Байгаль орчныг хамгаалахад харилцаа холбооны оператор компаниудтай хамтарч ажиллах гэрээнд гарын үсэг зурлаа.

Хамтын ажиллагааны хүрээнд

• Туул голын бүсийг камержуулах ажилд дэмжлэг үзүүлэх, технологийн шийдлийг санал болгож хамтран ажиллах;
• Монгол Улсын тусгай хамгаалалттай газар нутгуудад үүрэн холбооны сүлжээ оруулах;
• Байгаль орчны сансрын судалгааны зургийг авч байгаль экологийн тэнцвэрт байдлыг хянах зорилготой судалгаа хийхэд дэмжлэг үзүүлэх;
• БОАЖЯ-ны нийт ажилчдад зориулсан мэдээ, мэдээллийг цаг алдахгүй, түргэн шуурхай, нэгэн зэрэг хүргэх Web2Sms үйлчилгээгээр ханган дэмжих.
• БОАЖЯ-аас байгаль орчин, зэрлэг ан амьтан, аялал жуулчлалыг дэмжсэн ажил, төсөл, хөтөлбөр хэрэгжүүлэх тохиолдолд Юнител группээс мэдээлэл, сурталчилгааны сувгаараа дамжуулан олон нийтэд түгээх чиглэлээр дэмжин ажиллах;
• БОАЖЯ-аас байгаль орчин, зэрлэг ан амьтан, аялал жуулчлалыг дэмжсэн ажил, төсөл, хөтөлбөр хэрэгжүүлэх тохиолдолд Юнител сард тохирох хэрэглэгчид рүү мессэжээр хүргэх;
• БОАЖЯ-аас байгаль орчин, зэрлэг ан амьтан, аялал жуулчлалыг дэмжсэн ажил, төсөл, хөтөлбөр хэрэгжүүлэх тохиолдолд Юнивишнийн нийт хэрэглэгчдийн IPTV дэлгэцээр дамжуулан мэдээлэл хүргэх.
• Хамтран хэрэгжүүлэх нийгмийн эерэг нөлөөллийн ажлуудын төлөвлөгөөг боловсруулах;
• Юнител болон түүний охин компанийн бүтээгдэхүүн, үйлчилгээг БОАЖЯ-нд нийтэд санал болгож буй боломжит хямд үнээр санал болгох.

Доор дурьдсан төсөл, хөтөлбөрүүдийг хамтран зохион байгуулж, дэмжлэг үзүүлэн ажиллана. Үүнд:

• Ногоон байгаасай – Зэрлэг ан амьтны амьдрах орчны сайжруулах чиглэлд 3-5 аймагт 15 хөв хийх;
• Ногоон байгаасай – Байгалийн дурсгалт газруудын хаягжилт сайжруулах;
• Ногоон байгаасай – Байгаль цаг уурын аюулт үзэгдлийн сэрэмжлүүлэг болон хог хаягдал, байгаль орчноо хамгаалах чиглэлийн нөлөөллийн ажлуудыг зохион байгуулах;
• Ногоон байгаасай – Байгалийн дурсгалт 10 га талбайг цэвэрлэх зорилтот аян өрнүүлэх;
• Аялал жуулчлалын улиралд зохистой аялах нөлөөллийн аяныг өрнүүлэх;
• Зөв наадая - Улсын болон орон нутгийн наадмын арга хэмжээг сурталчлах.

Хамтран хэрэгжүүлж буй төсөл, хөтөлбөр, нөлөөллийн аянуудыг мэдээлэл хүргэлтийн сувгуудаараа түгээх, дэмжин ажиллах, хамтран холбогдох байгууллагуудад хандаж шийдвэрлүүлэхэд дэмжлэг үзүүлж ажиллахаар БОАЖЯ-ыг төлөөлж, БОАЖ-ын сайд Б.Бат-Эрдэнэ, “Юнител групп”-ийн гүйцэтгэх захирал Д.Энхбат, нар өнөөдөр /2022.04.21/ санамж бичиг байгуулав.

Байгаль орчин, аялал жуулчлалын яам