"Эрдэнэт үйлдвэр" ТӨҮГ-ын ажилчид өнөөдөр өглөө 07:00 цагаас ажил хаясан асуудлаар МҮЭХ-ноос мэдээлэл хийв. Энэ үеэр тус холбооны ерөнхийлөгч С.Эрдэнэбат дараах байр суурийг илэрхийллээ. 

Тэрбээр, “Үйлдвэрийг нуруун дээрээ авч яваа мэргэжлийн, ачаалал өндөртэй хэсгийн ажилчдын цалинг нэм. Дундаж цалинг дөрвөн сая төгрөг гэж байна. Үйлдвэрийн захирал удирдлагууд нь 40, 50 сая төгрөгийн цалин авдаг гэх мэдээлэл бий.

Үйлдвэрийн чухал мэргэжлийн ажилчид, ачаалал өндөртэй ажилчдын орлогыг нэмэгдүүлэх шаардлагыг МҮЭХ дэмжиж байна.

Үйлдвэрийн ажилчдын цалин 500 орчим ам.доллар, дундаж цалин нь 1,100 орчим ам.доллароос эхэлдэг. Эрдэнэтийг жижиг уурхай шиг төсөөлж болохгүй" гэв.