Мяньмарын сөрөг хүчний удирдагч Ан Сан Су Чи тус улсын исламын шашинт рохингя үндэстнүүдэд хатуурхаж буйг шүүмжилж эхэллээ. Тэрээр орон нутгийн удирдлагууд рохингячуудыг дээд тал нь хоёр хүүхэдтэй байх ёстой хэмээх шийдвэрийг буруутгасан байна.

Үндэстний цөөнхөд хатуурхсан энэхүү хориг Мяньмарт 1994 онд гарсан ч төрөлт ихтэй нутгуудад л хүчээр хэрэгжиж байсан аж. Харни өнгөрсөн долоо хоногт тус улсын Маунг Дау, Бу Ти Даунг гэсэн тосгодод хоёр хүүхдийн бодлогыг хатуу хэрэгжүүлж эхлэхээ эрх баригчид зарлажээ. Эдгээр газарт нийтдээ 800 гаруй мянган рохингя амьдардаг байна. 

Нобелийн шагналт улс төрч Ан Сан Су Чи “Үндэс угсаагаар ялгаварлах нь сайн хэрэг биш юм. Ийм зүйл хүний эрхэнд байж болохгүй” хэмээн сэтгүүлчдэд мэдээлж, уриалжээ.

Энэ мэтийн гадуурхах хандлагаас болж Мяньмарын буддын шашинтнууд болон исламын шашинт рохингячуудын дунд ихээхэн мөргөлдөөн гарч олон хүний амь эрсэддэг юм.