АНУ-ын Колорадо мужид амьдардаг хүйсээ солиулсан 6 настай Кой Матис шүүхэд ялалт байгуулсан нь трансжендер хүмүүсийн хувьд том ялалт боллоо. Кой Матис эхээс төрөхдөө эрэгтэй байсан ч 4 настайдаа хүйс солиулах мэс засалд орж эмэгтэй болжээ. Түүнийг зургаан нас хүрч, сургуульд ороход нь багш нар нь эмэгтэй гэдгийг нь хүлээн зөвшөөрөөгүйгээс асуудал үүссэн байна.

 Хүүхдүүдийг охид, хөвгүүдээр нь хуваахад багш нар нь Кой Матисыг хөвгүүдийн талд зогсоодог тул "Би эмэгтэй хүүхэд, охидтой хамт зогсмоор байна" хэмээн гэртээ уйлсаар ирдэг байжээ. Мөн ариун цэврийн өрөөнд орох гэхэд нь охидууд, хөвгүүдийн алинд нь ч оруулахгүй багш нарын ариун цэврийн өрөөнд орохыг шаардсан байна. Үүнд охины гэр бүлийнхэн бухимдаж өнгөрсөн хоёрдугаар сард шүүхэд хандсан бөгөөд энэ хугацаанд охин сургуулиасаа гарч, гэртээ байжээ.


    Харин өчигдөр болсон шүүх хурлаар Eagleside бага сургуулийг хүүхдийг ялгаварлан гадуурхсан гэж үзэж, Кой Матисыг охидын ариун цэврийн өрөөнд оруулж байх үүрэг өгсөн байна. Кой Матис 5 сартайгаасаа охидын тоглоомонд дурлах болсон бөгөөд мэдээ орсон цагаасаа хөвгүүдийн хувцас өмсөх дургүй байжээ. Өөрийгөө эмэгтэй гэж боддог тэрбээр хөвгүүдийн хувцас өмсүүллээ гэж уйлж, шаналдаг байсан гэнэ. Тиймээс эмч нартай зөвлөсний эцэст  эцэг эх нь түүнийг хүйс солих мэс засалд оруулсан юм байна. АНУ-д ийм трансжендер хүүхдүүд цөөнгүй байдаг аж.