ОХУ-ын ерөнхийлөгч Владимир Путиныг Америкийн спортын толгой баянаас 25 мянган ам.долларын бөгж хулгайлсан хэмээн барууны хэвлэлүүд мэдээлж байна.

Жорж Бушийн засгийн газар тухайн үед бөгжийг бэлэг байсан хэмээн мэдээлж байсан ч эзэмшигч нь хулгайлж авсан гэж мэдэгдлээ. “Шинэ Английн эх орончид” америк хөлбөмбөгийн багийн эзэн Роберт Крафт өчигдөр ОХУ-ын Ерөнхийлөгч түүний алмазаар бүрсэн бөгжийг 2005 онд Санкт-Петербургийн бизнес чуулган дээр “хулгайлсан” гэж мэдээллээ.

Роберт Крафт “Би бөгжөө тайлаад Путинд үзүүлсэн. Гэтэл тэр миний бөгжийг зүүгээд л яваад өгсөн. Би түүнд бөгжөө өгье гэж огт хэлээгүй” хэмээн ярьлаа.

72 настай Роберт Крафтын мэдээлснээр Цагаан ордны ажилтан тухайн үед түүнд Америк-Оросын харилцааг бодоод энэ явдлыг олон нийтэд үнэнээр зарлахгүй байхыг хүсчээ. Роберт Крафт 124 кратын алмазан бөгжөө буцаан авахыг хүссэн ч Цагаан ордон “Роберт Крафт Владимир Путинд бөгжөө бэлэглэсэн” хэмээн мэдээлсээр байжээ.

Ноён Роберт Крафт бөгжөө эргүүлэн авахыг хүссэр байна. Учир нь түүний бөгж дээр түүний нэр бий гэлээ. Мөн тэрээр алмазан бөгжөө 2005 онд Америк хөлбөмбөгийн аварга шалгаруулах тэмцээний 39 дэх тэмцээнд ялсны дараар шагналд нь авсан байна.

Кремлины ажилтан Дмитрий Песковын сэтгүүлчдэд мэдээлснээр бөгжийг гадаадын төлөөлөгчдийн өгсөн бусад бэлгийн адилаар Кремлийн номын санд хадгалж байгаа гэсэн байна.