Манай сайтын цоо шинэ булан болох “Долоо хоногийн онцлох хүн” буланд уншигч та бүхэн тавтай морилно уу. Бид энэхүү буландаа тухайн долоо хоногт олны анхаарлыг татсан нэгнийг онцлох юм. 

Энэ долоо хоногийн онцлох хүнээр "Гацуурт" ХХК-ийн захирал, Хөдөлмөрийн баатар Л.Чинбат нэрлэж байна. 

"Гацуурт" ХХК-ийн захирал Л.Чинбат Сэлэнгэ аймгийн Баруунбүрэн сумын малчдыг машинаараа хөөж, дайрч унагаж буй бичлэг зургаадугаар сарын 15-ны өдөр цахим сүлжээнд цацагдсан. Энэ нь олны дургүйцлийг ихэд төрүүлсэн.  Уг асуудлыг цагдаагийн байгууллагаас шалгаж эхлээд байгаа юм.

Нэг ёсондоо, төмс тарьдаг Л.Чинбат хэрэг тарих нь дутаж л дээ. Тухайлбал, бичлэг цацагдсан орой Л.Чинбат өөрийн хуудас дахь мэдээлэлдээ "малын хулгайтай тэмцэж байна" гэх тайлбарыг өгсөн юм. Харин түүний өмгөөлөгч О.Батсүх "Л.Чинбат морьтой болон мотоциклтэй хүн дайраагүйг хариуцлагатайгаар мэдэгдье" гэх тайлбарыг өгсөн билээ. Харин Сэлэнгэ аймгийн Баруунбүрэн сумын гуравдугаар багийн Засаг дарга Б.Ганзориг "Малчидтайгаа нийлж, адуунуудыг нутгаас гаргах гээд байж байтал Гацууртын Л.Чинбат нь саарал өнгийн “Ланд 200” машинтай давхиж ирээд “Та нар миний хөрөнгийг хаших эрх байхгүй” гэнгүүтээ шууд манай хоёр морьтой, нэг мотоциклтой иргэнийг машинаараа дайраад унагаачихсан" гэх мэдээллийг өгсөн. Ингэснээр Л.Чинбатын өөрийн цахим хуудсандаа нийтэлсэн тайлбар худлаа болохыг илтгэж байна. 

Ийнхүү "Гацуурт" ХХК-ийн захирал Л.Чинбатын үйлдэл нь "Хүний эрүүл мэндийн халдашгүй байдлын эсрэг гэмт хэрэг" учир энэ зүйл ангиар шалгагдаж магадгүй аж. 

Эрүүгийн хуулийн 11.1 дүгээр зүйл. Хүний эрүүл мэндэд хүнд хохирол санаатай учруулах:

1.Хүний эрүүл мэндэд хүнд хохирол санаатай учруулсан бол арван мянган нэгжээс дөчин мянган нэгжтэй тэнцэх хэмжээний төгрөгөөр торгох, эсхүл хоёр жилээс найман жил хүртэл хугацаагаар хорих ял шийтгэнэ.

2.4. зэвсэг, тусгайлан бэлтгэсэн зэвсгийн чанартай зүйл хэрэглэсэн 

11.6 дугаар зүйл.Хүний эрүүл мэндэд хөнгөн хохирол санаатай учруулах

1.Хүний эрүүл мэндэд хөнгөн хохирол санаатай учруулсан бол дөрвөн зуун тавин нэгжээс нэг мянга гурван зуун тавин нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас гурван сар хүртэл хугацаагаар зорчих эрхийг хязгаарлах ял шийтгэнэ гэж заажээ.