Монголын автомашин, мотоциклийн нэгдсэн наадам арав хоёр дахь жилдээ зохион байгуулагдах гэж байна. Тодруулбал, энэ оны тавдугаар сарын 10-12-ны 10:00-20:00 цагт, 22-ын товчооны Авто худалдааны цогцолбор төвд болох юм байна.

"POWER EXPO & FESTIVAL"- д Монгол Улсын Нийслэл Улаанбаатар хотын есөн дүүрэг, 21 аймгийн тамирчид, сонирхогчид, бүх насны үзэгчид оролцох боломжтой аж.

Арван хоёр дахь удаагийн наадам нь уламжлалт хөтөлбөрүүдээс гадна ховор, содон машины тусгай үзэсгэлэн /унадаг дугуйнаас нисдэг тэрэг хүртэл/, анх удаагаа moto mini gp ангиллын уралдаанууд, сагсан бөмбөгийн тэмцээн, хоол, худалдаа борлуулалт, энтертайнмэнт арга хэмжээнүүдтэй.

Үндсэн мэргэжлийн тэмцээнд дотоодын шилдэг тамирчид, дрифтийн спортын өлгий нутаг Япон улсын мэргэжлийн тамирчид болон БНХАУ-н Автомашин Мотоциклийн Холбооны удирдлагын баг болон “China Drift Championship” тэмцээний муж мужийн шилдэг тамирчид инженер, механикийн 17 хүний бүрэлдэхүүнтэй баг ирж оролцоно. Мөн шагнал гардуулах ёслол, хаалтын арга хэмжээ болгож их хотын хэмнэл нэрэгч DJ нар задгай талбайн шоу, салют, лазерийн үзүүлбэрүүдтэй.

• Холбоо барих: 88886892, 91111170, 96948884
• Цахим тасалбарыг: www.shoppy.mn, www.ticket.mn