
Сүүлийн өдрүүдэд Монголын цахим орчинд “Хувь заяа” хэмээх дуу олны анхаарлыг татаж байна. Ерөнхийлөгч асан Ухнаагийн Хүрэлсүх албан тушаалаасаа чөлөөлөгдөх тухай мэдэгдлээ нийтлэхдээ уг дууг ашигласан нь түүнийг дахин олны анхаарлын төвд оруулжээ.
“Хувь заяа” дууг реппер Ginjin болон “ICE TOP” хамтлагийн дуучин Boogii нар хамтран дуулсан байна. У.Хүрэлсүхийн нийтэлсэн бичлэгийн дараа уг дуу цахим орчинд эрчимтэй тархаж, YouTube дэх хандалт нь ч нэмэгджээ. Тухайн үеийн мэдээллээр дууны клип 13.1 сая гаруй үзэлттэй болсон байв.
Дууны нэр, агуулга болон улс төрийн үйл явдалтай давхацсан цаг хугацаа нь олон нийтийн анхаарлыг татсан гол шалтгаан болжээ. Үүний улмаас хүмүүс уг дууг дахин сонсож, цахим орчинд элдэв тайлбар, хошигнол, сэтгэгдэл хуваалцах болсон байна. Ийнхүү нэгэн уран бүтээл улс төрийн үйл явдалтай холбогдон цахим орчинд дахин түгж, уран бүтээлчдийн хандалтад нөлөөлсөн нь анхаарал татаж байна.
Л.Баяр




















































