Өчигдөр ОХУ-ын Ерөнхийлөгч Владмир Путин АНУ-ын Тагнуулын төв газрын нууц мэдээллийг олонд дэлгэсэн Эдвард Сноудены талаар мэдээлэл хийлээ. Тэрээр Сноуденыг Москва хотын Шерметевийн онгоцны буудлын дамжин өнгөрөх тасагт байгаа хэмээн мэдээлсэн байна. Мөн түүнийг Барак Обамагийн хүссэнчлэн АНУ-д буцаан шилжүүлэхгүй гэлээ. Учир нь ОХУ, АНУ тухайн орны хууль зөрчсөн этгээдийг шилжүүлэх тухай хэлэлцээ хийгээгүй хэмээн мэдээллээ.

Владимир Путин Сноуден түүний улсад ирсэн нь гэнэтийн хэрэг байсныг тэмдэглээд энэхүү мэдэгдэл нь АНУ-тай харилцааг муутгахгүй хэмээн итгэж байна гэв. Мөн тэрээр Эдвард Сноуденыг удахгүй очих газартай болох байх гэж байна гэжээ.
АНУ-ын Тагнуулын төв газрын мэдээллийн ажилтан асан Эдвард Сноуден хэдэн долоо хоногийн өмнө тус газрын “PRISM” хөтөлбөр хэрхэн бусдын яриаг чагнадагаас эхлээд хэрхэн ажилладаг зэрэг нууц мэдээллүүдийг цацсан нь эх орноосоо дүрвэх шалтгаан болсон юм. Тэрээр Эквадор улсаас улс төрийн орогнол хүссэн ч хариу өгөөгүй байна. Ням гарагт Хонконгоос Москва хотод ирсэн тэрээр Куба, Венесуэл рүү нисэх төлөвлөгөөтэй байсан юм.