Монгол Улсын Засгийн газраас ирэх онд "Шүд" төслийг эхлүүлэх гэж буй. Үүнтэй холбогдуулан 24tsag.mn мэдээллийн сайт болон Ашид дент шүдний эмнэлгийн зүгээс "Эмч зөвлөж байна" булангаараа дамжуулан шүд арчилгаатай холбоотой зөвлөгөө мэдээллийг хүргэх юм. Бид эхний дугаартаа "0-3 насны хүүхдийн шүд арчилгаа"-ны талаар Ашид дент шүдний эмнэлгийн нүүр амны их эмч Б.Даваанямтай ярилцлаа. 

-Хамгийн эхний дугаартаа бид 0-3 настай хүүхдүүдийн шүд арчилгааны талаар зөвлөгөө мэдээлэл өгөх юм. Энэ насны хүүхдийн амны хөндийн эрүүл ахуйд хэрхэн анхаарах вэ? 

-0-3 настай хүүхдүүдийн шүд арчилгааны тухай эцэг эхчүүд маш их асуудаг. Бага насны хүүхдийн шүдний арчилгаа бол оо сойзыг таниулахаас эхэлнэ. Энэ насны хүүхдүүдийн амны арчилгаа болоод эрүүл ахуй маш чухал байдаг. Тийм ч учраас цаашид шүдээ эрүүлээр нь хадгалж үлдэхэд чухал нөлөө үзүүлдэг.

Иймд эцэг эхчүүд, асран хамгаалагчийн оролцоо чухал байдаг. 

-Хэзээнээс амны эрүүл ахуйд анхаарч, арчлах хэрэгтэй вэ? 0-3 нас гэхээр шууд сойз хэрэглэхгүй байх тийм үү? 

-Хоол амлаж эхэлсэн цагаас эхлээд амны хөндийг нь цэвэрлэж эхлэх хэрэгтэй. Шүд ургаагүй байсан ч буйл, хэл, салстыг нь арчилж, цэвэрлэх хэрэгтэй. Мэдээж шууд сойз хэрэглэхгүй л дээ. 

Хамгийн энгийн арчилгааны гар доорх материал гэвэл маарал байж болно. Мааралтай төстэй ам цэвэрлэх бүтээгдэхүүнүүд зөндөө бий.

Үүнээс гадна хуруувчин сойз, иштэй порлон гээд төрөл бүрийн цэвэрлэгээний бүтээгдэхүүнүүд байдаг учраас өөрт хялбар байгаа бүтээгдэхүүнийг сонгох боломжтой. Мөн шүдний оо хэрэггүй. Зөвхөн бүлээн ус байхад л хүүхдийнхээ амны хөндийг цэвэрлэж чадна. 

-Шүд арчилгаа гэхээр хамгийн түрүүнд ой, сойз л санаанд ордог шүү дээ. Сойзыг хэзээнээс хэрэглэж эхлэх нь зохистой вэ? 

Зургаан сартайгаас эхлээд хүүхдийн шүд ургаж эхэлнэ. Шүд ургаж эхэлсэн цагаас шүдтэй ямар нэг бүтээгдэхүүн хэрэг болно. Эхний удаад хуванцар иштэй сойз зүгээр байдаг. Уг сойзны эх биеийг хүүхэд өөрөө хазаж тоглох боломжтой байдаг. 

-Баярлалаа. 

Д.Батчулуун