Зариг.мн сайтын эрхлэгч, сэтгүүлч Н.Өнөрцэцэгт холбогдох хэргийн шүүх хурал эхлэх гэж байна. Шүүх хурлаас өмнө тэрбээр дараах мэдээллийг өглөө. 

Тэрбээр "Намайг эрүүгийн дөрвөн зүйл ангиар яллахаар прокуророос шүүхэд шилжүүлсэн байгаа. Мөрдөн байцаалтын явцад олон эргэлзээтэй асуудлууд үлдсэн.

Би энэ хэрэгт яагаад холбогдчихоод байгаагаа ч ойлгохгүй байгаа нэг хэрэг байгаа. Тэр бол төрийн нууц мэдээллийг хадгалсан хэмээн намайг буруутгаж байгаа.

Төрийн нууц мэдээллийг хадгалсан хүн байгаа юм бол задруулсан хүн байх ёстой. Тэр нь эрүүгийн хуулийн 19.12 гэдэг зүйл анги бий. Тэгвэл задруулсан гэмт хэрэгтэн нь хэн юм бэ. Хэн гэдэг хүн надад төрийн яг ямар нууцыг өгсөн юм. Би нэг сайдын нэр сонссон.  Ямар ч тийм баримт илрээгүй байхад яагаад намайг холбоод байгааг гайхаж байна. Энэ мэтээр мэдэхийг хүссэн олон асуудлууд байна.

Миний ганц хүсэж буй зүйл бол шударга, үнэнээр нь шүүлгээд өнгөрье.

Өнгөрсөн 10 жилийн хугацаанд Н.Өнөрцэцэг хаагуур юу хийж явсныг бүгдийг нь шалгасан. Би өнгөрсөн 10 жилийн амьдралаа шүүлгэчихсэн учир одоо нуугаад байх зүйл байхгүй" гэв.

Д.Батчулуун