл болж олон өөр үндэстний хүмүүсийг холбож өгдөг нэгэн гүүр билээ. Тэгвэл уг үнэт чанарынхаа хүрээнд Олон Улсын Хөлбөмбөгийн Холбоо (FIFA) болон Европын Хөлбөмбөгийн Холбооны (UEFA) зүгээс ОХУ-ын шигшээ баг болон клубуудыг нь олон улсын тэмцээнүүдээс түр зуур түдгэлзүүлж байгаагаа зарлалаа.
Элон Маск Украин улсад амласан амлалтаа биелүүллээ
Михаил Фёфоров өөрийн твиттер хаяг дээрээ Элон Маскийн илгээсэн Старлинк терминалуудын зургийг нийтэлж барааг хүлээн авсан гэдгээ мэдэгджээ. SpaceX-ийн Стралинк интернет сүлжээ нь дэд бүтэц муу хөгжсөн дэлхийн алслагдсан бүс нутгуудыг өндөр хурдны интернетээр хангах зорилготой бүтээгдсэн хиймэл дагуулын сүлжээ бөгөөд одоогоор Украин улсыг интернетээр хангаж эхлээд байна.
Б.Болортуяа 53 кг-ын жинд дэлхийн чансааг тэргүүлж эхэллээ
Дэлхийн бөхийн нэгдсэн холбоо (UWW)-ноос өнгөрсөн долоо хоногт Туркийн Стамбул хотод болсон дэлхийн чансааны оноо олгох тэмцээний дараа чансааг шинэчлэн гаргажээ. Тус тэмцээнд эмэгтэйчүүдийн 53 кг-д алтан медаль хүртсэн ОУХМ Бат-Очирын Болортуяа 56200 оноогоор дэлхийн чансааг тэргүүлж эхэллээ.
Архангай аймаг хавдрын эрт илрүүлгийн төвтэй боллоо
21 аймгаас анхлан Архангай аймаг “Хавдрын эрт илрүүлгийн төв”-тэй болж зургаан төрлийн хорт хавдрын эрт илрүүлгийг хийх боломж бүрдэж байна. “Хавдрын эрт илрүүлгийн төв”-ийн барилгыг улсын төсвийн 500 сая төгрөгийн төсөвт өртөгтэйгөөр шийдвэрлэн, 2019-2020 онд Гурван тамир ХХК барьж хүлээлгэн өгсөн юм.
Манай улс Украин улсаас бүх иргэдээ татаж авч дууслаа
Гадаад харилцааны сайд Б.Батцэцэг: “Украин улсаас эх орондоо ирэх хүсэлт гаргасан иргэдээ 100 хувь татаж авч дууслаа. Харьков хотод үлдээд байсан 15 оюутан яг энэ мөчид Бүгд Найрамдах Польш Улсын хилээр орж ирж байна. Нийт 58 иргэнийг Польш Улсын хилээр дамжуулж эх оронд нь авч ирэх арга хэмжээг аваад байна. Үүнээс гурван иргэн эх орондоо ирж, 18 иргэн маргааш эх орондоо ирэх бол 15 иргэн Польш Улсын хилээр нэвтэрлээ" гэв.
Ш.Энхийн-Од өсвөрийн бүх оддын тоглолтын Дэлхийн багт нэрлэгдлээ
Өсвөрийн бүх оддын тоглолт хэмээн нэрлэгддэг “Nike hoop summit” сагсан бөмбөгийн шоу тоглолтыг спортын алдарт брэнд “Nike” ивээн тэтгэдэг. 1995 оноос хойш уламжлал болон зохион байгуулагддаг энэхүү өсвөрийн бүх оддын тоглолт ирэх дөрөвдүгээр сарын 8-нд АНУ-ын Портланд хотын Мода центрт болно. “Nike Hoop Summit” тоглолтын 2022 оны дэлхийн багийг төлөөлөн оролцох 12 тоглогчийн нэгээр Монгол Улсын иргэн Ш.Энхийн-Од сонгогджээ.
Автобус далайруу цөмөрч оржээ
Энэ жилийн Хөвсгөлийн мөсний баярт 30 орчим мянган жуулчин ирнэ гэж тооцсон. Энэ тооны дотоодын болон гадны зочид ирсэн гэж Хөвсгөл аймгийн засаг дарга мэдээлсэн. Тэгвэл баяр болж буй Хатгал тосгонд буюу Хөвсгөл далайгаас 5 км-ын хойд чиглэлд мөс цөмөрч автобус орсон осол гарлаа.
МУИС-ийн оюутан Б.Ариунзаяад хилийн хориг тогтоох саналыг шүүхэд хүргүүлжээ
Бусадтай зүй бус харилцсан үндэслэлээр цагдаагийн байгууллагад шалгагдаж буй МУИС-ийн оюутан Б.Ариунзаяаг Монгол Улсын хилээр гарахыг хязгаарлах таслан сэргийлэх арга хэмжээ авах саналыг прокурорын байгууллагаас шүүхэд ирүүлжээ.
Улсын харцага Б.Цэдэнсодном харцага цолтойдоо хоёр дахь түрүүгээ хүртлээ
Монгол улсын начин цолонд хүндэтгэл үзүүлэх барилдаанд бүртгүүлээд байсан хэдий ч барилдааны өмнө дэвжээн дээр гарч зодоглохгүй гэдгээ мэдэгдсэн Даян дэвжээний бөхчүүд болох улсын харцага Ш.Пүрэвгарьд, улсын начин Т.Дүгэрдорж нарын бөхчүүд энэ удаа барилдлаа.
Д.Батчулуун
